انا تفكيري متلخبط اوي بمعني اني مبعرفس اخد قرار في حياتي كل م حد يدخل حياتي اقول م ممكن اقابل الاحسن يعني انا عندي سنين كتير لسه ولسه هقابل ناس لما شخص بيدخل حياتي ويكون حد كويس عقلي بيفضل يقولي اني لسه هقابل ناس كتير ممكن الاقي الاحسن بجد تفكيري متلخبط وانا والله مش شخصيه وحشه خالص اعمل ايه الحل اي
انا مؤمنة دايما بإن الشخص الصح ال فعلا هتحبيه مش هتحتاري الحيرة دي قدامه ابدا ،، يعني اول م تشوفيه أو تكلميه مشاعرك كلها هتتحرك و هتلاقي الف صوت جواكي قابله ،، فمتزعليش ولا ترهقي نفسك انتي ماشية صح لحد م تلاقي نصيبك💜
تم النشر الأربعاء، ١٦ أغسطس ٢٠٢٣
كده معندكيش حاجات واضحة وباصه فى الواسع وبس والعام لازم الاحسن ده يبقى محدد بالنسبالك الصفات اللى بتحترميها او تناسبك فى الاشخاص عشان يكونوا قريبين منك لازم تبقى واضحة قدامك انتى قبل ما تظهر للاخرين وتكون كل صفه ليها درجات واضحة بردوا يعنى مثلا الصدق لو الشخص كان ملتزم بمواعيدة يبقى صادق بدرجة جيد لو الشخص كان صادق فى الحديث عن عيوبه يبقى صادق بدرجة جيد جدا لو الشخص كان صادق فى انه يتكلم فى الحق فى وش اى حد وعنده مبدأ ..يبقى صادق بدرجة ممتاز وهكذا هتاخدى الدرجات دى وتتعاملى بيها بدل ما انتى سايبة العملية مفتوحة
تم النشر الأربعاء، ١٦ أغسطس ٢٠٢٣
المثاليه .. مشكلتك المثاليه هتفضلي تقولي اكيد لسه فيه حد احسن، بركه يجي حد احسن .. بس الموضوع مش بيتقاس بالطريقة ديه، مفيش حد احسن ومفيش حد هيكون بالنسبالك كامل .. لان كلنا فينا عيوب .. بالنسبالك الاحسن اللي هيجي برضه هيكون فيه عيوب انتي هتفضلي شيفاها .. وهتقولي برضه يمكن يجي الاحسن .. محدش كامل ف الحل تخلي مواصفاتك واقعية.
تم النشر الأربعاء، ١٦ أغسطس ٢٠٢٣
كلنا فينا عيوب مفيش حد كامل وان انتي تفضلي كل ما حد يدخل حياتك تقولي نجرب ماهو دا غلط اه الحياة تجارب وتعلم ولكن مش لكل من هب ودب حاولي تركزي شويه في الأشخاص اللي حولك واتعلمي من اللي حصل معاكي قبل كده وانتي هتلقي اللي انتي عوزا مش اللي رايح واللي جي اسف ان كنت بكلم بالطريقه دي
تم النشر الأربعاء، ١٦ أغسطس ٢٠٢٣
عادي احتفظي بالناس الكويسه اللي معاكي عشان اكيد هيفيدوكي ودخلي برضو ناس جديده كويسه ف حياتك وبعدين مش علطول بتلاقي ناس كويسه
تم النشر الأربعاء، ١٦ أغسطس ٢٠٢٣
هههههههههههههه سبحان الله دايما اللي بيكون بيتكلم بالمنطق دا اكتر واحد بياخد علي دماغه في الاخر من اختياراته والمنطق الغلط بتاعه بصي شوفي وابوكي وامك في او مشوار حياتهم ذانت عامله ازاى اذا كانو عصامين الست بتتحمل مهما كان المستوى ومهما كانت الظروف اذا كنتي بتدوري ع الشكل فا الجمال ف الراجل او الست مش كل حاجه ممكن يكون جميل ودمه تقيل مسج او روحه مش حلوه وكذالك الست المال احنا اللي بنصنعه مش هو اللي بيصنعنا او تتجوزى واحد معا فلوس بس مش غيري عليكي ولا ع عرضك او مش مبسوطه معا او او او فا ربنا ينولك اللي ف بالك علشان متزعليش برضو
تم النشر الأربعاء، ١٦ أغسطس ٢٠٢٣
يعني انا بص هقولك بس بجد والله انا مش شخصيه وحشه او انا حد متكبر انا مش كده بس انا بيفرق معايا الشكل والحاله الماديه انا عايشه في مستوي مادي فوق الممتاز مش هعرف اتأقلم اني اعيش اقل من مستوايا وكمان نفسي افضل جوا محافظتي بمعني اني مطلعش برا محافظتي او اختار شخص برا محافظتي وشكله يكون كويس بالنسبالي
تم النشر الأربعاء، ١٦ أغسطس ٢٠٢٣
الشخص الاحسن بالنسبالك هو بقا عبارة عن ايه ؟؟؟
تم النشر الثلاثاء، ١٥ أغسطس ٢٠٢٣
لعرض السؤال في فدني اضغط هنا