أنا حياتي اتغيرت بعد اللي حصل
اتخانقت مع اعز الناس ليا و هو بابا
الكلام ده من فتره يعني حوالي شهر
اللي حصل إن انا من النوع اللي بيسمع لرأيو لو متأكد انو صح ف كنت متمسكه ب فكره إن مش هلبس بناطيل تاني عشان حرام بتبين تفاصيل و هبدأ البس جيب و حاجات واسعه و بقيت متنقعه ب كدا ف
فتحت الموضوع مع بابا و اتكلمت براحه و إن اللبس الديق حرام ونا كان لبسي وحش جداً بعدها قولت حديث رسول الله صلَّ اللّٰه عليه و سلم (كلكم راعٍ و كل راعٍ مسئول عن رعيته) و كنت هقول بعد الحديث إن طبيعي انا ذي اي بنت حابه تلبس كدا و إن انا مش حابه تاخد يا بابا ذنوب بسببي
بس الحقيقه بابا بعد مقولت الحديث مكملش كلامي و زعق زعيق عمري مسمعتوا منو ف حياتي قالي انتي قصدك ان انا هخليكي تنزلي ب حاجه ديقه و اني عايزك تلبسي حاجه ديقه وقتها أنا مستحملتش انا عيطت عياط كتير مكنتش عارفه اتكلم من العياط و كنت بتنفس بسرعه و مش عارفه اتكلم
ساعت لما بابا اتعصب قال كلام عمري مهقدر انساه ف حياتي
قالي انتي فيكي عيوب كتيره أوي أوي بتعاندي ف لبس و أكل و حتى الدوا و قعد يزعق و قال كلام كتير عليا أنا مكنتش متوقعه أنو شايفني كدا ف انا قولتلو إن دا لبسي و دا اكلي أنا و إن كفايه إني بذاكر عشانهم مش عشاني بابا راح زعق اكتر و قالي متذاكريش اقعدي ف البيت كل دا عبء علينا مش اكتر فكراني هقولك لاء مهو كلو احنا اللي بندفع فلوس تعليمك عشانك ف وقتها ماما ادخلت و قالت وجهه نظري إن أنا فعلياً عايزه اذاكر عشان ارضيهم مش اكتر (مع العلم إن طول حياتي بجيب درجات عاليه و باجي ع صحتي و اسهر و ساعات مرضاش أكل عشان اذاكر و اجيب درجات تفرحهم بيا)
هو ملتفتش للكلام دا و قعد يزعق و يقولي فيكي كل حاجه وحشه ف ماما هدت الجو و قعدت تفكها هزار عشان انا حالتي بدأت تسوء اكتر كنت بتنفس بسرعه كبيره ونا بينت بعدها ان تمام عادي و لكن
أنا أكيد عمري مقدر أنسى موضوع ذي دا حتى لما أكبر عشان انا اتكسرت بجد و من اكتر حد كنت بحبو أنا فضلت طول اليوم اعيط عيني احمرت من كتر العياط حاسه إن الدنيا بفت سودا ف وشي إذا كان ابويا شايفني كدا أُمال الناس شايفاني إزاي هو أنا طلعت وحشه للدرجادي؟ أنا و الله كل اللي بتمناه ابقا حاجه تفرحهم بيا أنا عمري م كان ليا حلم ولا هدف حتى داخله علمي عشان هم حابين كدا أنا عمري مسألت نفسي عايزه تبقي ايه ولا عايزه تعملي ايه بحاول اراضيهم و مبقاش عبء عليهم و لكن كل دا طلع هو شايفو العكس شايف إن انا عبء و إن عادي متتعلميش
عمري مكتت اتوقع إن شايفني كدا و شايفني بحب نفسي عشان بس مبرضاش اكل بعض انواع الأكلات و حابه البس اللبس اللي ع مزاجي و اللي يرضي ربنا و إن انا مش حابه اخد علاج الحبوب اللي ف وشي عشان دا كلو بيبقا غالي و كدا كدا مش فارقه معايا بعد كل دا اطلع وحشه ف نظرو
