فيه شاب بتعامل معاه بقالنا اسبوع و نص هو عاجبني جدا كشخصيا و كعقليا و انا كنت من الصعب اقتنع بحد بسهوله لدرجه اني نزلت معاه و قعدنا في كافيه مره واحده بس و بعدها حسيت اني حبيته وانا قاعده معاه
و من بعدها حاسه اني عايزه كل شويه اشوفه و كل شويه اكلمه مع اني تقيله جداا و كان من الصعب بردو احس بكده هو لسه متخرج و حاليا بدون وظيفه و انا اتخرجت و بشتغل احنا قد بعض بس عشان سنين كليته كانت كتير فالمهم طلبت منه انه يعدي عليا بعد الشغل و نشوف بعض قالي اسباب تخليه ميقابلنيش النهارده فمش عارفه هل ده ممكن يكون بسبب ظروف ماديه ولا هو مش حابب يشوفني ولا ايه بالظبط
انا عمري ما كنت بتمني ارتبط بجد قد ما اتمنيته و محتاجه اعرف كمان اتعامل معاه ازاي يعني ابقي تقيله اوي عشان ينجذبلي اكتر ولا اهتم أزيد ولا اتعامل ازاي
مع احترامي الكامل وتقديري ليكي .. انتي بتدوري على مشكلة؟ ولا بتدوري على شريك حياة؟ هل الشخص دا ، اللي معندوش شغل ولا مصدر دخل .. هل الشخص دا (مع احترامنا لصفاته الحلوة اللى عجبتك) ، هل هيكون شخص قادر يكون لك مسؤول وشريك في شغل ولا في زواج؟ انتي شخصية مستقلة ، وبتشتغلي وعندك كارير وحياة واكيد عندك طموح وتطلعات واهداف عايزة تحققيها في الدنيا .. هل بشخصيتك دي ، يناسبك شخص في نفس مستواكي او اعلى منك ماديا واجتماعيا ؟ ولا شخص اقل منك (بدون تقليل منه ولكن هو دا الواقع والظروف)؟ اعتذرلك ، ممكن لاسباب مادية ، مبيشتغلش ومش معاه فلوس يقابلك تقعدو في كافيه تشربو او تاكلو حاجة .. هتصرفي وتدفعي انتي؟ فين موازين الرجولة والقوامة والشراكة هنا؟ الموازين مختلة ولا موزونة؟ عايزاه ينجذبلك اكتر ، ويبقى معاكي اكتر.. وبعدين؟ ايه شكل او اسم المعاملة او العلاقة اللي بينكو؟ رايحة على فين؟ هدفك ايه منها؟ مافيش حب بيظهر فجاة ، هو مجرد انجذاب مبدأي ، بين بنت وولد ، بشكل وطريقة كلام من على الوش .. واحساسك دا مش حب .. هو مجرد اعجاب وانجذاب بظاهر الشخص، اسبوع ونص ومقابلة واحدة مينفعش نقول انها حتى فترة كافية للحكم على شخص او الحكم على مشاعرنا. عايزاه ينجذبلك اكتر ، ويبقى معاكي اكتر.. وبعدين؟ ايه شكل او اسم المعاملة او العلاقة اللي بينكو؟ رايحة على فين؟ هدفك ايه منها؟ انا معرفش ايه معايير قيمك واخلاقك ومبادئك .. لكن لا يصح الا الصحيح .. واكيد قلبك ومشاعرك ووقتك غالي ، ميروحش على علاقة ملهاش اسم ولا مسمى ولا هدف .. اتعرفتي على شخص طلع معندوش لا شغل ولا فلوس ولا غطاء مادي يكفي متطلبات ارتباط وزواج .. يا ترى هو جاد ؟ ولا بيتسلى وبيضيع وقت؟ الاجابات عندك والحكم ليكي .. فاختاري الانسب والاصلح لنفسك خدي بالك من نفسك
تم النشر الأربعاء، ٨ يناير ٢٠٢٥
قلبك دق واتحرك.. شعور حلو جدا حقيقى.. واحنا مانملكش فى مشاعرنا نحب مين ولا نعجب ونتشد لمين.. لكن.. احيانا مشاعرنا وقلبنا لما يطغو على عقلنا محتاجين الى يوقفنا ويلحقنا قبل مالسكينة تسرقنا... هو ربنا يوفقه ويرزقه الخير انتى بقى ايه؟ عايزة ترطبتى به وتتكلمى معاه وتشوفيه ؟ وبعدين ؟؟ هتقولي لى هنكون مع بعض لحد مايلاقى شغل ويجهز نفسه ويقدر يجى يتقدم ونعيش قصتنا بقى.. طب هل فكرتى فى انكم اصلا ممكن متكملوش وقلبكم يتوجع ؟ هل مفكرتيش فى الاساس ان ارتباطك بيه دا لا يرضى ربنا وانه غلط ؟ طب هل فكرتى ارتبطو وجه حد مناسب اتقدملك هتعملى اى ؟ طب انتى لو ارتبطو هتقولى لاهلك ف البيت ؟ كل دا هيخليكى تفكرى الف مرة قبل ماتعشمى نفسك وتطلقى مشاعرك ناحيته.. فكرى واعملى الصح لنفسك مش لحد تانى.. ابعدى عنه ومتتكلميش معاه وعافرى مع نفسك خليكى تقيلة فعلا زاى مابتقولى.. سيبيه لله وهيعوضك به ف الوقت المناسب او بالاحسن منه.
تم النشر الأربعاء، ٨ يناير ٢٠٢٥
اتعاملي عادى وبطبيعتك اكيد لو عايزك هيدخل باب من بابه على المقابله ممكن يكون مش معاه فلوس أو ممكن تعبان بلص متعمليش حاجة، اللي ربنا عايزه ليكي هيكون، كله في الأول والآخر نصيب وبعدين متتعلقيش نفسك بحد علشان قلبك ميتوجعش. ربنا يفرح قلبك ويسعدك يارب العالمين
تم النشر الأربعاء، ٨ يناير ٢٠٢٥
لو احنا عاوزين نضرك هنبدا نديكى افكار وحركات تعمليها لكن احنا هنا بنفيد بعض الاستفادة ليكى انك تسيطرى على مشاعرك وافكارك اللى بتتحرك فى اتجاه يضرك اللى حاصل معاكى يدل ان تقييمك لمسالة الاعجاب والارتباط هو تقييم سطحى او معتمد على لقطه حلوه من الشخص فقط ده مينفعش يكون باى حال هو اسلوب اختيار شريك للحياه راجعى مبادئك وعززيها اكثر من كده قبل ما تربطى نفسك بحد
تم النشر الأحد، ١٢ يناير ٢٠٢٥
مش لازم .. الاحسن الراجل ال يبدأ بالحوار ده ... خدي ال يحبك و متخديش ال انتي تحبيه
تم النشر الأحد، ١٢ يناير ٢٠٢٥
لا إله إلا الله .. وَمَنْ يَتَّقِ اللَّهَ يَجْعَلْ لَهُ مَخْرَجًا.. ((يَا أَيُّهَا النَّاسُ اتَّقُوا رَبَّكُمْ وَاخْشَوْا))
تم النشر الأربعاء، ٨ يناير ٢٠٢٥
لعرض السؤال في فدني اضغط هنا