ازاي اعرف اني كونت صحاب بجد لاني كل مبصاحب حد بحس أنه بيعطلني وبخسر حاجات كتير
متقربش حد منك لمجرد انكم اتقابلتوا واتعرفتوا على بعض وهزرتوا واشتركتوا فى نشوار او نشاط. مش اى حد اقرربه من تفاصيلى ويعرفها ويبقي صاحبي. لما يظهر افعال منه تقول انه شخص ثقه واننا اتجاهنا شبه بعض فى الحياه عموما...يبقي اقدر اسميه صاحبي. هو يصحبنى واصحبه فى الطريق. لو طريقنا مش واحد يبقي كده بدخل نفسي فى تشتيت ...يا اما اخده فى طريقى يا اما هياخدنى فى طريقة ..ده اللى بيحسسك بالعطله وبتخسر طبعا وقت ومجهود وحاجات كنت هتكسبها لو مركز فى طريقك انت . اختارهم الاول ...مش بعد ما تقربهم تشوفهم ينفعوا ولا لا
تم النشر الخميس، ١٥ ديسمبر ٢٠٢٢
الصحاب بالمواقف .. كل موقف هيقدمكم خطوة أو يرجعكم خطوه في علاقتكم. الصاحب مبادئه ومبادئك مش متعارضه. الرسول صلى الله عليه وسلم قال ( المرء على دين خليله، فلينظر أحدكم من يخالل) لو صاحبك مش زيك في الاخلاق والمبادئ اعرف انك هتبقى زيه في يوم من الايام ... ففكر كويس. مش لازم تبقوا متفقين في كل حاجه ( في الحاجات اللي ممكن نختلف فيها عادي) لكن تبقوا متفاهمين عشان مش كل شويه خناق ومشاكل. صاحبك يقف في ضهرك ويشجعك في أي حاجه بتعملها صح ويقف ف وشك ويمنعك ويصدك في أي حاجه غلط بتعملها.. يعني مش بيسايرك وعادي معاك في أي حاجه. مش عارفه تقصد ايه بانك بتخسر حاجات كتير لو وضحتها اكتر ممكن افيدك اكتر.
تم النشر الخميس، ١٥ ديسمبر ٢٠٢٢
الصداقة الحقيقية بتبان مع المواقف والدعم اللي كل طرف بيقدمه للتاني الثقة والإخلاص بينهم والمساندة دائما الصديق بيساعدك أنك تتطور ويشجعك من غير مقابل أما الصحاب اللي يعطلوك دول صحاب مزيفين
تم النشر الخميس، ١٥ ديسمبر ٢٠٢٢
الصحاب بجد بيبانوا فعلا وقت الشدة او وقت ما انت محتاجهم .. انت محتاج توضح ازاي بيعطلوا او بيخسروك حاجات كتير
تم النشر الخميس، ١٥ ديسمبر ٢٠٢٢
لعرض السؤال في فدني اضغط هنا