السلام عليكم
انا ولد ١٦سنة وعندي اختين ١٤و١٠ سنين
اختي اللي عندها ١٤ سنة عنيدة جداً من صغرها ودايما بتفرض شخصيتها على الكل ودايما اهم حاجة بالنسبة لها اصحابها لدرجة انها ممكن تقعد يوم كامل متكلمناش اصلا وتكلم صحابها
هي مش بتهتم بالمذاكرة ولا بمساعدة ماما في البيت ودايما قاعدة ماسكة الموبايل في اوضتها تكلم صحابها شوية وتتصفح وتتفرج على مسلسلات مع نفسها حتى لو احنا بنتابع المسلسل ده عي بتتابعه لوحدها
كل شوية تحصل مشكلة مابينها ومابين ماما بسبب انها ولا بتذاكر بانتظام ولا بتساعدها ولو ماما ندهتها او طلبت منها مساعدة اختي ترفض وتقولها ملكيش دعوة بيا وماتعملش حاجة فعلاً
وفي الفترة الاخيرة امي بدات تدايق من اسلوبها اكتر والمشكلة ان ابويا بياخد الموضوع بهزار وبيقول انه لو ماخدوش بهزار نفسيتها هتبقى وحشة لكن هي بتستغل تريقة وهزار بابا وتقعد تستهتر بكلام ماما وطبعا ده بيدايقها والمشكلة كمان ان بابا بيدلعها بشكل مبالغ فيه مهما هي كانت عاملة مشاكل بردو بابا بيبقا مصر ان اللي هي عايزاه يتعمل مهما كان اللي هي عملته
وده بيخلي اختي تعند اكتر معانا ومع ماما لدرجة ان لو ماما دخلتلها الاوضة ممكن تزقها وتطلعها برا وبابا بيعرف ده ويقعد بردو يتريق عليهم ولو انا اتكلمت او حد طلب رأيي يقول اني دايما واقف في صف امي وخلاص مع ان هو اصلا اكتر من نص اليوم مش في البيت وانا فعلا مش ببقا في صف حد انا ببقا بحكي الموضوع واللي حصل بجد وكمان اختي لما بتبقى عايزة حاجة زي خروجة مثلا بتبقى بتعاملنا كويس جدا قبلها بفترة وبعدها على طول ترجع تعمل نفس المشاكل
انا مش عارف ايه الصح امي تعبت منها جدا وهي مش بتساعدها في اي حاجة وفي الاول انا اللي كنت بساعد لكن المذاكرة طبعا خليتني اساعد اقل من الاول لكن بضطر اساعد بردو بسبب اهمال اختي في كل حاجة ، اوقات اختي بتيجي تقعد تشتكيلي منهم وبتبقى متضايقة من هزار بابا وماما مع بعض كاتنين متجوزين وتقول انها مش هتقعد معانا تتفرج على هزارهم وتقعد تستغل تريقة بابا على ماما وتتريق هي كمان تنصحوني او تنصحوا ابي وامي بايه عشان نقدر نتعامل معاها صح لان لا الشدة بتحيب نتيجة والهدوء او التفاهم بيجي بنتيجة عكسية
وعليكم السلام ورحمة الله وبركاته هوا خاصية العناد وعقوق الوالدين بقيت حاجه عادي في اليومين دهم ده غير إن السوشيل ميديا بقاء كل محتواها إلي من رحمه ربي بيشع علي عقوق الوالدين وانا كنت بسمع فديو قبل كدا برضو كان بيقول إن طاعة الوالدين زيها زي العبودية وإن ابوك وامك ملهمش عندك حاجه و الكلام ده كله والله المستعان بس انا انصحك إنك تقعدي مع ابوكي وتحكيه المشكلة وتحاولي ما تتكلميش بشكل يخليه يحس انه غلطان وان انت فاهمه اقدر منه لان الغرسة البشرية قضية إنه احنا مبنحبش ناخد النصيحة من الاقل منا سنا وبالذات اولادنا وحاول توصلو لحل يرضي كل الاطراف وحاول اقنعها انه يقلل من الوقت إلي اخدك بتقعد فيه على التلفون وحاول تفهمي باباكي انه كدا هيضر اختك وهغيرها عندها هشاش نفسية وهيضرها قوي لما تكبر وإن شاءلله تتجوز لانه مش هتلاقي الديع ده وحاولي تصولي لحل انتم الاتنين او انتم الثلاث مع اتفاق والدك لموضوع ده والله المستعان
تم النشر الثلاثاء، ١٦ أبريل ٢٠٢٤
وعليكم السلام يا ولدى ...ربنا يبارك لاهلك فيك اختك اولا من نوع الذرية اللى بتبقى ابتلاء كده ..بس هى مهما كانت فى مرحلة ممكن تبدأ تتعدل سلوكها ان شاء الله ..بس الحاجات اللى هتتعمل محتاجها ان الكل يعملها وللاسف اللى بتحكيه عن تعامل والدك بيصعب الموضوع . اختك هى البنت اللى بعدك فواضح انها اخدت دلع بزيادة وهى اول بنت لابوها فهو مديها مكانه خاصه بشكل سلبى للاسف بسبب الدلع ده هى بتغير من ماما وبتتعامل معاها انها منافس ليها للاسف فى حب بابا ...عشان كده بيحصل ده منها بالشكل ده مع ماما ماما محتاجة انها تصاحبها بس ده هيكون بعد ما يكون فى شوية قواعد جديدة تتفرض على البيت كله وهى كمان تكون مضطره تمشى عليها ...يعنى الكل يشيل مسئوليات ومهمات فى البيت الموبايلات تتمنع فى اوقات كتير ....محدش يقضى يومه كله فى الاوضه طبعا ده هيكون صعب فى الاول واختك هتقاومه جدا ..بس ده ضرورى يثبت عليه البيت كله ..حتى لو بابا قال سيبوها ارجعوا اكدوا على القواعد دى ماما بقى محتاجة قدامها تتكلم قد ايه بابا بيحبها اكتر منها و ان ليها مكانه خاصه عنده وان هى مش بتزعل من ده لان هى كمان بتحبها بس مش بتحب تصرفاتها السيئة وخايفه عليها ان ربنا يزعل منها على ده . بعد تثبيت القواعد ..ماما تبدأ تخترع حاجات تعملها معاها هى وبس وتستغل الوقت اللى هى بتبقى لطيفه عشان خروجة او غيره وتقولها طيب تعالى ننزل انا وانتى سوا مثلا وتسمع منها شويه عن صحابها ولما تسمعها بلاش انتقادات فى الاول ولا احكام ان دول كويسين او لا الموضوع محتاج وقت عشان الغيرة دى صعبه شوية بس مش مبرر لقلة الادب طبعا ولا التقصير مع الاهل
تم النشر الثلاثاء، ١٦ أبريل ٢٠٢٤
بص الانسان بيعمل كده في حالة لما بيكون متوقّع حاجه من عائلة بيلاقي حاجه تانيه فهي بتحاول انها تصنع عالمها الخاص مع الناس اللي بتفهمها وتقدرها زي اصحابها وهي مش محتاجه تتغير انتو اللي محتاجين تقربوا منها عشان تفهموها يعني مثلا مامتك لو هي لما بتقول لي اختك علي اي حاجه بتعملها مهما كانت صغيره تقعد تشجعها مش تضربها او تزعق لها ده هيدي نتيجه حلوه مع الوقت وي بنسبه لي هزار باباك مع مامتك ممكن يقللوا منه شويه حتى لو قدامها لان هيا بتحب امها اوي وي كمان بتغير على مامتها دورك انت كاخ انك انت تشجعها وتتقرب منها فاهم قصدي ممكن تطلب من عيلتك ان انت تتجمعوا كلكم عشان تصلوا جماعه مثلا مره واحده ده هيفرق معاها لانها كده هتشوف فيكم العيله اللي هي محتاجه تشوفها ان انتم يعني كل حاجه بنسبه لها وي كمان بتحبوها الصلاه بقى هتفرق في ايه ان انت هتتجمعوا كلكم في وقت واحد وفي نفس الوقت هتتجمعوا عشان الخير فده هيساعدك في تحسين نفسيتها اتمني اكون قدره اني اساعدك
تم النشر الثلاثاء، ١٦ أبريل ٢٠٢٤
تم النشر الثلاثاء، ١٦ أبريل ٢٠٢٤
وعليكم السلام ، شكرا لحضرتك ،، هي المشكلة ان بابا مش بيقتنع بسهولة وان بابا شخصيته عموما بيتعامل مع الامور كلها في الحياة عموما بشكل مختلف اوقات طبعاً بيبقى صح واوقات كتير كمان ، واحنا معندناش حد كبير في العيلة غير جدتي اللي ياما كلمته في موضوع الدلع ده وقالتله زي ما حضرتك بتقولي كدا وهو كان بيطنش وهو حاسس انه لو مدلعهاش هي هتبقى مكتئبة وكلام احنت شايفين انه مبالغ فيه وخالي واعمامي سنهم قريب مني ف مش هتفرق وفي مدرسة تعتبر مصاحبانا شوية عارفة الموضوع واقترحت موموض تعديل السلوك وهو قال ان اختي كدا عشان بداية المراهقة لكن الحقيقة اللي هو مش راضي يقتنع بيها لانه ماشفهاش انها كدا من صغرها لانها كانت لمجرد وجود بابا تبقى زي الملاك وواحدة واحدة بقت ماتفرقش وجود بابا من عدمه بالنسبة لها ، انا هحاول ان شاء الله اقول لماما انها تقنعه بموضوع الدكتور وان شاء الله يلاقوا حل ، شكرا لحضرتك
تم النشر الثلاثاء، ١٦ أبريل ٢٠٢٤
لعرض السؤال في فدني اضغط هنا