هل هناك علاج مجرب للكسل عن الصلاه؟؟
وكيف أتشجع للصلاة في جماعه
اهلا ومرحبا بك عن تجربة شخصية في الموضوع ده هي إني حسيت إني عايزة أقرب أكتر من ربنا بالصلاة، لاني مكنتش عايزة احس اني بصلي من أجل تأدية واجب والسلام! أو اني بصلي علشان هي حاجه ملزمة علينا علشان الثواب والعقاب وهكذا. ديه من أكتر الحاجات اللي بتخليني كل شوية أراجع نفسي فيها. حاجة كمان حاول تقتنع إن الصلاة ديه هي من الحاجات اللي بتخليك تتواصل مع ربنا، وتكلمه وتشكي له. أعتبرها الحاجه الوحيدة اللي في يومك اللي بتحس فيها براحة وسكينة. مش مجرد الزام، أو حاجه لازم اعملها وخلاص. يارب تكون اجابتي افادتك.
تم النشر الخميس، ١٧ نوفمبر ٢٠٢٢
التزم المسجد كثيرا استحضر ايات الصلاة من القرأن ..لتكون تذكرة المحافظة على الوضوء حتى لو لم تصلى المعلومة دى ممكن تفيدك ونفعتنى انا شخصيا فى وقت ما كنت بكسل عن وقت اصلاة الانسان لن تنفعه كل اعماله الصالحه اذا لم تصلح صلاته يعنى لو عملت كل حاجة صح بس بدون صلاة ( يبقى كأنى جبت صفر بالظبط ) محدش فينا عاوز يجيب صفر بعد ما يتعب فى امتحان الدنيا ربنا يثبتنا جميعا ويرزقنا الجنة
تم النشر الأربعاء، ١٦ نوفمبر ٢٠٢٢
اكثر من دعاء ( رب اجعلني مقيم الصلاة ومن ذريتي ربنا وتقبل دعاء) اقرا كتاب اول مرة اصلي اسمع مواعظ دينية كثيرة وخصوصا التي تتحدث عن الموت والحساب والقبر
تم النشر الثلاثاء، ٢٢ نوفمبر ٢٠٢٢
اولا اعقد النيه انك تبتغى وجه الله فقط وانك عايز رضاه ثم اقرا عن الصلاه وفضلها وعقوبه تركها..وادعى قول اللهم انى اعوذ بك من العجز والكسل واعوذ بك من الجبن والبخل واعوذ بك من الهم والحزن واعوذ بك من غلبه الدين وقهر الرجال ولطف قلبك بالقران
تم النشر الاثنين، ٢١ نوفمبر ٢٠٢٢
افتكر دايما ان مفيش حد هيوافق يقابلك خمس مرات في اليوم ولا في حد هيستحملك في كل حالاتك وقت حزنك وفرحك وافتكر ان الصلاه اول حاجه هتتحاسب عليه وهتتحاسب لوحدك كمان وحاول ان تواظب علي صلاه قيام الليل واول ما الاذان يأذن هتقول من غير تفكير تصلي وادعي دايما ان تواظب علي الصلاه
تم النشر السبت، ١٤ يناير ٢٠٢٣
اسفه لو كلامي شديد شوية ولكن لو في حد عزيز عليك جدا وتوفاه الله هتحس جدا ان الدنيا دي ولا حاجه وان كلنا هنمشي في اي لحظة لو استشعرت ده وحسيت ان اول حاجه هتتسأل عنها هي صلاتك فان صلحت صلح سائر عملك وان فسدت فسد سائر عملك لو حسيت ده بجد مش هتتكاسل عن الصلاة ابدا وهتعرف ان مفيش عذر عندك اصلا هتقوا ايه لما ربنا يسألك عن صلاتك كنت في حرب ؟ المحارب بيصلي صلاة الخوف كنت مريض ؟ المريض بيصلي ولو برأسه فقط او اصبعه لو كان جسمه لا يتحرك كنت في صحراء ؟ بتتيمم وتصلي لا يعذر احد بترك الصلاة ابدا كان والدي الله يرحمه بيقول تخيل انك يوم القيامه هتيجي تلاقي كل ايام قدامك عبارة عن ٢٤ صندوق تحتهم ٢٤ صندوق تحتهم ٢٤ صندوق كل ٢٤ صندوق عبارة عن يوم من عمرك ودي ساعات عمرك كلها وتيجي تجمع حسناتك او اعمالك الصالحه فتقعد تفتح ملاييين الصناديق ال قدامك واحد ورا واحد ورا واحد ومش لاقي حاجه فيهم خالص طيب كنت بتعمل ايه !!!! ليه مكنتش بتملاهم ليه مكنتش بتبعت فيهم وانت فاضي وبصحتك ؟؟؟؟ ايه ال استفدته في الوقت ال مفيش رجوع فيه ولا ينفع تملاهم بحاجه خلاص؟؟
تم النشر السبت، ٣١ ديسمبر ٢٠٢٢
اجعلها و اعلم انها رقم 1 في حياتك . اول ما تصحي تبقي عارف لو خارج هتصلي كل فرض فين اتوضي قبل الاذان صاحب ناس بتصلي برنامج المؤذن الصلاة بخشوع و جعلها مجال حوار بينك و بين الله مكان هادئ مخصص للصلاة ڤيديو الصلاة ل محمد الغليظ و حسين يعقوب و محمد العريفي له ڤيديو رائع اسمعه كثير و كرر الڤيديوهات علي مدار ايامك القرآن خير حصن قضاء الفوائت صلاة السنن . ف ختام كل صلاة قل : اللهم أعني علي ذكرك و شكرك و حسن عباداك
تم النشر الأربعاء، ٢١ ديسمبر ٢٠٢٢
اعتقد لو نزلت تطبيق يقولك باقتراب معاد الصلاة هيفرق معاك زي https://play.google.com/store/apps/details?id=com.parfield.prayers.lite
تم النشر الثلاثاء، ٢٢ نوفمبر ٢٠٢٢
متفكرش وانت رايح تصلي يعني خد القرار وقوم صلي علطول وادعي ديما وقول اللهم اعني على شكرك وذكرك وحسن عبادتك وافتكر دايما ان الصلاة اهم من اي عمل انت بتعمله ولو عايز ربنا يبارك في عملك يبقي لازم تحافظ علي صلاتك قدر المستطاع
تم النشر الخميس، ١٧ نوفمبر ٢٠٢٢
نعم ان تتعلم التوحيد والعقيدة ان عرفت مع من تتعامل لن تتكاسل
تم النشر الأربعاء، ٢٣ نوفمبر ٢٠٢٢
طبعا افتكر ضيق القبر يوم القيامه ولله مافي حد نافع حد غير اداء الفريضه وبس 🥺
تم النشر السبت، ١٤ يناير ٢٠٢٣
متابعة البرامج الدينية: إنّ متابعة البرامج الدينية التي تحض على الصلاة، وتبين حكم تاركها، وفضل الصلاة على وقتها، وغيرها من الأحكام، تساعد الشخص في الثبات على الصلاة، لأنّه مشحون دائمًا بهذا الأمر، ويستمع لمن هم أعلم منه، وبالتالي فإنّه سيُعزّز الأمر داخله بشكل متواصل، حتى يصبح الأمر جزء لا يتجزّأ من حياته اليومية
تم النشر السبت، ١٤ يناير ٢٠٢٣
استغفر الاول في ذنوب هي اللي بتخلي القلب يتكاسل عن الصلاه بعدين وقت الاذان ماياذن قول اللهم اني تبرأت اليك من حولي وقوتي الي حولك وقوتك فانه لاحول ولا قوة لي الا بك ٣ مرات وقوم صلي
تم النشر الاثنين، ٢٦ ديسمبر ٢٠٢٢
من الاشياء اللي بتساعد هو الوضوء المستمر .. اما الادان بيدن وانت متوضي بيشجعك جدا على الصلاة بما انك كدة كدة متوضي
تم النشر الاثنين، ٢٨ نوفمبر ٢٠٢٢
إذا أذن قم فصلي مباشرة
تم النشر الأربعاء، ٢١ ديسمبر ٢٠٢٢
لعرض السؤال في فدني اضغط هنا