انا في تالتة ثانوي كنت ماشي كويس لحد يوم ٢٢/١٠ حصل ظرف بسبه دخلت العمليات وتعافيت الحمدلله واحنا نهاره ١٨/٢ كنت عاوز ابدا من الاول ممكن اي نصيحه
انا حسبت حصص المنهج كامل لقيتهم ١٩٥ حصة والمدرسين هيبدأو مراجعة في ١٥/٤ ومش عارف اعمل ايه
ربنا يشفيك ويعافيك يارب ، اعتبرها سنة زي أي سنة حرفيا ، زي م كنت بتذاكر ل تانيه ذاكر لتالته لأن ف الاول والاخر مش هتاخد الا الي ربنا كاتبه ليك وكل حاجه كتبها ربنا خير ، فلو انت تعبان ذاكر ع أدك ، لو كويس الحمدلله ذاكر ع أدك برضو ، ع أد مستوي فهمك وتركيزك لو انت مبتعرفش تركز ف المذاكره الا ساعتين ف اليوم اعمل كدا ومتتفرجش علي فيديوهات ازاي تذاكر ٢٤ ساعه متواصله ، سيبك من كل حاجه أصلا ومن كل حد حواليك انت اكتر واحد عارف نفسك ، تقدر تذاكر وقت أد اي ، ف الوقت دا ذاكر ابدأ بالسهل بالنسبالك لو نفسك مقفولة من المذاكرة ، وكل حاجه قيسها بالنسبالك انت مش بالنسبة لحد تاني دي مذاكرتك ودي حياتك ، اعمل كل الي عليك وف نفس الوقت ريح نفسك وسيبك من كلام اي حد
تم النشر الأربعاء، ١٩ فبراير ٢٠٢٥
أولاً، أهنئك على تعافيك من العملية، أسأل الله أن يديم عليك الصحة والعافية. أما بالنسبة لمشكلتك في الدراسة، فإليك بعض النصائح العملية التي يمكن أن تساعدك: تحديد خطة زمنية : قم بإنشاء جدول يتضمن المواعيد المحددة للدروس والمراجعات. احرص على تقسيم الوقت بطريقة تتيح لك مراجعة كل مادة بمعدل منتظم. توزيع الحصص : حاول توزيع الحصص بحيث تغطي كل المواد. يمكنك البدء بالمواد التي تشعر أنك بحاجة لمزيد من الوقت للدراسة فيها. التركيز على الأساسيات : في البداية، من المهم أن تركز على فهم المفاهيم الأساسية في كل مادة، لأن الفهم الجيد سيجعل المراجعة النهائية أكثر سهولة. الاستعانة بالمعلمين : إذا كان لديك أي تساؤلات أو لاستفسار عن نقاط غير واضحة، فلا تتردد في التواصل مع معلميك. يمكنهم توجيهك فيما يتعلق بالمجالات التي تحتاج إلى تحسين. استغلال الموارد الإلكترونية : يمكنك استخدام المنصات التعليمية المتاحة على الإنترنت، حيث يمكنك العثور على دروس فيديو، وملخصات، وأسئلة امتحانية تساعدك على التعلم بفاعلية. تنظيم مراجعة دورية : حاول أن تضع لنفسك مراجعات دورية لكل مادة، مثلاً كل أسبوعين، لتقييم تقدمك. الصبر والمثابرة : لا تيأس، قد تشعر في البداية بالضغط، لكن بتوزيع الجهد والإلتزام، ستتمكن بإذن الله من وضع نفسك في المسار الصحيح. تذكر أن الإيمان بنفسك وقدرتك على تحقيق أهدافك هو الأمر الأساسي. نسأل الله لك التوفيق والسداد.
تم النشر الثلاثاء، ١٨ فبراير ٢٠٢٥
انا زيك والله مراكم يعتبر المنهج. بس هنفضل مستنين ان حد يقولنا نبدا ومعرفش ايه؟ لا طبعا ابدء من نفسك متستنيش حد يقولك ابدء قدامك 4 شهور تلم فيهم المنهج مرتين يعني ابذل انت جهد وسعي وربنا بيراضي والله. لو فضلت تفكر ف الوقت عمرك مهتزاكر بسبب انك هتضايق وساعتها ولا هتوصل لنتيجه. صلي بس صلواتك كلها وسيب الباقي علي ربنا ومتستناش حد يقولك ابدء ومتحسسش نفسك انك الوحيد ال مراكم ال كل مراكم والله ف ف حط هدفك قدامك وابدء والف سلامه عليك واسال الله لك التوفيق.
تم النشر الأربعاء، ١٩ فبراير ٢٠٢٥
ألف سلامة عليك و الحمد لله انك كويس دلوقتي و متقلقش لسه معاك وقت انت اعمل خطة كدا تحاول بيها تشوف اللي فاتك و هتتعب شوية دلوقتي و اول ما المراجعات تبدأ كل ده بيتظبط و هتتعود على الأسئلة و هتلاقيها بتتكرر و الدنيا هتبقي كويسة إن شاء الله
تم النشر الثلاثاء، ١٨ فبراير ٢٠٢٥
لعرض السؤال في فدني اضغط هنا