أنا اخدتلي فتره كبيره عشان احاول احب نفسي او اكون واثقه ف نفسي و حققت جزء من دا بس بعد كلامو كل دا ادمر أنا بقيت شايفه نفسي اسوء حد ع الأرض مستحيل احاول تاني احب نفسي
أنا مش عايزه حاجه من الدنيا كلها لأني معشتهاش نفسها أنا ع طول ف البيت مبطلعش غير وقت الدراسه عشان الدروس ولا عايشه سني ذي باقي البنات لا بسهر ولا بخرج ولا بحط ميكب ولا بعمل اي حاجه من دي انا كنت عايزه بس اذاكر و اطلع الحاجه اللي هم بيتمنوها حتى مش اللي بتمناها لأني عمري مفكرت ف اللي بتمناه انا مبقتش عارفه انا عايزه اعمل إيه ف حياتي من كتر مبفكر ف اللي هم عايزينو قبل اللي انا عايزاه
يا رب لو هو شايفني عبء عليه للدرجادي ف اقبض روحي احسن و ريحهم مني و يخليهم لأخواتي
أنا معنديش حاجه اقعدلها خلاص لو مكنش الإنتحار حرام كنت اول واحده عملتها
حتى لما قولتلو انا حاسه اني مجبوره ع حاجات كتير راح زعق فيا و قالي مجبوره ع ايه هاتي حاجه جبرناكي عليها قولتلو مش مجبوره بالمعنى دا بمعنى إن لما بعمل الحاجه اللي انا عايزاها بتبقوا زعلانين و دا عمرو مفرحني و قعد يتكلم كتير ونا مركزتش و وقفت لحد كدا مقدرتش اتكلم ولا اسمع كل حاجه اسودت ف عينيا انا بحب بابا و دا لللي مخليني مقهوره بجد لأن عمرو مزعقلي كنت واخداه صاحب احكيلو مشاكلي اكتر من ماما و كل حاجه بس مكنتش متوقعه أنو شايفني كدا
هو دلوقتي بيتعامل عادي و بهزار ونا مسمحاه رغم اللي قالو بس قلبي لسه محروح مش عارفه اتعامل ذي الأول غصب عني انا مش قادره اتكلم ذي الأول و اهزر معاه ذي الأول او احكيلو حاجه و كل مفتكر الجمله اللي قالها اعيط انا مش قادره انساها
اسفه اني طولت و شكرا لكل حد قرأ للأخر
أولا مقدره وجعك وحقيقي الكلام بيبقى صعب ويوجه خصوصاً من حد يعتبر مصدر الأمان لينا ،، ثانياً الموقف ليه ناحيتين ناحية تخص الوالد وما اصابه من كلامك وناحية تخصك وما اصابك من كلامه ،، من ناحيه والدك انتي اصبتيه في موضع وجودي له وهو مسؤوليته كأب اللي بيعتبر نفسه قائم بيها على أكمل وجه حتى لو أخفق فهو لا يرى ذلك ( ودي رؤية غالب الآباء) فكانك جعلتيه يسقط من على جبل عال مره واحده فما كان منه إلا محاولة البقاء حياً حتى لو على حساب قتل الآخرين ،، أنا عارفه إن تشبيهي قاسي ولكن فعلاً الموضوع بالنسبه ليه اقسى من كده هو اعتبر أن عدم تدخله في كيفية لبسك ده فضل منه عليكي وشيء يرفع قدره كأب بيحترم رأي ابنته وفي المقابل انتي قلتي له انك انسان لا تراعي الله في الامانه ولا ترقى للمسؤولية التي على عاتقك ،،، فانتي متخيله مقدار الألم اللي سببتيه ليه ،، في المقابل هو تصرف بدون عقل والغير عاقل لا يحاسب فبدأ بسرد اشياء مرهقه له كأب فيكي ولا تعلمي انتي عنها شيء ،، مع العلم ،، أنا ضد تصرفه تماماً ولكن من منا لا يخطيء وخصوصاً وقت الإنهيار ،، في الناحية المقابله انتي سمعتي عن نفسك اشياء غريبه ولم تتوقعي أن تكون هذه رؤية والدك مصدر الحب والأمان كذلك عنكي وانت محقه ،، ولكن ،، كل منا