السلام عليكم
انا كنت قدمت من فترة في شركة تسويق وHR كلمتيني وبعتتلي task اعمله وعملته وتعبت فيه والله جدا وبعده باسبوعين كلمتيني و قالتلي ان انا اتقبلت وتاسك كويس . وقالتلي انها بتجمع تيم كبير وان هي لما تيم يكمل هتتواصل معاي وعدا شهر مكلمتنيش ادخل اكلمها واسالها ولا بلاش احرج نفسي اصلا انا خايفة يكون مفيش مكان وهي قالتلي كدا عشان متكسفنيش ولو اتقبلت فيها او في اي شركة ازاي اتكلم في حقوقي زي مرتب مثلا لان انا لسة فريش ومش فاهمة حاجة في سوق العمل
والله بصي عادي انت لو سالتيها بحيث مثلا ان انت تعرفي اذا كنت اتقبلت او لا بحيث ان انت تشوفي فرصه ثاني ما تربطيش نفسك بيها دي بالنسبه لاول حاجه وما فيهاش احراج ولا اي حاجه خالص ده حقك ان انت تعرفي بالنسبه لتاني حاجه من حيث مثلا المرتب او كده انت لو شاطره في المجال واشتغلت فيه مثلا كثير شوفي السالري اللي هم هيكتبوا لك عليه لو موافق معاكي تمام لو مش موافق قولي له طب انا كنت باخد في الشركه اللي قبل كده اكتر من كده فده مش موافق معايا وتبداي تحطي شروط.. وما تقلقيش ده حقك ما تتكسفيش فيه ولا تخافي ده حقك اطلبيه بكل صراحه وهدوء لو انت بقى لسه مثلا في البدايه ولسه مثلا اذا كنت هتتعلمي او كده فممكن تطلبي المرتب اللي هو هيكون كويس اللي هو هيقول لك عليه ممكن تبداي بيه ما فيش مشكله خالص ان دايما في البدايات ما تبصيش للفلوس عشان لو بصيتي في الفلوس في الاول عمرك ما هتشتغلي او كده فده ممكن تقبلي بالسيلر القليل في الاول بعد كده ممكن ان انت تبداي تاخدي كورسات او كده وتنمي نفسك اكثر بعد كده ممكن تكلميهم بحيث انهم يزودوا لك المرتب غير كده فلا خلاص انا كده همشي يا جماعه وشوفي فرصه احسن
تم النشر الأربعاء، ١٩ يونيو ٢٠٢٤
وعليكم السلام! أولاً، لازم تعرفي إنو موضوع التوظيف بياخد وقت، وده وارد جداً إنهم لسة بيجمعوا التيم. مفيش أي مانع إنك تتواصلي معاها بأدب وتسأليها عن المستجدات. ممكن تقولي حاجة زي: "السلام عليكم، حضرتك كنتِ تواصلتي معايا بخصوص التوظيف في شركة التسويق وقالتيني إني اتقبلت. عاوزة أعرف لو فيه أي جديد بخصوص موعد بداية الشغل؟ وشكراً جداً." بالنسبة لموضوع الحقوق والراتب، ده موضوع شوية حسّاس، لكن مهم. ممكن من أول ما تتحددي موعد للمقابلة الشخصية أو حتى بعد ماتتقبلي، تسألي بصراحة وبطريقة مهذبة عن الراتب والمنصوص عليه في العقد. حاجة زي: "ممكن أعرف الراتب المتوقع للوظيفة وأنا حابة أكون صريحة في البداية عشان أقدر أخطط للمرحلة الجاية بشكل أفضل." وأي خبرات أو امتيازات إضافية زي التأمين الصحي أو أي بونص بنهاية السنة كمان مهم تعرفيها. اخلصي الحاجات دي بالأمانه واهتمي باللي بيتقال ليكي، وإن شاء الله تلاقي مكان يناسبك ويفتح ليكي أبواب جديدة. بالتوفيق!
تم النشر الثلاثاء، ١٨ يونيو ٢٠٢٤
لعرض السؤال في فدني اضغط هنا