الفترة الأخيرة. استعرضت لضغط كبير وكتمان وزعل شديد وعصبيه وده زاد اوي اخر تلت شهور بشكل كبير
ومن شهر بداء يظهر ع وشي أنه بيترعش وبيتحرك زي كده لما عنينا بترف بس ده ف وشي كله و شفايف وأنفي وخصوصا طبعا وقت العصبيه والبكاء
أنا مش عارفه افصل نفسي من الجو العام والمسببات بس خايفه يحصلي حاجه والاعراض تتطور ، المفورض دلوقتي احمي نفسي ازاي من التطورات
السلام عليكم ولن الف سلامه عليك ان شاء الله ايا كانت الظروف اللي مسببه لك الضغط الشديد ده ربنا يعديها على خير الحاجه المهمه اللي لازم تعرفيها انه ده كده الضغط وكل اللي حصل معك عمل ضغط كبير جدا على الاعصاب وخصوصا الاعصاب اللي موجوده في الوجه. فتقدري تعملي ايه اول حاجه تخلي بالك كويس قوي انك ما تتعرضيش لهوا ساقع وبعديها هواء سخن او هو سخن وبعديها وساقع علشان ده ما ياثرش على اعصاب وشك زياده دي اول حاجه خلي بالك من الجزئيه العضويه يعني تاني حاجه تبداي تاخذي حاجه تكون مقويه للاعصاب واكتر حاجه واشهر حاجه هو فيتامين بيتولد يا اما تاخديه بشكل حقن يا اما تاخديه بشكل اقراص يا اما في حاليا تابلت كده بتبقى يعني بتبقى باتش بتتحط على اللسان وبتذوب انت اسهل حاجه موجوده دلوقتي يعني لطيفه جدا يعني بتخلي حاجه ما تنسيهاش دي مهمه جدا جدا جدا علشان تبقي بتعملي تقويه للاعصاب. بشكل عضو الحاجه اللي محتاجه تعمليها وقت ما يكون في موقف. هيسبب تنشن او شد عصبي فمحتاجه انك حتى محتاجه بعدها تعملي استرخاء لاعصابك بتدخلي تاخدي دش علشان اصابك تهدى ويا ريت نخش ده ما يكونش سخن قوي ولا ساقع قوي يكون مايا فاتره محررتها يعني مزبوطه بتقعدي وتعملي تمارين تنفس علشان تسمحي للاكسجين ان هو يدخل بشكل مناسب فجسمك بيتنفس اعصابك ما يحصلش فيها ضرر تعملي حمام مياه سخنه لرجليكي يعني حطي حاجه يكون فيها ميه دافيه ويكون فيها ملح ما يكون كويس جدا لان هيساعدك ان اعصابك يهدى جسمك يسترخي لما تكوني مشدوده تحطي فيها رجليك وتقعديه بدون اضاءه. وتعملي تهدئه جسمك ده ضروري جدا حتى وانت حاليا مش قادره تسيطري في الوقت بتاع العصبيه لازم بعدها تحاولي تعملي ده علشان جسمك محتاجه محتاجه جدا جدا جدا علشان تحافظي على نفسك من اي ضرر لا قدر الله. يا ريت كمان لو ما عندكيش اي امراض مزمنه او حاجه لها علاقه بالضغط مثلا تاخدي قرص اللي هو مره مثلا يوم او يوم لا علشان سيوله الدم مهمه جدا في الموضوع ده او الف عليك مره تانيه.
تم النشر الأربعاء، ٢٩ مايو ٢٠٢٤
أنا حاسه بك يا عزيزتي، واكيد اللي بتعدي بيه مش سهل تمامًا. الضغط النفسي والعصبي فعلاً ممكن يكون له تأثير كبير على جسمنا، وعادةً لما نشعر بتوتر وزعل بيظهر على جسمنا بطرق مختلفة. علشان تحمي نفسك من التطورات الخطيرة، في كذا حاجة ممكن تبدأي فيهم: التمارين الرياضية : حاولي تمارسي الرياضة بانتظام. ده بيساعد في تخفيف التوتر وتحسين المزاج. حتى لو مجرد مشي نصف ساعة يوميًا. التنفس العميق والاسترخاء : جربي تمارين التنفس العميق أو اليوغا. دي بتساعد في تهدئة الجهاز العصبي. التحدث مع حد موثوق فيه : المشاركة باللي بتحسي بيه مع شخص ممكن يكون صديق، فرد من العيلة، أو حتى معالج نفسي. الأكل الصحي والنوم الجيد : اهتمي بنظام غذائي متوازن وحاولي تنامي كويس. الجسم بيحتاج للراحة علشان يقدر يتعامل مع الضغط. تقليل الكافيين والمنبهات : دي بتزيد التوتر والقلق. حاولي تشربي مشروبات دافئة زي النعناع أو الكاموميل. البحث عن هوايات أو نشاطات تحبيها : ده بيساعد في تخفيف الضغط وبتلاقي حاجة تستمتعي بيها. طلب المساعدة : لو حاسه ان الأمور خارج سيطرتك ومش بتتحسن، ممكن تراجعي دكتور نفسي علشان يساعدك بطرق مهنية. الأهم إنك تاخدي خطوة لقدام مهما كانت صغيرة جدًا. صحتك النفسية والجسدية أولى وأغلى ما عندك. وأنا هنا لدعمك دايماً.
تم النشر الأربعاء، ٢٩ مايو ٢٠٢٤
محتاج علاج نفسي و عضوي النفسي لمعالجة المشاكل وكيفية حلها وتعلم إدارة الضغوط النفسية اما العضوي لعلاج العرض الظاهر
تم النشر الجمعة، ٣١ مايو ٢٠٢٤
لعرض السؤال في فدني اضغط هنا