انا في ثانويه عامه السنادي الحمد كنت داخله السنه بجد بس دا اول شهر بس بعد كدا سيطرت علي دماغي فكره ان لسه بدري علي الامتحانات و مش لازم اذاكر دلوقتي انهارده باقي شهرين أو أقل علي امتحاناتي و انا لا أفقه شئ في اي ماده هل حد يقدر يفدني بطريقه تلملي المنهج في وقت قصير بحيث اني الحق ادرب علي حل شامل و امتحانات و بلاش كلام محبط علشان والله ما ناقصه🙂
بصي اولا متوتريش نفسك خالص ومتضغطيش ع نفسك بالتفكير ابدئي وحطي ف دماغك فكره ( هنعتبر الماده شي ١٠٠٪) انتي كل يوم ذاكري ١٪ واضغطي ع نفسك شويه وهتخلصي واشتركي في منصات لعروض ثانويه عامه ده هيسرع من فهمك للمعلومه ومضيعيش الوقت الباقي انتي هتلحقي تخلصي المنهج وهتقفلي باذن الله بس ثقي في الله وثقتك هتكون في محلها ربنا عمرو مهيضيع تعبك لو نويتي تبذلي المجهود ومش هيضيع ثقتك لو وثقتي في من قلبك
تم النشر الجمعة، ٢٨ مارس ٢٠٢٥
عزيزتي، أشكر لك مشاركتك لمشاعرك وأفكارك. من الواضح أنك تمرين بضغط كبير في هذه الفترة، ولكن من المهم أن تتذكري أنه لا يزال هناك وقت لتدارك الموقف وتحقيق أهدافك الأكاديمية. إليك بعض الطرق التي يمكن أن تساعدك في مراجعة المنهج في وقت قصير: تنظيم الوقت : عليك وضع جدول زمني للمذاكرة، وذلك بتقسيم المنهج إلى أجزاء صغيرة وتحديد وقت لكل مادة. حاولي الالتزام بهذا الجدول يومياً. تحديد الأولويات : ركزي على المواد التي تجدين صعوبة فيها أولاً، ثم انتقلي إلى المواد الأخرى. حاولي تجميع ما تحتاجينه من المعلومات الأساسية لكل مادة. استخدام الملخصات : استخدمي الملخصات أو الدروس المصورة إن وجدت، حيث يمكن أن توفر لك الوقت وتعطيك نقاطاً مهمة تفيدك أثناء المراجعة. تدريب على الامتحانات السابقة : ابحثي عن امتحانات سابقة وحاولي حلها. سيساعدك ذلك في فهم نمط الأسئلة وكيفية إدارة الوقت أثناء الامتحان. المذاكرة الجماعية : إذا كان بالإمكان، تجتمعين مع أصدقائك للدراسة. يمكن أن تكون الدراسة المشتركة محفزة وتساعدك على فهم المواد بطريقة أفضل. الاستراحة وأخذ قسط من الراحة : لا تنسي أهمية أخذ الاستراحات بين فترات المذاكرة للحفاظ على تركيزك. مع المثابرة والتنظيم، يمكنك أن تستخدمي الشهرين المتبقيين لصالحك. أؤمن بقدرتك على تحقيق ذلك، ونسأل الله لك التوفيق والنجاح في امتحاناتك. إذا كان لديك أي سؤال آخر، فلا تترددي في طرحه.
