السلام عليكم ورحمه الله وبركاته
كنت حابه اعرف ازي امسك اعصابي مع ابني في معاملتي معاه ساعه المذاكره مثلا اي موقف في المدرسه مش بعرف اعديه بسهوله انا نفسي أعصابي تكون هاديه واخد المواضيع بهدوء خالص واتعامل معاهم ايه الخطوات اللي ممكن اعملها
وعليكم السلام ورحمة الله وبركاته كنت حابه أعرف ازاي امسك أعصابي مع ابني بحط قدامي ايهما اهم علاقتي بإبني ولا نجاحه وانه يجيب درجات عاليه ويغلطش واحط قدامي لو ابني له سلطة اكبر مني هل نتعامل معاه بنفس المعامله واحط قدامي ان ابني هدية من ربنا وهيحاسبني علي سوء استخدامي ده واحط قدامي اني بحفر ذكريات ابني بإيدي دلوقتي حابه اكتب ايه عني واحط قدامي اني ممكن اكون سبب لاذي ابني ويفضل طول عمره يتعالج بسببي واحط قدامي هيفتكرني بإيه بعد وفاتي هيدعيلي ولا ؟ نفكر كده شويه ونبدأ بعدها ازاي نصحح الوضع
تم النشر الثلاثاء، ٥ نوفمبر ٢٠٢٤
وعليكم السلام ورحمة الله وبركاته. فهم مشاعرك كأم هو أمر في غاية الأهمية، بل هو جزء أساسي من عملية التربية. إن ضبط النفس في التعامل مع الأطفال، خاصةً أثناء أوقات المذاكرة أو في مواقف الضغط، يتطلب بعض الخطوات والتقنيات التي يمكن أن تساعدك. إليك بعض الاقتراحات: تحديد الأوقات : حاولي تحديد وقت معين لمذاكرة ابنك، وتجنبي انشغالات أخرى أثناء هذا الوقت. هذا يساعد على خلق بيئة هادئة ومركزة. تواصل واضح : عندما تواجهين مشكلة، احرصي على استخدام لغة هادئة وعبارات واضحة للتواصل مع ابنك. تجنبي الصراخ أو النقد، بل استخدمي أسلوب التعزيز الإيجابي عندما ينجح في شيء. النموذج الإيجابي : كوني قدوة لابنك في كيفية التعامل مع المشاعر. إذا شعرت بالتوتر، حاولي الاعتراف بتلك المشاعر وأخبريه أنك تعملين على ضبط نفسك. تحديد وقت للهدوء : إذا شعرت بأن أعصابك بدأت تنفد، خذي لحظة لتفكري قبل أن تتفاعلي. يمكنك الاعتماد على الذكر أو قراءة آيات من القرآن لطرد التوتر. تقديم المساعدة : إذا كان ابنك يواجه صعوبة في موضوع معين، يمكنك مساعدته بشكل هادئ، ومن ثم يمكنك الانتقال إلى موضوع آخر إذا استمر الصراع. استراتيجية المكافآت : اشجعيه على بذل جهوده من خلال تقديم مكافآت صغيرة عندما يحقق تقدماً. العناية بنفسك : لا تنسِ أهمية العناية بنفسك. امنحي نفسك وقتاً للراحة والاهتمامات الشخصية لتجديد طاقتك. تذكري أن التربية ليست عملية سهلة، ولكن بالمثابرة والعزيمة تستطيعين تحسين الأمر بمرور الوقت. أسأل الله أن يوفقك ويعينك في تربية ابنك.
