السلام عليكم ورحمة الله وبركاته
لو سمحت انا بحب واحد بقالي اربع سنين وهو بيحبني هو من الصعيد وانا من القاهره بس هو هيجي كمان سنه يتقدم عشان هو متعلم هيخلص سنه تانيه معهد وهيجي وبعد كده هنلبس الشبكه وبعديها ب 4سنين علي كلامو هيتجوزني علي كلامه بس امبارح كانت خطوبت اخوه وحنه اختو ف هما كلهم عيله بخيله اوي وهو كمان بخيللل بخيل بمعني الكلمه يعني اهلو اتخنقو مع اهل العروسه اللي هي خطيبت اخوه عشان هي عجبها فستان ب1000ج وهما جبولها فستان ب200ج ف البت عشان من اهلو ف رضيت ولبست الفستان عشان تمشي الدنيا لبستو ب 200ج ف لقيت اخوه بيلبس عروسته تخيلو خاتم ودبله جايبنهم ب100الف وكمان الخطوبه عملوها مع الحنه عشان يوفرو وعملو الخطوبه والحنه تخيلو ف اي ف الشارع عرفين لحاف اللي زمان كانو بيحطوه ورا تيته ف الفرح هما عاملين كده وحطين كراسي خشب وبشربو ميا يعني حتي مش جايبين بيبسي ف ماما لما شافت الموقف ف الفيديو عندي قالتلي اي الاقرف دده انا هو واهله بخله اوي بمعني الكلمه حتي هو لما بيكلمني علي انو هيجبلي شبكه اي بيقولي خاتم ودبله ب70وده اللي عنده بخيل ومبيتكسفش انو بخيل واهله اهله بخله اوي حاولت اغيره مبيتغيرش خالص انا عايشه مع امي عشان ماما وبابا منفصلين بس تبويه مبيسألش عليامن صغيري ولا انا ولا اختي ف عايشين مع ماما بس سبب الانفصال لان ابويه كان بخيل احناه كبرنا وفهمنا وامي علمتنا ان لو حد محتاج واحناه معانا نديلو ربنا بيكرم واهل ماما كلهم عيشتهم حلوه وكلهم مشاء الله عندهم كل حاجه ف انا مش عايزه حد يعايرني من دلوقتي بيتريقوا عليا لانو بخيل وهو مش بيتكسف خالص امي قبل كده بتلقح وانا بكلم ف الفون ف بتلقح بتقول خليه يجبلك شكولاته ف هو قلل قوليله مش معايا بخيل ومبيتكسفش يقول مش معايا انا مش عايزه حد يتريق عليا كفايا اللي حصل فيا من صغري بس ده فعلا هو بخيل واهله بخله اوي اعمل اي
بس ماما كانت بتحبو زي ابنها لانها شيفاه بيحبني بس لما بدأت تكلم معاه بهزار وتقوله هتلها شوكولاته يقولها لا اجبلها ليه متجيبلها انتي انا مش معايا ولما اتقدملي عريس قبل كده مقتدر وهو قالي وافقي وان العريس هريحني ف المستقبل ومفكرش فيا ومهنش عليه يكلم ماما يقولها ماوافقيش وفضل يقولي لا انا مش هكلم امك واكلمها ليه هي عارفه اننا بنحب بعض وانا قولتله لا المفروض ف الوقت ده بذات تثبت انك فعلا عايزيني وتخلي اهلك يتكلمو حتي لو انت هتجبلي دبله انا راضيه وكنت بعيط ف ماما سمعتني وانا بقوله حتي لو هتجيب دبله ف قالت ليه انشاء الله انتي وحشه ولا ناقصه ايد ولا رجل انتي لسا بنت بنوت يجيليلك احلا حاجه ف هو كان بنسبالو عادي الكلام ده وقال عليا اني ماديه مع انو هو اللي قالي وافقي من ساعت الموضيع دي وانا رفضت العريس وكل العرسان اللي بيجيولي عشانو هو مهمهوش الموضوع ده اصلا وريح دماغو وحصل كذا موقف تاني قدام ماما ف ماما ادقت وكرهتو ومبقتش تحبة حست ان ده مش هيريحني وانو هيخليني ف المستقبل اتحوج للناس ف حاليا لما مثلا هو بيكلم ماما مش بتكلمو ولا هو بيكلمها بس انا مبقتش ارتاح معاه زي الاول خصوصا انو بيكلم ويقول انا مش هجيب وانا مش هعمل وعجبكوا عجبكوا مش عجبكو خلاص واتغير معايا وحتي اهلو كانو بيكلموني بعدهم عني