لو انا حاسه طول الوقت إني لوحدي وكل الحاجات اللي بحبها بتروح مني أتجاوز ازاي الشعور ده انا حياتي الفتره ده بقت عباره عن مشاكل وصدمات مش عارفه اتجاوزها ولا اتأقلم معاها بقا عندي كره وعدم ثقه ف الناس بطريقه مش طبيعيه ومش بحس أن عارفه ابقا كويسه حتي مع نفسي دائما خايفه ومش عارفه انا عايزه ايه ولا عارفه اخد اي خطوه علي طول متردده ومكسله ويحاول ابعد عن أي حاجه
أفهم تمامًا اللي بتمري بِه دلوقتي. الحياة ممكن تكون صعبة ومليانة تحديات، وده ممكن يسبب لنا ضغوط وإنهاك نفسي. خليني أقدملك شوية نصائح: خدي خطوة لورى واتقبلي مشاعرك: مش غلط إنك تحسي بالحزن أو الانعزال أحيانًا. خدي وقتك وحاولي تفهمي مشاعرك وتقبليها. تواصلي مع حد تثقي فيه: حاولي تتواصلي مع حد مقرب ليكي سواء كان صديقة أو فرد من العيلة. الفضفضة ممكن تكون مريحة جدًا. اعتني بنفسك: اهتمي بصحتك الجسدية والنفسية. مارسي الرياضة، كلي طعام صحي، ونامي كويس. اهتمي بشكلك الخارجى حتي لو كنتي مش خارجه البيت. تحديد الأهداف الصغيرة: مش ضروري تكون خطوات كبيرة. ابتدي بتحديد أهداف بسيطة ويومية زي إنك تقراي كتاب تحبيه، أو تعملي حاجة بتحبيها. طوري مهاراتك وثقي بنفسك: ممكن تشتركي في دورات تدريبية أو كورسات جديدة. ده هيزرع ثقة بنفسك ويشغلك بحاجات مفيدة. استشيري مختص: لو حسيتي إنك محتاجة دعم أكبر، ممكن يكون من المفيد إنك تتواصلي مع مختص نفسي. متخافيش من طلب المساعدة. تذكري إنك قوية: ممكن الحياة تكون فيها صعوبات، لكن تذكري إنك عندك القوة والعزيمة عشان تتجاوزيها. افتكري الانجازات اللي عملتيها قبل كده وأي موقف تخطيتيه. احنا كلنا بنمر بظروف صعبة، ومش حاجة غلط إننا نحس بالضعف أحيانًا. استمري، وخدي وقتك، وهتعدي المرحلة دي بسلام. 💪💕
تم النشر الخميس، ١١ يوليو ٢٠٢٤
بجد فهماكي أوي بس حاولي يبقا عندك امل كبير فربنا وبلاش تخلي دماغك تتحكم فيكي وتسوحك وان الشيطان يفضل يوسوسلك كتير وحاولي تنشغلي بلاش تفكري كتير وطالما مشوفتيش حاجه وحشه من اللي حواليكي فمتفكريش بطريقه سلبيه برضه اعملي حاجه بتحبيها اشغلي نفسك بأي حاجه ومتسبيش نفسك لدماغك ووقت ما ترتبي اولوياتك فحياتك وتحسي انك متزنه اكتر فكري وقتها انتي عاوزه اي لكن متفكريش انتي عاوزه اي وانتي مضغوطه ومش فاهمه انتي فإيه وبتفكري كتير وكدا
تم النشر السبت، ١٣ يوليو ٢٠٢٤
مهلًا مهلًا، خذي نفسًا عميقًا وتعالي نفكر فيما يضايقكِ بهدوء لنصل إلى حل يرضيكِ. مشكلتكِ الآن تتمثل في الفقد، وبحسب ما فهمت فإن الفقد الذي تقصدينه هو بعد الناس عنكِ باختيارهم وهذا ما أحزنكِ وأفقدكِ الثقة في الجميع. تعالي نفكر في الأمر بشكل مختلف، أنا أهديتكِ كوبًا جميلًا من الزجاج الرقيق ليكون رفيقكِ وأنت تتناولي مشروبكِ المفضل، لكنكِ ارتأيت لعدم فهمك أن تضعي الكوب على النار لتصنعي فيه القهوة، طبعًا سينكسر الكوب وربما يجرح يدك؛ لأنه غير معدٍ لهذا، هل ترفضين الآن صنع القهوة في الوعاء المخصص لذلك بحجة أنك جربتِ مرة وانكسر الكوب وجرحكِ؟ كلا طبعًا، ستفهمين أن الكوب لم يكن مؤهلًا ولا مجهزًا لوضعه على النار. العلاقات تقريبًا نفس المبدأ، البعض على غير إدراكٍ منه يقرب بعض الناس الذين لا يستحقون، فما يكون منهم إلا الالم والأذى، وليس خطأهم، بل الخطأ منا. طيب المخرج من الحالة التي وصلتِ إليها، يجب أن تعرفي نفسكِ أكثر، ربتي على قلبك وهوني عليكِ. تعلمي عن نقاط قوتك وأبرزيها لنفسك، وتعلمي عن نقاط ضعفك وتعلمي كيف تديريها، كيف تسيطرين على السوكيات التي تنتج عن نقاط ضعفك. أنصحكِ بكتاب سكن للكاتبة واستشارية العلاقات ريهام حلمي، وإذا لم يكن في متناولك شراء الكتاب يمكنكِ متابعتها عبر منصات التواصل المختلفة. بالتوفيق يا رب.
تم النشر الخميس، ١١ يوليو ٢٠٢٤
لعرض السؤال في فدني اضغط هنا