اتخطبت من مده ثلاث شهور لواحد عنده ٣٣ سنه و انا عندى ٢٢ المشكله انى قولت هعتبره كل حاجه ليا مع الوقت و فرق السن ده اكيد هيبقى خبرة فالحياه و هيشدنى لفوق بعقله اللى اكبر من عقلى و قولت اكيد هحبه مع الوقت لانها خطوبه صالونات
المشكله أننا لما بدأنا نتكلم لقيت نفسى عارفه عنه ف كل حاجه ف الحياه ف الناس و التعامل و كل حاجه حتى أهله اسلوبهم غير أهلى تماما و مع ذلك قولت مش مهم بس م عارفه اعمل اى ساعات بقول هتعود و ساعات بقول هغيره انا و ساعات بقول هبعد عنه بس انا مش عايزة ابعد بصراحه لانه فى حاجات كتير كويسه يمكن أحسنهم أنه طيب جدا و حنين و كريم ارجوا المساعدة و اسفه ع التطويل بس فعلا مش عارفه اعمل اى و خايفه
اهلا بيكي.. طيب انتي اولا مش هتعرفي تغيريه، فكرة أن فيه حاجات مش عجباكي فيه وانتي عايزة تغيريها ديه مش هتنفع. ل أما تكوني متقبلاه على عيوبه ومميزاته وتمشي الطريق معاه، لاما لو مش قادرة تتماشي مع العيوب ديه يبقى الاحسن تبعدي. لأنك مش هتقدري تاخدي كل اللي انتي عايزاه في الشخص ده، ل أما تقبلي أو ترفضي. وانتي كده كده لسه صغيرة أكيد هتقابلي وتعرفي ناس كتير. حاجه كمان ياريت في فترة الخطوبة متعتبريش الشخص ده الدنيا وما فيها، لانه لسه خطيبك ده اولا، وممكن لاما الخطوبة تكمل أو لا ده احتمال وارد جدا. الامر الثاني مينفعش تعتبري شخص بأنه الدنيا والعالم والناس، مينفعش كل حاجه في الحياة تتمحور عليه هو وبس؟ لا، فيه اصحابك ، شغلك، دراستك لو كنتي لسه بتدرسي، فيه أهلك .. في حياة تانية غيره. أتمنى ليكي التوفيق
تم النشر السبت، ١٩ نوفمبر ٢٠٢٢
المبزان هنا دينه وخلقه..لو بيتقى الله وبيقضى فروضه واخلاقه حلوه وطيبه توكلى على الله على طول
تم النشر الاثنين، ٢١ نوفمبر ٢٠٢٢
الموضوع ليه كذا اتجاه اولا من ناحيتك انتي لازم تفهمي نفسك كويس وايه اللي عندك زايه تللي عنده وايه اللي انتي محتاجاه وايه اللي بيقدمه هو وايه عيوبه وايه اللي هينقصك وانتي معاه الاحسن .. تجاوبي علي كل الاسئلة دي في ورقة تاني حاجة معلومة عندك انتي ممكن يكون عقليتك كبيرة وحياتكم سوا تبقي جميلة جدا بس لازم تعرفي انك في وقت قصير جدا هتبقي امه اللي بترعاه حرفيا مش زوجة بس لو انتي مستعدة لدة يبقي تمام مش مستعدة خلاص الغي الموضوع لانك هتكرهي حياتك تاني حاجة اهلك والبيئة المحيطة هتساعدك ان جوازتك تتم ولا كله هيبصلها بنظرة غريبة كل دي حاجات لازم تحسبيها انتي
تم النشر الأحد، ٢٠ نوفمبر ٢٠٢٢
نصيحة ليكي ياحببتي الاختيار يكون بناء على التوافق في كل شئ فكريا وثقافيا واجتماعيا ومعنويا يعني لازم العيلتين يكونوا متقاربين في الاسلوب لضرورة التفاهم واما عنه هو مفيش حاجه اسمها هغيره فلو العيوب انتي مش متقبلاه يبقي مش هينفع تكملي ولو عيوبه اقل من مميزاته استخيري ونصيحه هاتي ورقه وقلم وشوفي عيوب ومميزات العلاقة بكل ما فيها كبيئة وطريقة وتعامل وصفات وبعدها استخيري وقرري
تم النشر السبت، ١٩ نوفمبر ٢٠٢٢
ممكن تراجعي اولا ايه السبب اللى خلاكى توافقى بيه والخطوبة تمت بناءا على ايه لو اتخطبتى ليه عشان اسباب كلها توقعات عن اشياء جميلة ممكن تلاقبها او ممكن تحدث بسبب فرق السن ده ...فاغلب الظن والواقع انك مش هتلاقى اللى توقعتيه. الخطوبة والجواز واى قرار بناخده بنفكر فى ابعاده اللى تناسبنا بناءا على الواقع الموجود مش مجرد توقعات. التوقعات بتبقي شكلها كده ( شكلة طيب يبقي اكيد عمره ما هيزعلنى - بيقولوا انه شغله فى منصب مرموق يبقي اميد مثقف ومتحضر - موجود فيه عيب بس اكيد لما يحبنى هيغيره عشانى ) شوفى فى فترة ال ٣ شهور اتأكدتى من ايه فى شخصيته وارجعى قيمى من اول وجديد ...هتوافقي تتخطبي للشخص ده ولا لا ...لو لقيتى نفسك بتقولى لو شوفت الصفات دى من الاول كنت رفضت ..يبقي الشخص مش مناسب. القرار ارجوكى خليه نابع من الواقع مشمن تخيلات او افتراضات او مجرد احساس ...الا اذا كان الاحساس ده عدم قبول بدون اى سبب
تم النشر السبت، ١٩ نوفمبر ٢٠٢٢
في بداية اي علاقة كل طرف بيقدم احسن ما فيه من طباع و مميزات ( بيعمل تسويق لنفسه ) محدش بيبان علي حقيقته الا لما بيغضب او يتعصب دي نقطة ، النقطة التانية عادي تبقي بتفهمي عنه برغم انكم في نفس السن دا شيء طبيعي في مخ الانثي نظرا لكذا حاجه اولا الشباب ( الذكور ) بقوا تافهين قوي و كله طبيعي المهم عيلته
تم النشر الاثنين، ٢١ نوفمبر ٢٠٢٢
لعرض السؤال في فدني اضغط هنا