السلام عليكم يا جماعة الخير
انا شخص خاطب و أكلم خطيبتي يومياً و كلمتها في الليل مرة متأخرا فعلم ابوها فغضب بشده
ثم هدأ بعد عدة أيام فلما هدأ قلت لخطيبتي لن نتكلم ليلا و لكننا رجعنا نتكلم ليلا فحدث موقفاً بعد فترة اخري فقلت اعاهد الله أنني لن اكلمها ليلا و ازعم انني وفيت بالعهد و الله اعلم مني و منكم و بقيت علي ذلك شهرا كاملا حتي بدأت خطيبتي تتململ جدا خاصة و ان دراستها بدأت و انا في العمل و لم نعد قادرين علي التواصل اكثر من عدة دقائق يوميا بالنسبة لي هذا شىء طبيعي اما هي ف غاضبة فهل هناك مخرج من العهد او ان هناك حل للمشكله اصلا
أظن أنكما في حاجة لقراءة ضوابط الخطبة في الإسلام بشكل أكثر تعمقا حتى تفهما ما يجوز لكما وما لا يجوز .. هي وإن كانت خطيبتك فهي ما زالت أجنبية عنك لا يحق لك التحدث معها بدون وجود محرم .. ولا الحديث سوى في حدود التعرف على بعضكما البعض .. كل هذا إن حدث وقع تحت بند الحرام والمعصية
تم النشر الأربعاء، ١٢ فبراير ٢٠٢٥
اكيد كلامك صح ،، ربنا يعينني و اقدر اقنعها لأني عودتها اننا نتكلم كتير و بقالنا عدة شهور ع كدا
تم النشر الأربعاء، ١٢ فبراير ٢٠٢٥
أتواصل معاها في الزيارات لان فيها بتعرفوا بعض وبتبقوا مركزين على كدا انما موبيلات ما انصحكش الا انك تطمن على اهلها وعليها وعشان الموبيلات مجرد عشوائيه في الكلام الا لو في حاجه مهمه طبعا فمش لازم تبعد معاد الزياره خد وقتكم في معرفه بعض لان ده جواز انما كلام في الحب ده غلط يا سيدي
تم النشر الأربعاء، ١٢ فبراير ٢٠٢٥
تعليقا علي كلام حضرتك أ/ (جاد ) منكرش اني في الأول كنت مش كويس و يمكن دا بسبب قلة خبرتتي لإن دي أول مره و كدا ، و أخطأت و ربنا يغفر لي لكن الحمد لله الموضوع متطورش و لا حاجه و دا بستر ربنا علينا ،، ،، و مع الوقت بدات اتزن اكتر و قللت زيارات بدل كل اسبوعين مره بقت كل شهر زياره و لغيت مكالمات الليل نهائيا و دي الحاجه اللي مدايقاها و سبب غضبها لأننا كدا مبنتكلمش خالص تقريبا لأنها بتكون في الكليه لحد الساعه 2 ظ و انا بكون في الشغل و لما هيا بتوصل البيت ع الساعه 4 انا بكون نايم لحد بالليل عشان انا ورديه ليلي في الشغل و لما الصبح ييجي مبنعرفش. نتكلم عشان بتبقي مستعجله في المواصلات ،،لكن السؤال هل هناك مخرج للتواصل خلال وقت اكبر مع مراعاة ضوابط الخِطبه
تم النشر الأربعاء، ١٢ فبراير ٢٠٢٥
لازم تقعد معاها وتعيد تنظيم فكرها ولو ما رضيت تدخل والدها في ناس اصلا بالنسبه لهم الزيارة كل حاجه اللي هي كل اسبوع او اسبوعين او عشرين يوم او شهر على حسب كل واحد وفتره الخطوبه فلازم تكونوا بتعرفوا عقلية بعض وتتكلموا في الجواز والاسرة فقط لانك غريب عنها فلو هتروح تزورها يبقى تتكلم بس في الحاجات المهمه لمستقبلكم وزواجكم انما فكره انك تكلمها كدا يوميا ده شيء غلط وملوش لازمه فهي غريبه عنك والكلام بينكم للحاجه وبقدر الحاجه.
تم النشر الأربعاء، ١٢ فبراير ٢٠٢٥
ليه بتعامل خطيبتك زي الشاب المرتبط ببنت وعايش حياته معاها على السوشيال ميديا؟ لو أختك مخطوبة هتبقى مرتاح وأنت شايف خطيبها بيكلمها كل يوم؟
تم النشر الأربعاء، ١٢ فبراير ٢٠٢٥
,للاسف انا وقعت في نفس الغلطه بدون قصد وسابتني عشان معملتش حدود في العلاقه وندمان اوي المفروض تكون وسطي وتلتزم بدينك انا كنت يكلمها كتابه ونادرا لما بكلما صوت كنت فاكر أن بكتر كلامي هقرب منها بس حصل العكس اتعلم من أخطائي البنات مش بتحب اللي يكلمهم كتير بيزهقو وكمان متبينش حبك ليها بشكل مبالغ ممكن تكرهك وتبعد عنك أو تزهق منك
تم النشر السبت، ١٥ فبراير ٢٠٢٥
أنت محتاج تعرف خطيبتك ضوابط الخطبة الشرعية حتى تلتزم بها من نفسها وحتى تعرف أن تحفظك في الكلام معها هو التزام بهذه الضوابط وليس هجرا لها
تم النشر الأربعاء، ١٢ فبراير ٢٠٢٥
بالضبط ودي غلطه لكن هتقدر تعديها بمرونتك ما انت مش هتقطع خالص بردو ممكن مره في الاسبوع تطمن عليهم بس ظبطها مع نفسك وركز انك تعرفها كويس وهي كذالك في الزيارات
تم النشر الأربعاء، ١٢ فبراير ٢٠٢٥
تعليقا علي كلام أ محمد شريف ،،،،،عندك حق هحاول بقدر المستطاع أصحك المسار تاني ان شاء الله
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا