السلام عليكم
انا بنوته عندي ١٩ سنه انا مش في الطف حالتي خالص، مفيش حد بيحبني ودائما عصبيه جدا عشان ادافع عن نفسي لاني دائما بيكون عليا هجوم من كله وامي علي طول بتقعد تقول كلام مالوش لازمه بتقعد تقولي انتي عايزة تقعدي لوحدك عشان تعملي حاجات مش كويسه
ودائما بتقلل مني قدام مراتات اخواتي حتي قدام اخواتي بتعمل نفسها اني جايه عليها
من كتر ما اضايقت دخلت هنا عشان عايزة دوا أو أي حاجه تهدي اعصابي وتخلي نفسيتي هاديه لاني انا عندي مشاكل كتير كمان علاقتي مع بابا الحمد لله كويسه بس بعاني من فقدان مشاعر الحنان والحب
السلام عليكم ورحمة الله وبركاته اهلا بيكي اولا: خلينا متفقين ان مفيش دواء بيغير أفكار أو سلوك أو مشاعر، و ان كل شئ بنشوفه حلو او وحش بيجي من طريقه تفكيرنا، هل تفكيرنا دا إيجابي ولا تفكيرنا دا سلبي! لو إيجابي هيجلب لكي كل ما هو سعيد و العكس. و دا كمان اللي بيخليكي عصبيه. ثانيا: التواصل الفعال دا مهم جدا في العلاقات خصوصا الأسريه، و الظاهر المشاعر و التحدث بكل ما هو مؤلم بدون غلط او صوت مرتفع أو أي شئ من هذا القبيل و ترفضي اي كلمه مزعجه بالنسبالك و لكن بطريقه تخلو من العنف و العيب و الحرام. مثال : انتي عاوزه تقعدي لوحدك علشان تعملي حاجات مش كويسه هنا ممكن تردي : بصوت معتدل في درجات الصوت، انا بزعل اوي يا ماما من الكلمه دي، انتي مربياني احسن تربيه و انا عمري ما اعمل حاجه تغضب الله أو تغضبك، و تبوسي رأسها مثلا، ( الحنيه بتجيب حنيه) و تؤجري علي المعامله الطيبه لوالدتك. و اسأل الله لكي صلاح الحال.
تم النشر الجمعة، ٢٨ مارس ٢٠٢٥
وعليكم السلام ورحمة الله وبركاته، أولاً، أود أن أعبر لك عن تعاطفي مع ما تمرين به. من الواضح أنك تواجهين الكثير من التحديات الصعبة في حياتك، سواء في العلاقات مع العائلة أو في التعامل مع مشاعرك الخاصة. من المهم أن تعرفي أن مشاعر الإحباط والقلق التي تشعرين بها هي مشاعر طبيعية يمكن أن يشعر بها الكثير من الشباب في سنك. ومع ذلك، لن يساعدك التفكير السلبي في تحسين حالتك. إليك بعض النصائح التي قد تساعدك: التواصل: حاولي فتح قنوات التواصل مع عائلتك. تحدثي مع والدتك عن مشاعرك وما يؤثر عليك. قد يكون ذلك تحديًا، لكنه قد يساهم في تحسين العلاقة. تحديد حدود: إذا كنت تشعرين بأن التعليقات السلبية تؤثر عليك، قد تكون فكرة جيدة لوضع حدود واضحة مع من يتعامل معك بشكل غير إيجابي. البحث عن الدعم: لست وحدك في مشاعرك. قد يكون من المفيد لك البحث عن دعم من الأصدقاء أو المراكز الاجتماعية أو حتى حلول من معالج نفسي. تنمية الذات: استثمري في نفسك من خلال تعلم مهارات جديدة أو الانخراط في أنشطة تجعلك تشعرين بالراحة. الهواء الطلق أو ممارسة هواية تشعرك بالسعادة يمكن أن يكون مجديًا. التفكر الإيجابي: حاولي تغيير طريقة تفكيرك من السلبية إلى الإيجابية. ابدأي بتدوين أشياء إيجابية عن نفسك، وذكري نفسك بها يوميًا. وأخيرًا، إذا كنتِ تعانين من ضغط نفسي شديد، فإن استشارة مختص نفسي يمكن أن تكون خطوة هامة. تذكري أن البحث عن المساعدة هي علامة قوة، وليست ضعف. أتمنى لك التوفيق والسلام في رحلتك نحو تحسين حالتك النفسية.
