سلام عليكم، انا مستقم حمدلله، انا همة بتاعتي نزلت اوي يعني الصدق الي كان عندي في أول التزامي مش لاقيه دلوقتي يعني انا حاسس اني بقيت ارجع لورا يعين في أول كان عندي صدق بدأت ٥ فروض بعديها قرآن بعديها دروس بعديها صحبة صالحة بعديها اوراد دلوقتي صلاة فجر مبقتش ملتزم فيها يعني انا بعمل منبه وصوته عالي وفي الأخر اصحي اقفله وارجع انام بس والله بيبقا غصب عني مش يبقا دايران بأي حاجة وخت بنصيحة واحد صاحبي قالي خلي منبه بعيد عملت كده امبارح صحيت مش فاكر اي حاجة اصلا غير اني صحيت لقيت موبايل فاصل..
وانا شيطان كل شوية يوقعني في حتة المحقرات يعني اتأخر في صلاة جماعة ركعة ولا ركعتين صف اول معتش موجود اصلا وبقول عادي المهم أنه عايز يوقعني في ذنب بأي شكل يعني مثلا انا محافظ علي نفسي في الغض بصر واتعلمت عشان مقعش في شهوة ولا كده اغض بصري من أساسه شيطان يدخلني في مداخل خبيثة عشان برضو يوقعني والهمة دلوقتي بقت في نازل الأوارد مش ملتزم فيها هي وصلاة الفجر
وانا مش هكدب وهكون صريح هوه صدق دلوقتي مش زي أول التزامي ده غير اني حاسس اني هتفتن في الأجازة او ده اكيد.. ابويا مستحلفلي لو مجبتش نتيجة كويسة زي ما كنت بعوده عليه لهيغرني من مدرسة ومش بعيد اصلا يغيرني لعربي في تالتة اعدادي واكيد طبعا هيمنعني من المسجد لأنه معترض علي التزامي عشان شايف أنه بيأثر عدراسة وعلي فكرة التزامي ده الي هوه ٥ فروض في مسجد ده الي يعرفه أهلي عني اصلا انا مخبي عليهم قيام الليل والقرآن والأوارد كلها في العموم أما أمي اصلا متعرفش اني بحفظ قرآن في أكاديمية ولا اني مع صحبة صالحة او مجموعة يعني بتحافظ علي اورادها ،،عندي تراكمات في دراسة والأوراد مش عارف اوازن بين ده وده وانا برضو يعني مش عايز ابعد عن الدين خالص عشان حاسس اني كده معرض عن الهداية وخايف أن ربنا يسلب نعمة دي مني
عمر ما كان الالتزام و حفظ القرآن عائق يعطلنا عن المذاكره بل بالعكس القرآن و التقرب من ربنا بيعينا و يقوينا على ضغط المذاكره و الضغط النفسي بتاع الامتحانات وعندك مثلا د حازم شومان دكتور و الطب بيحتاج مذاكره جامده و ووقت كتير حتى بعد التخرج و مع ذلك ما شاء الله عليه رجل دين مش بس بيحفظ قرآن و بعمل ال ربنا أمره بيه لا ده تمعن في الدين دي اول نقطه تانى نقطه بالنسبه لصلاه الفجر فيه حاجه انا بعملها و بتنفع معايابتتخيل أن الشيطان ده شخص و بيمنعنى عن الصلاه فيقول لنفسي لا انا هقوم و اصلي ومش هخليه يضحك عليا و متطفيش المنبه غير لما تقوم من على السرير و رايح تتوضي خلاص تالت نقطه بالنسبه لصدق العباده ده طبيعى أن بين كل فتره التانيه يحصلنا فتور في العباده المومن الصادق اللى يعرف أن ده اختبار من ربنا و يحاول يقوم نفسه من تانى ف اسمع سلسله تذوق العبادات مع د احمد العربي مش لازم تخلص الفيديو في نفس اليوم حتى لو 10 دقائق بس كل يوم ده لينك اول فيديو https://youtu.be/63_AOCldyXo?si=BehGA90ivei0GCdJ وربنا يثبتك و يثبتنا على دينه اللهم آمين
تم النشر الخميس، ٤ أبريل ٢٠٢٤
ايها السائل واضح من كلامك انك ملتزم لكنك شاغل نفسك باشياء قد تضرك ولاتنفعك عندما تواجه اي شيء اعرضه اولا علي القرآن والسنة فإن كان فيه خير فسر فيه وإن كان غير ذلك فااعرض عنه واعلم أننا جئنا الي دنيا ابتلاء وممر الي دار المستقر وتودع رصيد من الحسنات في بنك اخرتك لتحصل عليه وقت لاينفع فيه مال ولا بنون الا من اتي الله بقلب سليم ولاتنم قبل أن تقرأ آية الكرسي والمعوذتين والإخلاص ستنام في هدوء وسكينة وسبنعم عليك الحق سبحانه وتعالي بالسكينة والطمأنينة باذن الله