تم النشر الأربعاء، ٢٦ مارس ٢٠٢٥
بصي يا جميل لو اقنعتي نفسك أن معدشي وقت ومش هلحق الم اي حاجه فده غلط انتي قدامك شهرين تبدأي مذاكره من دلوقتي حالا تقومي تبدأي قولتي انك مش فاهمه فيزياء وكيما ابدأي فيهم شوفي عندك كان تقسيمه فيه وامسكي ورقه. واكتبي انا هذاكر كذا النهارده وسمي الله قبل ما تبدأي عندك يوتيوب ما شاء الله الاساتذه عليهم ما شاء الله علي شرحهم جميل جدا وعندك في الماده كام مدرس اقنعي نفسك في امل هبدأ من دلوقتي ابعدي عن من يحبطك وسيبك من صحابك واذكري الله وادعي
تم النشر السبت، ٢٩ مارس ٢٠٢٥
ونا كمان كدا بردو 🙂بس الحمد الحمد لله راجعت نفسي من اول الشهر وبدأت اجيب كل حاجه من الاول ودلوقتي تقريبا لميت حجات كتير متبقاش غير دروس بسيطه المفروض انتي كمان تعملي ذيي حاولي كل يوم تكتبي تاسك ويكون حاجات كتير وتحاولي علي قد ماتقدري تخلصيها بس يكون بضمير متكروتيش حاجه ولو اتبقي حاجه مثلا متبدأيش جديد غير لما تخلصيها ويكون افضل لو شوفتي جدول تلمي بيه المتراكم ويكون مناسب معاكي واستعيني بالله كلنا يعتبر مساكين محدش مثالي بس الي بيفرق واحد عن واحد ان فيه الي بيفوق بسرعه ويلحق نفسه وفيه الي مش بيلحق
تم النشر الأربعاء، ٢٦ مارس ٢٠٢٥
ببساطة ورقة وقلم أكتب المدة المتوفرة والمذاكرة المحددة واعمل خطة وجدول وتوكل على الله
تم النشر الأحد، ٣٠ مارس ٢٠٢٥
بصي لما كنت في ثانوية عامة حصل معايا اني راكمت شويه دروس حلوين🙂فبقيت باخد كل فترة مادتين وليكن مثلا الفيزيا والاحياء مادة منهم الصبح اول ما اصحى اقعد اسمع شرحها وهو متسرع بس طبعا مركزة واذاكرها واحل عليها شوية اسألة بسيطة بحيث بس اثبت المعلومات واكمل يومي عادي اللي هو بشوف المفروض اذاكر ايه وكده والمادة التانية بالليل نفس النظام ولما اخلصهم ادخل على مادتين تانيين وكده كده المراجعات بتلم اهم حاجة انك تتدخلي على المراجعة وانتي فاهمة المنهج بيقول ايه
تم النشر الأحد، ٣٠ مارس ٢٠٢٥
تنظيم الوقت ده الاساس ... ازاى؟ ... كل ماده بالورقه والقلم اكتب اسماء كل الدروس فيها وفى ورقه فاضيه تكتب الايام المتبقيه على الامتحانات وتبتدى توزع الدروس على الجدول مع العلم تعمل حسام يومين او تلاته للمراجعه باذن الله هتقدر تعمل ده بس محتاجين نضغط شويه ... بلاش تليفزيون ... موبايل قدر المستطاع.. نوم كتير ... ركز فى هدفك وباذن الله هتقدر💪 بالتوفيق يارب
تم النشر الأحد، ٣٠ مارس ٢٠٢٥
اللهم آمين
تم النشر الأربعاء، ٢٦ مارس ٢٠٢٥
ربنا يعدينا منها علي خير🤍
تم النشر الأربعاء، ٢٦ مارس ٢٠٢٥
الفيزيا كنتي تبدأي فيها من بدري عشان هي بتظبط لوحدها مع الحل الكتير و المراجعه ف المفروض دلوقت تراجعي عليها اول بأول وتضغطي نفسك شويه استحملي معلش وحلي كتب مش مهم كتب كتير حلي الي تقدري عليه بس بتركيز وفهم وسجلي ملاحظاتك علي الأسئله والي تلاقيه صعب علمي عليه وابقي شويه كل مده بعد اما تعرفي حلو .....الكيميا الصراحه نا قاعد فيها من الدرس 🙂 بشوف يوتيوب هنزل مراجعه بعد العيد هي عايزه تركيز بس في الاسئله عشان بيلعب علي الألفاظ وعايزه مراجعه على طول عشان بتتنسي بسرعه اوي
تم النشر الأربعاء، ٢٦ مارس ٢٠٢٥
طب حلو بس الفزيا و الكميا دول مش عارفه أعمل فيهم اي بالنسبه للحل و كدا
تم النشر الأربعاء، ٢٦ مارس ٢٠٢٥
لعرض السؤال في فدني اضغط هنا