تم النشر الخميس، ٢٧ مارس ٢٠٢٥
بصي هو معظم الناس بتمر بمشاكل زي دي هي والدتك ممكن تكون سلبية في الحته بتاعت انك عايزه تقعدي لوحدك و دي معظم الوقت بتخلينا نفقد الثقه في نفسنا و ان احنا قد اي محناش قد الثقه بتاعت أهلنا و لا قد المسؤليه بس هقولك حاجه الحل الوحيد انك متشغليش بالك بكل دا ركزي في دراستك لو بتدرسي او اشغلي نفسك بأي حاجه و لو أمكن انك تتكلمي مع والدك في النقطه دي و انها بتزعلك من والدتك و ان هي بتقلل منك أو لحد من خالاتك يكون قريب منك و ينفع تحكيلوا و خالي بالك ان المشاعر الل مفتقداها في اهلك مينفعش تدوري عليها برا بمعني انك متدخليش علاقه بغرض انك هتلاقي المشاعر الل نقصاكي دي في العلاقه بالعكس هتدمري اكتر لان اولا حرام ثانيا عمر ما حد هيحبك ربع حب اهلك ليكي رغم المشاكل و الخناقات اللي بتبقا بينكو ديما بس مستحيل حد هيحبك قدهم و ربنا يريح قلبك يسكره🤍
تم النشر الجمعة، ٢٨ مارس ٢٠٢٥
صباح الخير يا فندم واضح إنك تحت ضغط نفسي كبير، وده ممكن يكون سبب العصبية والشعور بعدم التقدير. إحساسك بالوحدة والانتقاد المستمر ممكن يسبب توتر زائد. جربي تخصصي وقت لنفسك، حتى لو بسيط، واعرفي إن التعبير عن مشاعرك مش ضعف. لو حسيتي إن الموضوع مأثر على حياتك بشكل كبير، ممكن تستشيري طبيب نفسي يساعدك على التعامل مع الضغوط بشكل صحي.
تم النشر الجمعة، ٢٨ مارس ٢٠٢٥
بصي فيه سحر بجد اسمه التعود جربي في شهر مثلا تتحكمي في اعصابك صدقيني هتتعودي على ده و عمرك مهترجعي زي الاول تاني و برضو بالنسبة لمامتك فهو مهما كانت البتقولهولك هي في الاخر نيتها مصلحتك فانتي متزعليش منها و ادعي ربنا كتير
تم النشر الجمعة، ٢٨ مارس ٢٠٢٥
لا بلاش مهدئات وحاولي متتعصبيش خالص خالص عشان ده بيخلي وجه نظرك وكلامك ملوش اهميه اهدي واسكتي خالص ومترديش ع اي كلام يقال وبعد م الدنيا تهدي والحوار يخلص اتكلمي معاها براحه وقليلها انك ملكيش غيرها وانك زعلتي من كلامها جدآ واي حاجه تقولها قليها طيب وحاضرر وتمام حتي لو متعصبه وقتها هي هتحس انك غريبه وفيكي حاجه مديقاكي وهيفرق جدا الحوار ده جربي
تم النشر الجمعة، ٢٨ مارس ٢٠٢٥
لازم متخصص وحذاري المهدئات نهايتها مش حلوة
تم النشر الجمعة، ٢٨ مارس ٢٠٢٥
حاولي تقعدي تتكلمي مع امك بهدوء عن مشاعرك
تم النشر الخميس، ٢٧ مارس ٢٠٢٥
لعرض السؤال في فدني اضغط هنا