تم النشر الجمعة، ٥ أبريل ٢٠٢٤
وعليكم السلام ورحمة الله وبركاته نصيحتى ليك ...لا تلتفت لهذة السقطات واستكمل وستجد نفسك عدت للطريق فقط هو الشيطان يحاول ان يجعلك تيأس من نفسك ..لا تعطيه المجال لذلك ..استمر للامام حتى تعود الطبيعى ان الهمه بطاقة عاليه فى الاول تخفت بعد مده لانك تحتاج لشحنه ايمانيه اخرى مثل التى اعطتك دافع الالتزام فى البداية القوية هذه قم بعمل مختلف مثل تطوع او طاعه مختلفه لتأخذ جرعه ايمانيه جديدة تدفعك للامام باذن الله
تم النشر الخميس، ٤ أبريل ٢٠٢٤
بص ادعى ربنا عز وجل يثبتك والله لو عملت اى من غير ربنا سبحانه والله يابنى ماهتثبت فى قيام الليل قوله يارب انا خايف ابعد عنك بعد مأذقتنى حلاوه القرب اللهم عنى استعين بقوتك ياعظيم ان تثبتنى وتثبت قلبى اللهم اعنى على ذكرك وشكرك وحسن عبادتك اللهم ياقلب القلوب ثبت قلبى ع دينك💖ومعلش سؤال اكادميه ايه بتحفظ
تم النشر الخميس، ٤ أبريل ٢٠٢٤
كل شخص في بداية التزامه اختبر الشئ دة كلنا حصل معانا كدة .الفكرة ان ربنا في البداية بيسهل ليك الطريق ويجعل الإيمانيات عالية عندك وبعد كدة يختبرك وتبدأ همتك تقل لان الإيمان يزيد وينقص ودة بيبقي اختبار علي مدى صدقك مع ربنا هل انت في طريق ربنا عشان حلاوة الايمان والراحة النفسية الي حسيت بيها ف الاول ؟ طب ولو قل الكلام ده هتسيب ربنا ؟ فالحل انك تحاول تاني تعلي همتك وتنجح في اختبارك زود دروس الوعظ حازم شومان او خالد راشد او اي شيخ .محاضرات عن القبر والنار والموت او لو بتحب الترغيب اسمع عن الجنة وفي سلسلة سيرة لأبراهيم امام وقتها قصير هتأثر في القلب بأذن الله .الشيخ حازم كان بيقول جملة ان لم تكن في زيادة فأنت في نقصان .متقللش من اورادك وقوم للفجر والصلوات وانت مش قادر اسمع قبل متنام عن فضل صلاة الفجر ونام وادعي ربنا يختارك ما بين جميع الشباب الي نايمين دول ويصحيك انت .....فترة وهتعدي من الي انت حاسس بية مجرد ما تصدق مع ربنا في الفترة دي وتكمل وانت مش قادر ولا حاسس بالهمة والروح الي كانت عندك في الاول هتخش علي ليفيل تاني من الالتزام وهو ثمرة نجاحك في اول الاختبار . اصبر وكمل . وبالنسبة لوالديك افتكر انك عامل زي الصحابة لما كانوا بيخفوا عبادتهم عن والديهم وبيستحملوا الاذي منهم فليك احر عظيم بأذن الله وحاول تذاكر وتتفوق كمان وتسبتلهم ان الدين معين مش بيلهي ومتجادلش معاهم خالص .الصلاة بتمنعك وركز لمزكرتك .حاضر يا بابا هقلل واركز في مذاكرتي واعمل الي انت عايزه بردو بس تبقي هديته وريحته ...وتذكر لو حسيت ان الشباب كلهم مش ملتزم وعايشين حياتهم وخربنها وانت مش زيهم ...افتكر ان انت الي هتبقي مميز بعد كدة عند ربنا وفي الدنيا كمان وهما الي هيندموا وانت لا وهما الي حزنانين رغم الانبساط المخادع البادي عليهم وانت ان شاء الله مش هتشقي ابدا اسأل الله لنا الثبات جميعاً
تم النشر الخميس، ٤ أبريل ٢٠٢٤
المذاكره كمان من العباده والشغل ** الصح أننا نوازن بين عمل الدنيا والاخره مينفش نقول أنا هصلي وهحفظ قران بس مش هزاكر او هقلل وقت المذاكره لازم الاتزان ♥️
تم النشر الخميس، ٤ أبريل ٢٠٢٤
ديما الشيخ كان يقول احمي الفروض ب معني أن لو انت تصلي الفروض صلي كمان السنن عشان لو الشيطان لعب يكون هدفه الأول السنن مش الفرض وهذا **طبيعي جدا الشيطان يلعب بنفسك شويه بس الشطاره انك تقاوم ده وحاول يكون ف تأثير عليك ديما بنصح ب متابعه المهندس علاء حامد دوره السيره النبويه للم فيها طاقه رهيبه
تم النشر الخميس، ٤ أبريل ٢٠٢٤
لعرض السؤال في فدني اضغط هنا