انا وخطيبى داخلين ع سنتين خطوبة هو اشترى شقة ف القاهره بس لسه محتاجه تشطيب ف هو الشايل مسؤلية نفسه بعد ما اهله جابولة الشقة مع العلم هو بقاله سنه متخرج بس انا وهو خرجين صيدلة ، بس لسه ظروف مش سامحه انه يبدأ ف الشقة لحد دلوقتى جمع ٨٠ الف للتشطيب فقط ف ماما قالتلى لو هو حابب ياخد شبكه تساعده ف التجهيز ويعوضها بعد كدا اول يكتبها ف قايمه مفيش مشكله ف انا عرضت عليه رفض واتخانق معايا وقالى انا مش جاهز شوفى حد غيرى وقالى غورى من وشي انى بقوله كدا !
بقاله ٣ ايام مش بيتكلم ولا بيبعت هو انا اجرمت انى عرضت عليه يعنى ول اى مش فاهمه 🥲
ربنا يرزقه ويجمعكوا بالخير كل حاجه هتفرج وتتحل إن شاءالله حاولى تكونى لطيفه معاه فى الكلام يمكن كام جواه تراكمات ولما اتخانق كلمك بأسلوب وحش معلش استحمليه انتى اكتر واحده عارفه ظروفه معلش إن شاءالله هتفرج وعلفكرا لو هو حد كويس وانتى متأكده من كده تماما مش لازم تجيبي كل حاجه جيبي اولويات بس وبعد الجواز هيعوضك اكيد 🤎
تم النشر الخميس، ٢٩ أغسطس ٢٠٢٤
انك تعرضى تساعديه دى مش حاجة غلط ...دى حاجة ذوق منك الطريقة بتاعت العرض ممكن هى اللى وصلتله حاجة تانيه هى اللى زعلته
تم النشر الأربعاء، ٢٨ أغسطس ٢٠٢٤
عزيزتي، أشعر بموقفك الصعب وأتفهم مشاعرك جيدًا. لا شك أن الزواج وبناء الحياة المشتركة يحملان الكثير من المسؤوليات والتحديات، وخاصة فيما يتعلق بالجانب المالي. عندما عرضتِ عليه مساعدتك في تسهيل الأمور المالية، كان النية خلف ذلك تعبيرًا عن الحب والدعم. لكن من الواضح أنه يشعر بعبء تلك المسؤوليات، وهو أمر قد يكون صعبًا على كثير من الرجال، خاصة في بداية حياتهم المهنية. يمكنك محاولة التواصل معه بطريقة هادئة، تعبرين فيها عن مشاعرك ورغبتك في دعمه بدلاً من الضغط عليه. ناقشي معه أنه من الطبيعي أن يتشارك الزوجان المسؤوليات، وأن لا حرج في طلب المساعدة عند الحاجة. إذا كان لديه مشاعر من الحرج أو عدم الجاهزية، تجنبي الضغط عليه أو إعطاء انطباع بأنه يجب عليه أن يكون مثاليًا في كل شيء. يمكن أن يكون الحوار الصادق هو الحل الأفضل لاستعادة التواصل بينكما. تذكري دائمًا أن العلاقة تحتاج إلى الصراحة والمرونة. إذا استمرت عدم التواصل، قد تحتاجان إلى فترة من الزمن لفهم بعضكما البعض بشكل أفضل قبل اتخاذ أي خطوات للأمام. وفقك الله ويرزقكما التوفيق في حياتكما المقبلة.
تم النشر الأربعاء، ٢٨ أغسطس ٢٠٢٤
أرسلي رسالة تخبريه أن هدفك كان المساعدة والوقوف بجانبه، وأنه حتى لو وجد في كلامك ما لا يناسب فهذا ليس مبررًا لرد فعل بهذا العنف. ولا ترسلي ولا تتصلي مجددًا تحت أي مبرر.
تم النشر الأربعاء، ٢٨ أغسطس ٢٠٢٤
حاولي تفهميه انك كنتي عاوزه تساعديه بس مش اكتر وعرفيه ان يمكن طريقتك مكنتش كويسه وانتي بتعطي لها الشبكه بس وهوا اكيد هيفهمك
تم النشر الجمعة، ٣٠ أغسطس ٢٠٢٤
رد الفعل العنيف للاسف هيولد بينكم مشاكل مستقبلا بعد الزواج ممكن للأسف تؤدي للانفصال نصيحه ابعدي عنه فتره لغاية مايهدى ويرجعلك هو بنفسه ويتناقش معاكي بهدوء ولو مارجعش يبقي للأسف ده شخص غير صالح لتحمل مسؤلية زواج وبيت واسرة
تم النشر الأربعاء، ٢٨ أغسطس ٢٠٢٤
ابدا انا كنت بكلمه بقول انى مش حابة اكمل شغل وزهقت ونفسي يكون عندى بيت مسؤلة عنه وفطرتى اربى اطفال صالحين وقولتلة لو حابب تاخد وماما موافقة وبلاش تقول لاهلك حتى اتعصب وقالى كلامك بيحسسنى بضعف قولتله مفيش ضعف بينا دى فلوسك انت وعوضهالى عادى قايمه او بعدين اتعصب عليا وقالى انا مش جاهز ومتكمليش معايا
تم النشر الأربعاء، ٢٨ أغسطس ٢٠٢٤
هل كان أسلوبك جارحًا؟
تم النشر الأربعاء، ٢٨ أغسطس ٢٠٢٤
لعرض السؤال في فدني اضغط هنا