السلام عليكم
انا عندي مشكله اني بخاف خوف شديد على اهلي عندي وسواس ملازمني ومسيطر بشكل مرعب بيخليني افكر كتير واخاف ان حد ممكن يتعب او يموت لدرجة ان لما بقعد مع نفسي كده وافكر ضربات قلبي بتزيد ومبقدرش اتنفس كويس وبيزيد التوتر عندي وبيعملي ارق بس انا عايزه اسأل هنا سؤال تاني غير ده اتمنى تطمنوني لأني بجد قلقانة بشكل مش طبيعي
دلوقتي فيه حسنة غريبة في بطن امي لونها اسود شكلها غريب هيا بقالها عشرين سنة عندها بس من ٤ سنين كده كانت بيتكون عليها طبقات وبتشقق وبتنزل دم بس هيا كانت دايما تدهن مراهم عليها بس الحمد لله حاليا بقت مساوية شويه للجلد بس مبقتش بتعمل معاها حاجه بس انا شوفت صور على النت وسمعت فيديوهات بيقولوا انها ممكن لا قدر الله انها تكون ميلانوما وفيه ناس تقول انها شامة حميدة لكن امي مش راضيه تروح ابدا للدكتور عشان اطمن عليها ارجوكم حد يطمني 😓
انتي اولا محتاجه لمتخصص نفسي عشان القلق الي عندك تتحكمي في ونصحك لو في حاجه متبحثيش علي النت لا مرض لان كل حاجه وليها تشخيص
تم النشر الثلاثاء، ١٤ مايو ٢٠٢٤
أهلا وسهلا. انتِ بحاجة لمراجعة طبيب نفسي قد يكون الأعراض الموجوده حاليا مؤشر لوجود نوع من الوساوس القهرية او القلق الحاد الأمر يحتاج لتدخل علاجي أما بالنسبة لوالدتك لا تنشغلي بما يحدث معها او تبحثي على الانترنت او تسألي لانه كل هذة السلوكيات هي سلوكيات طمأنة لخفض درجة القلق وإلحاح الفكرة لكنه حل غير مجدي لانه ستبدأ الدائرة من جديد فكرة ثم مشاعر قلق شديدة ثم سلوك طمأنه ثم انخفاض القلق ثم فكرة جديدة وهكذا ولن ينتهي الأمر..
تم النشر الاثنين، ١٣ مايو ٢٠٢٤
خليها تسأل صيدلي حتى لو هي خايفة من الكشف و مافيش سبب يخلينا نخاف طول ما ربنا موجود و بيدبرلنا امورنا لازم نثق بالله و نطمئن بوجود نعمه و رحمته علينا
تم النشر الخميس، ١٦ مايو ٢٠٢٤
خدي الامور ببساطه كلنا مكتوب هنموت امتى محدش بيموت ناقص عمر وكمان افضلي وراها لحد متقنعيها تروح المستشفى او لدكتور جلدية وبس ومتفكريش تاني ولا توتري نفسك واتنفسي فهماني
تم النشر الثلاثاء، ١٤ مايو ٢٠٢٤
حاولي متفكريش فالموضوع واشغلس نفسك عن حاجه دايما وبالنسبه الحسنه معرفش الصراحه وربنا يديم الحب بينكم
تم النشر الاثنين، ١٣ مايو ٢٠٢٤
ده تعلق طبيعى جدا بيزيد ويقل حسب انتى عايشة معاهم او لاء لما بتكونى مع اهلك بترتبطى بيهم لانهم احساسك بالامان وهتحسي بالخوف والضياع من غيرهم
تم النشر الأحد، ١٢ مايو ٢٠٢٤
لعرض السؤال في فدني اضغط هنا