انا تالته ثانوي عام وكل حاجه متراكمه وبقيت انام بطريقه تقلق ومش بذاكر مع انى عارفه لو بدأت هخلص كل حاجه ومستوايا كويس بس مبذاكرش وبنام مش عارفه اعمل ايه
النوم بسبب إرهاق وقلق وهروب والسقعه حاولي حد فالبيت يصحيكي أو حد من صحابك يتصل عليكي وكل المنبهات اظبطيها وهيئي نفسك قبل النوم والنيه إنك تصحي و استعيني بالله يباركلك فوقتك ويلهمك الفهم والتركيز، واول ما تصحي قومي إن شاء الله تنامي ع الكنبه ربعايه تفوقي وعلاطول إعملي قهوه أو نسكافيه واغسلي وشك و اتوضي بجد حاولي تقومي عالحمام هتفوقي وتبدأي جدولك ولما تنجزي هتتشجعي وكافئي نفسك اخر الاسبوع
تم النشر الخميس، ١٦ فبراير ٢٠٢٣
الاسئلة كتير والاجابات اكتر .....تابعى كل اسئلة المذاكرة هنا وان شاءالله تستفادى
تم النشر الخميس، ١٦ فبراير ٢٠٢٣
حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وانت بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخص الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده ع اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئي نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعاه وتحلي عليه الواجب وتبصي على درس قديم من اول السنه عشان تذاكري الي فاتك ف نفس الوقت وان شاءالله هتقدري تنجزي وتلمي المنهج وترجعي اشطر من الاول وتدخلي الكليه الي نفسك فيها وطبعا علاقتك بربنا مهمه جدا حافظ عليها وكمان حياتك مش مذاكره بس ف خلصي مذاكرتك والخروج حدديله وقت مثلا مره ف الاسبوع وافصلي نفسك عن المذاكره بس كافئي نفسك بالتزامك ف المذاكره بأنك هتخرجي وحاولي تمارسي رياضه
تم النشر الجمعة، ١٧ فبراير ٢٠٢٣
لعرض السؤال في فدني اضغط هنا