له ذات مستقله وهبها الله الخير وعلمها ونحن لدينا أمانه الحياه لا يصح أبدا أن نقدر قيمة الحياة التي وهبها الله لنا بناءاً على البشر مهما كانت صلة قرابتهم لنا ،، قيمتك في وجودك وهبة الله لكي علي منها واتعبي واجتهدي واستعيني بالله لرقيها لكي وليس للاخرون ،، أما ما قاله والدك فكلما تذكرتيه تذكري ما قلت لكي عن ما فعلته كلماتك ووقتها العذر سيكون مقبول تماماً ،، انسي ما حدث وتعلمي منه انتقاء الكلمات فهي خناجر تقتل بدون أن نراها ،، تحياتي لكي ،،
تم النشر الأحد، ٣٠ يونيو ٢٠٢٤
السلام عليكم. اعتقد انت سنك صغير اقل من 20. خليني اقول لك على الازمه كلها فين لازم تفهمي ايه اللي حصل لازم تفهمي كويس قوي علشان تعرفي تتخطي الموضوع الادراك والفهم وبيحل نصف المشكله. اللي حصل ما بينك وما بين باباكي هو انك دوستي على حته صعبه جدا وشبه ان انت اللي بداتي وعملتي له جرح. في مسؤوليته. ودي مش حاجه سهله مش حاجه سهله ابدا زي ما انت موجوعه وحاسه انه ازاي نظرته كده فيا هو شاف ده في كلامك الاول ازاي انت نظرتك كده فيا فهو اتوجع منك الاول انت غصبا عنك انت خبرتك صغيره وما بتعرفيش لسه ممكن ترتبي الكلام همم بالشكل الصح علشان ده ما يحصلش معلش انت بتتعلميه والمواقف بنتعلم منها فترتيبه الكلام بالنسبه ااا لشخص مسؤول عن اسره صعبه جدا انك توجهي له الكلام بانك. اللي بالحديث اللي يعني عن الرسول عليه الصلاه والسلام اللي بيقول كلكم راعين وكلكم مسؤول عن رعيته. انت فعلا فعلا همم وانت بتستدلي بالحديث ده ومن غير ما تكملي هو ما شافش غير انك بتقولي له انت ازاي انت لوحدك ااا ما جيتش قلت لي ابطل البس ضيقه. هو ما شافش غير كده في وقتها وحتى لو كنت كملتي كلام وقلت ان انت قلتيه انا غصب عنه مش هيعرف يشوف غير كده لان هو ادراكه اكبر منك وشاف صوره اوسعه وكان بنتي شايفاني مش براعي ربنا فيها. دي بتبقى واحده من النقط اللي احنا بنسميها سوء تفاهم سوء تفاهم احنا يعني مع كل واحد ما عرفش التاني يقصد ايه بالظبط وكل واحد فيهم خانوا التعبير فلذلك حصلت مشكله. فاحنا بالراحه كده اهم حاجه ان احنا نكون فهمنا هو ايه اللي حصل بالظبط؟ اهل بابا يقصد الكلام ده بابا كان بيقول الكلام ده نوع من انواع الدفاع عن نفسه هو انه لا انا مراعيكي كويس قوي. وباماره يعني ما انت في حاجات كثير انت مثلا الموقف الحاجات اللي ذكرها دي كانه بيقول لك انت يعني شوفي انا مدلعك ازاي؟ اييي الموضوع مش محتاج بقى ان احنا نقعد ندافع قدام بعض لانه الحمد لله زي ما انت بتقولي علاقتك كويسه بباباكي اوعي تخسريها واللي بياكد ان احنا نستاهل علاقاتنا الكويسه دي ان احنا وقت ما يحصل سوء تفاهم او وقت ما يحصل ازمه اا نحلها نحلها ونتاكد انه حبنا لبعض واا مكانتنا عند بعض اكبر بكثير من اي موقف مع. دي يعني مهما كان الموقف ده ايه؟ خرج بقص ولا من غير قصد احنا نعرف نعديه لانه قيمه العلاقه اكبر بكثير. فبابا ولا هو يقصد الكلام ده ولا اي حاجه لكن ده كان نوع من انواع الدفاع عن النفس قصاد اللي هو فهمه من استدلالك بالحديث الشريف. الحاجات الثانيه اللي انتي ذكرتيها محتاجه انك؟ يعني تقفي عندها اكثر من الموقف اللي مع بابا اييي ما تعيشي حياتك تقولي انا بعمل عشانهم. وبس. فتلاقي نفسك قصاد اي موقف بتقولي هم ليه مش مقدرين اني بعمل ده؟ احنا كلنا طبعا عايزين اهلنا يكونوا مبسوطين وفخورين بينا ولكن ده مش معناه خالص انه انا. هعمل كل حاجه في سبيل ان هم يبقوا مبسوطين وخلاص على كده لما بيكون في دافع عندي هو اشخاص فباجي مع اقرب موقف اقول ايه طب خلاص انت مش مقدرين اللي انا بعمله طبعا مش هعمل حاجه زي ما انت عملت كده بالظبط وقلت انا طبعا مش هذاكر لا هو تعالي نبص على الموضوع بشكل اوسع هم ليه عايزينك تذاكري وتجيبي درجات كويسه لان هم بحضرتهم شايفين ان ده اللي هيديلك ااا مكانه محترمه وسط الناس اللي حواليكي هيخلي فيه ليكي تقدير من الاخرين هخلي لك تقدير في الحياه هيخليكي بني ادمه افضل مش عشان بس هم يشعروا بالسعاده وخلاص يعني طب انت جبت درجه هما شعره بالس وبعدين يعني هم حياتهم كده هتتغير في ايه يعني هو يوصل لهم شعور حلو طبعا ولكن حياتهم مش هتتغير بالدرجه دي لكن انت اللي حياتك وشخصيتك هتفرق وهتختلف كتير وانت شخصيه قاعده تصحين من الصبح كسوله وما عندكيش حاجه معينه انت بتسعيليها ولا مشغله عليها دي مش حاجه كويسه ابدا ده مش اللي ربنا خلقك عشانه انك تبقي مش بتعملي حاجه. فا راجع نفسك في الحاجات دي كويس. ما تقوليش انا بقيت شايفه نفسي بشكل وحش لان خلي بالك الشيطان بيستغل الموقف اللي زي دي لان هو كل هدفه يهد العلاقات الكويسه ويهد شخصيتك وتبقي خلاص بقى يعني شايف كل حاجه وحشه كل حاجه سوداء فخلي بالك علشان ما يستغلش الوقت بتاع الضعف ده ويخليكي حالتك من اسوا لاسوء لا ده مجرد موقف مش اكتر من كده وعدى وخلص. ونظرتنا ما بتقفش على موقف نظرتنا لازم تكون شامله لو انت بتستخدمي جهاز في البيت الجهاز ده في مره كده وقف يعني هو ما بصش بس هو واقف كده يعني بلا سبب كانهنج هل دلوقتي؟ تتعاملي مع الجهاز ده انه خلاص باظ وتاخديه ترميه هو ده الصح ولا انك تبصي تركزي كده لا دهنك تهنيجه بس كده وهيرجع يشتغل ثاني وهو فعلا رجع اشتغل ثاني عادي. النظره دي غير النظره دي لو انت بصيتي على الجهاز ان هو باظ خلاص هتاخديه ترميه وهتروحي تكلفي نفسك انك تشوفي جهاز ثاني او هتفضلي قاعده طول الوقت من غير من غير ما ما توفري لنفسك الاستخدام بتاع الجهاز ده اللي هو اكيد كان بيفرق معاكي. او هتبقي بصيتي على الموضوع ان هو مجرد حاجه حصلت وخلاص خلصت وجهزت تمام وزي الفل وشغال ويلا بينا نستخدمه ونستفيد منه في كل حياتنا الموضوع كده وقفنا عند حاجه هنحكم حكم غلط وهنفرض على نفسنا وضع رخم ما فيش منه داعي ما تعمليش كده. وبصي على حياتك بشكل اوسع شويه.
تم النشر الأحد، ٣٠ يونيو ٢٠٢٤
عندي اختي اتقالها كتير كلام زي ده و انا اللي كنت بقعد مع ابويا و اهديه و والله ما بيبقى حقيقة بيبقى كلام نرفزة و عصبية بس مش اكتر خففي عن نفسك بس انتي مش عبء ولا حاجة الظروف هي اللي صعبة دلوقتي و الناس كلها مضغوطة ابوكي اكتر حد بيحبك في الدنيا وهو اكيد زعلان من نفسه انه قالك كلام زي ده كل اللي حصل سوء تفاهم بس ولأنك بتبطلي تعملي معصية و ناوية على طاعة الشيطان اتدخل و كبر الموضوع
تم النشر السبت، ٢٩ يونيو ٢٠٢٤
يا حبيبتي، أنا حسيت بكل كلمه قولتيها. اللي انتي بتمري بيه مش سهل و مفهوم جدًا إنك تحسين بالإحباط والخوف من المستقبل. أحيانًا الأهل، حتى لو بيحبونا جدًا، ممكن يقولوا كلام صعب، مش دايمًا بيكون قصدهم يجرحونا لكن الضغوط واليوميات بتأثر. ممكن كلامك عن اللبس سبب سوء تفاهم معاه وأدى لكل هذا النقاش الحاد. دلوقتي، من المهم تتقبلي إن مش دايمًا هنلاقي تفاهم مع الآخرين حتى الناس القريبين جدًا مننا. مش معنى إن أبوكي قال كده إنك فعلا وحشه. كلنا عندنا عيوب ودا شيء طبيعي، محدش كامل. جربي تحطي الأمور في نصابها، باباكي يمكن كان عصبي في اللحظة دي ومش عارف يسيطر على أعصابه، ومش فعلاً قاصد يجرحك بالشكل ده. ممكن تتحاولي تتكلمي معاه مره تانيه بهدوء وتقولي له اللي حسيتيه من كلامه، يمكن يفهم ويحاول يصحح العلاقة بينكم. متخليش كلام مأّلم يحدد قيمتك، حاجات كتير حلوة بتحصل في حياتك ونجاحاتك ماشاء الله فيها كتير من الإنجازات. ذكرياتك مع أبوتك حلوة ومليانة حب، لو ركزتي عليها هتلاقي القوة ترجعي تتعاملي معاه بشكل أفضل. انت غير ملزمة تحققين لهم كل شئ، هم أكيد بيحبوا نجاحك وسعادتك بنفس القدر. ابحثي جواكي، ايه اللي انتي بتحبيه وتسعادتك بيه وحاولي تشوفي كيف توازن بين رغباتك ورغباتهم بدون ما تضللي نفسك. ولدك، بالنهاية، أكيد مش هيكون قاصد يجرحك أو يقلل منك. خلي الأمور تهدى وادعي ربنا يهدي قلبك وقلبه ويسهل لك حياتك. حافظي علي حبك لنفسك واعتني بيها، وافتكري دي مرحلة هتعدي وان شاء الله تكلك قوة أكبر في المستقبل. وإذا أحسست بضغط نفسي شديد ممكن تلجأي للدعم من أصدقاء أو متخصص نفسي يساعدك تتجاوزي المواقف الصعبة. خليكِ قوية، واحنا هنا عشانك ❤️
تم النشر السبت، ٢٩ يونيو ٢٠٢٤
لعرض السؤال في فدني اضغط هنا