تم النشر الثلاثاء، ٥ نوفمبر ٢٠٢٤
وعليكم السلام ورحمه الله وبركاته. طيب ممكن ابدا معاكي من اول ازاي امسك اعصابي؟ هي ليه بتفلت من ان انا اصلا؟ يعني خلينا نسال الاسئله دي علشان نعرف ازاي لما تفلت تمسكها وبعدين ليه طول الوقت هي اللي بتفلت مننا واحنا مش عارفين نتحكم فيها كده ونمسكها ايه الحاجات اللي بالنسبه لك هي مصدر لفلتان الاعصاب او خروج اعصابك عن انك تكوني مسيطره عليها ومتحكمه فيها. ايه السبب في استفزازك بالشكل ده؟ خليني اقول لك واحده من الاجابات اللي بتبقى عند اغلب الامهات. انا نفسي يبقى كويس بقى وشاطر من غير ما اقعد اعيد وازيد نفس الحاجه ثاني انا بيستفزني وفي نفس الغلط او انا بيستفزني انه الحاجه بكررها اكثر من مره وهو برده بيعملها تاني دي من اكتر الحاجات اللي بتخلي الامهات تخرج عن شعورها وتكون مستفزه جدا فتبقى عصبيه اغلب الوقت بتكون الام محتاجه توصل لمرحله تشعر فيها بانها حققت شيء وان هي دلوقتي الوضع اكثر استقرارا وهما هيقدروا يعملوا حاجه لوحدهم وهي هتكون. عندها مساحه ترتاح فيها شويه. مشكله هنا في ايه بقى مشكله انه الولاد بيخرجوا من مرحله بينتقلوا لمرحله ثانيه بعدها يكون فيها تحديات اخرى بيكون فيها حاجه ثانيه هحط فيها الجهد فانا ما بوصلش ابدا للحته او للمساحه اللي انا هرتاح فيها. وحل الموضوع ده ايه؟ اول حاجه لازم تتعمل انت تحطي مساحه لنفسك هي مساحه من الهدوء. في امهات بتقول فين منين اجيب وقت منين اجيب مكان ما بيسيبونيش في حالي ما بلاقيش وقت اعمل فيه الكلام ده واقعد وقت مع نفسي اذا ما قدرتيش تحققي ده ولو بقدر صغير اللي هو مثلا 10 دقائق فيبقى احنا كده المهمه بتاعتنا بتاعه ان احنا نتحكم في اعصابنا هتكون صعبه جدا جدا فدي اول نقطه مهمه قوي بدل ما انا اكون مستنيه الولد يوصل ااا يبقى في حته معينه عشان انا الاقي مساحه ارتاح فيها لا انا اقدر اكون متحكمه وانا اللي ابدا اعمل المساحه دي. المساحه دي على فكره ممكن تبقى؟ لما اخلص صلاه افضل مكاني على المصليه للسجاده وياخذ خمس دقائق او عشر دقائق من غير ما اقوم اقضي الوقت ده في هدوء الوقت ده انا ما بفكرش فيه انا بعد الصلاه هقوم اعمل ايه ما بفكرش فيه هم دلوقتي هيطلبوا مني ايه والولاده ابدا ااكد معاهم ان في الوقت ده ما حدش يتكلم معي في الوقت ده يعني مش مسموح غير بس بالايه يعني الحاجات الضروريه او لكن انت دلوقتي عايز تحكي لي حاجه انت عايز تطلب مني حاجه انتظر لحد ما انا اقوم من على المصليه اول ما اقوم تقدر تعمل الوقت ده انا ممكن اوجه للولاد بان الوقت ده بتاع ربنا متخرجونيش من الوقت بتاع ربنا علشان اقدر بعدها اديكم الوقت اللي انتم محتاجينه وانا هديه ومع التكرار هتلاقي الولد استجابوا معك وعرفوا ان انت فعلا في الوقت ده هتكوني وقت مع نفسك ومع ربنا يبقى كده احنا اتكلمنا في اول نقطه وهي ان انت ضروري يكون عندك الوقت اللي بتريحي نفسك فيه عشان ما يبقاش ضغطك طول الوقت وانت بتتعاملي مع الاولاد انك مستنيه ان هم يخلصوا فانت ترتاحي. لانك اي تصرف منهم هتحسي ان هم بياخروكي او بيعطلوكي عن انك ترتاحي وكانهم بيعاندوا فيك هم ولا بيعملوا اي حاجه من دي يعني. تمام اييي؟ الخطوه الثانيه اللي محتاجين نعملها ان احنا نتعامل مع الولاد على قد سنهم الاولاد مش احنا الاولاد مش مجرد انهم بيتكلموا وبيروحوا وبيجوا اا فمعنى كده ان هم بقوا كبار وعاقلين مش معنى ان احنا اا قلنا لهم على الحاجه فخلاص كده هي اتثبتت عندهم المفروض ياخدوها ويعملوها على طول يعني هاحطك قدام مثال كده انه في ناس كبار همم بتتعاملي معاهم وبتكوني نبهتيهم لحاجه مثلا بتضايقك او موقف حصل واا قلنا خلاص من بعد النهارده هنعمل كذا او مش هنعمل كذا بتلاقي الكبار دولت عادي نسيوا الحاجه او ما عملوش بيها وترجعي تلوميهم ازاي ما عملتوش كده فاذا كان دول الكبار الصغيرين اللي هم لسه بيتطوروا لسه قدامهم رحله تطور وبناء لشخصيتهم واذهنهم ونفسيتهم.
تم النشر الثلاثاء، ٥ نوفمبر ٢٠٢٤
مشكله العصبيه إنك ممكن تكرهى ولادك في أي حاجه بيعملوها وخصوصا المذاكره فأول حاجه اتعلمى تكونى صبوره معاهم ولازم تدركى انه طفل ميعرفش حاجه حاولى كدا تهدى ده لو فعلا عايزه ولادك يكونو كويسين يعنى شويه ويكبر ويعرف الغلط والصح فواحده واحده كل ما تلاقى نفسك اتعصبتى استعيذى بالله كدا وخدي نفسى وهدى اعصابك خالص
تم النشر الثلاثاء، ٥ نوفمبر ٢٠٢٤
لعرض السؤال في فدني اضغط هنا