هو انا مشكلتى انا اصلا مش عارفها دماغى مش بتبطل تفكير نهائى دايما زعلان و حاسس انى عاوز اعيط مع العلم انى منتظم فصلاتى و اذكارى و ورد قرآن و بحفظ كمان بس المشكله فصحابى انا الفتره اللى فاتت حصلتلى مشاكل غيرت حجات كتير فشخصيتى ذى مرض حد قريب منى بكانسر و ضغط عالى ماديا و كذا حاجه تانيه خلتنى عنيد و بجادل كتير جدا علطول بتدايق من اى حاجه بسيطه او غلطه و بعدين بقيت احاول احسن من السلوكيات دى و بدأت اتغير فعلا بس صحابى تحس ان هما كرهونى او حاجه زى كدا مع العلم انى مكنتش فرد عادى وسطهم بالعكس انا كنت محبوب جدا و لازم اكون موجود علطول بس دلوقتى الحال اختلف هما كل يوم مع بعض بيروحو و بيجو و محدش اصلا بيفكر يرن عليا و ساعات بقابلهم بالصدفه او اعرف من صوره حد منزلها و هما مبيحسوش بأى ندم بس هما من وجهت نظرهم انى مكبر الموضوع و انا مصارحتهمش بكدا انا الكلام وصلى من حد بيقعد معاهم
انا اسف عشان طولت بس انا فعلا حياتى ادمرت انا مبقتش عارف اتعامل طبيعى مع الناس و علطول حاسس ان فيه حاجه غلط مثلا لبسى مش كفايه فلوسى مش كفايه انا ذات نفسى اقل من اللى حوليا جسمى مش عاجبنى و شايفهم كلهم احسن منى و ده مسبللى خوف كبير جدا فدماغى خوف من انى ابقى لوحدى مكروه تافه محدش عاوز يعرفه مبعرفش اذاكر مش قادر اروح الشغل مبقتش طبيعى بقا كل همى اخلص كل حاجه واجرى اقعد لوحدى فالبيت بسرعه و دماغى دايما مبتبطلش تفكير علطول و بدأت اسال نفى اسأله وجوديه زى طب البنيقادم يعمل اى فحياته او اكون مبسوط ازاى
لو شوفتك من 3 سنين هفتكر أن انا الي كاتبه الرساله دى واخاف ازاى في تشابه بينا كده 😂 اول حاجه ربنا معاك ويجبر بخاطرك وانشاء الله كل حاجه تتحل وربنا يشفي الشخص المصاب بالكانسر ده🤍 فى وقت ف حياه كل انسان بجد بيمر بتقلبات نفسيه كتير بيبقا عصبي ومدايق وبيحس انو بقا حد غريب ولكن اكيد بيكون عندو مشاكل كتير ف حياتو خليتو الشخص ده لو قدرنا نعالج المشاكل هنعالج الشخص ده🤍 اول حاجه بالنسبه لموضوع صحابك ف مش يمكن ربنا بيعمل كده وبيخليك تكتشف فيهم حجات ف نفس الوقت الي انت بتعانى فيه من مشاكل عشان تعرف حقيقتهم أو عدم وقوفهم جمبك ؟ ليه ممكن حد يتغير عليك فجأة بدون أسباب ؟ إلا إذا كان من البدايه شخص مش كويس انت اتخدعت فيهم لازم تواجه نفسك ب ده الحب عمرو ما بيقل غير لو هما قللوه بمزاجهم لازم تكون عارف ان محدش يستاهل زعلك علشانو انت كمان بتكره نفسك وبتحس انك أقل منهم محدش ممكن يحس انو أقل إلا إذا قارن نفسو بحاجه وأسوأ حاجه ف العالم هى حوار المقارنه ده وبجد لازم تحاول تعرف أن مفيش حد احسن منك فكره انك قريب من ربنا وبتحاول تتغير وباقي عليهم ده لوحدو دليل علي انك انسان طيب وتستاهل كل خير حاول تحب نفسك اكتر من كده حاول تبص علي أحوال غزه وقد ايه في ناس معندهاش أهل ، بيت ، اكل ،لبس،مايه،مدارس، ولا حاجه كل ما تحس بعدم الرضا فكر نفسك بيهم هما صابرين ومتحملين يبقا انت لازم ترضا وتحب نفسك بالنسبة للاسأله بتاعت احنا ليه اتخلقنا ف للاسف المرحله دى من اكتر المراحل الصعبه الي يتعدى علي كل الناس ف فترات معينه صعبه لأن فيه الي ايمانو بيخليه يسيبها وفيه الي الأفكار بتشدو ف بيبعد عن ربنا انت دلوقتى بقيت بتسيب نفسك لنفسك كتير اوى بجد بقيت بتفكر كتير والتفكير الكتير مش كويس والتفكير اصلا مبيعملش حاجه غير انجازات خياليه طب ما تشتغل ف الواقع ؟ يعنى من دلوقتى غير من نفسك وحبها انت عامل زى الي بيركز علي الحبايه وسايب وشو كلو الكويس مركز علي عيب وسايب كل النعم دى بطل تفكيرررررر لوحدك بقا بجد عشان هتفكر ف اسأله تخليك كاره نفسك وتتخيل حجات محصلتش واتمنى متكونش وصلت للمرحله دى حب نفسك انت تستحق🤍
تم النشر الثلاثاء، ٧ نوفمبر ٢٠٢٣
طيب هما بدأو يتغيروا معاك امتى بالظبط؟ يعني لما اتغيرت شخصيتك للاسوء مثلا وبدأت تبعد عنهم الفترة ديه ولا كنت معاهم؟ ولا هما اتغيروا معاك لما بقيت شخص احسن؟
تم النشر الثلاثاء، ٧ نوفمبر ٢٠٢٣
انا من وجهة نظري ان دول مش صحاب يتزعل عليهم خالص الصاحب اللي بجد اللي ديما في ضهرك و سند ليك في الشدة و الحزن قبل الفرح و الصاحب بيتعرف معدنه في الشدة و الازمات الصاحب عمره مكان بعدد السنين الصاحب بالمواقف و العشرة الطيبة انا كان عندي صحاب كتير من سنة و اتنين و تلاتة بس عادي الزمن بيغير كل الناس و مش بقينا زي الاول خالص زعلت علي العشرة شوية بس خلاص اتعودت و كونت صداقات جديدة مع ناس جديدة معايا في الجامعة و بيخافوا عليا و مش بقالنا سنة مثلا يعني الصاحب عمره مكان بالسنين . انت زعلت و اخدت وقتك في الزعل كفاية بقي زعل و تبدأ حياه جديدة مع ناس جديدة و صحاب جديدة الموضوع صعب في الأول بس مش مستحيل و هتلاقي ناس نضيفة من جواها و كويسة جداا خد من المواقف اللي حصلت في حياتك دروس اتعلمها الحياه احسن مدرسة تعلم البني آدم و تخليه اقوي و احسن من الاول ارجع شغلك و دراستك و اتعرف علي ناس تانية و ادعي ربنا انه يساعدك و يقويك في الأيام الصعبة 🤍
تم النشر الثلاثاء، ٧ نوفمبر ٢٠٢٣
اطلع برا الدايره دي من غييييير تفكير غير دايره صحابك نهائي ومتوقفش حياتك علي حد اللي اتجاهلك تجاهله فورا متحاولش تغير من نفسك أو اسلوبك وتدفن نفسك بتصرفاتك صاحب ناس جديده خليك اجتماعي اكتر روح جيم وغير مودك بس متغيرش اسلوبك ♥️
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا