السلام عليكم ورحمة الله وبركاته ، أنا طالبة و جاي ليه فرصة شغل في حضانة بس حشتغل في الإجازة بس عشان مينفعش مع الكلية. المشكلة في أن ولدي أ ول ميلقيني بشتغل حيشيل أيده من المصاريف خالص وده مينفعش لأن الفلوس اللي حجبها في الإجازة دي حساعد بيها لكن مش هقدر أشيل كل مصاريفي هو من صغري كان بيدلع اخواتي و بيصطرف ببزخ عليهم و لطو معهوش بيستلف وانا كان الربع جنيه بيحاسبني عليه فأعمل ايه بدور علي حجة عشان مبينش اني حشتغل بس مش عارفه و لو كلمت اهلي يساعدوني و ميقولوش لابويا بيوعد ني و في الاخر بيروحوا يقولو لابويا
في اكتر من حل زي انك تكوني قايله لمامتك مش من وراها انك تعرفيه ان عندك تدريب طول الصيف او بتاخدي كورس او نازله تطوع ف مكان ... وممكن حل تاني تقوليله انك عامله جمعيه عشان كنتي مستلفه فلوس من برا ف هتشتغلي تسدي الجمعيه دي وفعلا اعملي جمعيه بالفلوس دي متصرفيش منها اي حاجه بس متعمليش حاجه من ورا مامتك لازم تكون عارفه بتروحي فين ونظام شغلك ومكانه لان مبقاش في اي حاجه مضمونه
تم النشر الخميس، ٢ مارس ٢٠٢٣
هو بيعذبك فى المصاريف اه بس مش مانعها عنك انا رأيي تاخدى الطريق السليم يا اما تشتغلى وتعرفيه وممكن تقوليله الفلوس دى هتجيبي بيها ايه فى وقت الدراسة وهو هيرجع يديكى اللى محتاجاه حتى لو بالعافيه . يا اما متستغليش وبلاش منها خالص المخاطرة دى واشتغلى بعد ما تخلصى دراسة .
تم النشر الخميس، ٢ مارس ٢٠٢٣
وعليكم السلام ورحمة الله وبركاته زي ما قالولك لازم تتأكدي من أمان المكان اللي أنتي رايحه له ,أو أي حد يكون عارف عشان لو لقدر الله حصل مشكلة باباكي هيقلب عليكي الضعف, و برضو زي ما كتبولك قولي إن ده كورس مجاني أو منحه عشان ميسألش هتجيبي فلوس الكورس منين . بس في سؤال هل باباكي من النوع اللي ممكن يقولك وريني مكان الكورس أو فين الشهادة أو كده؟ حاولي تاخدي حذرك من قبلها
تم النشر الخميس، ٢ مارس ٢٠٢٣
قولي له إنك نازلة تدريب أو تطوع .. ده لو فعلا متأكدة أنه مش هيصرف عليكي بعد الشغل. وحاولي ع الأقل تعرفي رأيه من بعيد لبعيد في الموضوع هيكون ماشي ازاي مثلا؟ علشان أي خطوة بالنسبالك تبقى محسوبة بعد كده.
تم النشر الخميس، ٢ مارس ٢٠٢٣
لعرض السؤال في فدني اضغط هنا