وبعدني عنهم ومش وعايزهم يعرفو اني انا بكلموا ومش عايز يعرفهم انو هيخطبني كمان سنه وبقلو ليه بيقولي لما السنه بتاعت المعهد تخلص واجي اتقدم هقولهم خصوصا ان اهلو كمان بخيلين اوي اوي والله بخيلين ف انا جيه ف دماغي ان اهلو مش مةافقين عليا وان هو مبقاش موافق عليا عشان انا مش متعلمه وهو متعلم بس من ناحيه تانيه لما مثلا بتكلم معاه في موضوع جوزنا بيتخنق وبيدايق اوي اوي ويفضل يحط استوريهات حزينه ويكون مخنوق حاولت اعرف ليه بس هو كل كلامو انو مش عارف يعمل اي ف انو يجي يخطبني ويجوزي وديما محسسني انو مش عايزني وديما يقول انو مش هيقدر وكل كلامو انا هجبلك دبله وخاتم وبعد 7سنين يخلص الكليه والجيش وبعد كده يتجوزني ديما بيقفلها ف وشي ويحسسني اني ولا حاجه ولما بقلو متقفلهاش قول يارب ما ممكن ربنا يخلينا نتجوز بكره محدش يعلم ربنا كاتبلنا اي يقولي كمان 7سنين ويخنقني لا وكمان بعد ده كلو بسألو سؤال هو احناه لما نتجوز وانت ربنا كرمك هتعمل اي ليا قالي هنمشي زي ماحناه ماشين وهنمسك علي ايدنا ف الفلوس وتستحملي قولتله طب ولو عايزه اجيب اكل من برا يقولي لا مش هنجيب انا مبكلش اكل برا انتي هتعملي ف البيت قولتله تمام وسكتت بدل ما يقولي اجبلك اللي نفسك فيه لا يقولب مش هنجيب قولتله طب لو ربنا كرمك قبل ما نتجوز هتجبلي شقه برا بيت العيله بتعكو عشان انا عارفه الخناق وكده قالي لا مش هسيب امي وابويه يعني هو كراجل ميسبش امو وابوه وانا اللي اسيب امي عادي وابعد عنها من القاهره للسويس ده العادي واكون بعيده عنها ومتعرفش حتي تجيلي وخصوصا انها قعده هي واخواتي الصغيرين لوحدهم انا مش عارفه اتعامل معاه ازاي ارجوكو فدوني انا مش عارفه اتعامل ازاي والله هل هو عايزني بجد ولا بيكرهني عشان امشي ويعمل دور المظلوم زي كل مره ويعمل زي كل خناقه بينا ويعيط عشان يجيب الحق عليه وان هو اللي ديما مظلوم وانا بدأت اتخنق بأن راجل يعيط بدات ادايق هل هو عايزني ولا لا فدوني بس انا خلاص راجعه المدرسه اصلا تاني
العائله كلها بيقلولي سيبيه دي مش زينا ومش هيريحك ونو انا مش متعلمه وهو اول ما هياخد شهاده هيسبني اصلا وهيتجوز واحده متعلمه عشان تكون شبهو وان انا الحق نفسي واتخطب لحد يعرف يعيشني ويعرف كل حاجه بس انا مش عارفه انا متوتره اوي فعلا وهما كلهم ديما بيتريقوا ويقلولي بتكلمي البخيل ويتريقوا وانا بداات اتخنق اوي والله تعبت وهو بيزود عليا وان ميقولش لاهلو انو بيكلمني حاجه مأثره عليا وعلي نفسيتي حاسه انو بيضحك عليا ومش هيجي يخطبني انا عايزه حد يفهمني انا مش فاهمه حاجه عايزه حد يقولي اتعملي بكذه معاه واعملي كذا لاني تايهه
السلام عليكم ورحمه الله وبركاته هو الحقيقه يا بنتي انا من غير ما اكمل بقيه تفاصيل السؤال بتاعك وانا يعني عايزه اقول لك انت بتعملي نفسك كده ليه يعني مفيش اي حاجه تقول اللي انت بتعمليه ده خالص ولا تحطي له مبرر منطقي كل القصه ان انت شايفه نفسك ان انت قليله عشان انت مش متعلمه وهو كتر خيره يعني ان هو اتعرف عليك يعني ونوى يتجوزك انا مش فاهمه طب وكل الناس المحترمه اللي جت دخلت البيت من الباب وتقدمت يعني وناس كويسين يعني هم اشمعنى دول مخدوش القدر والقيمه يعني اللي انت حطاها في البني ادم ده. انا مش شايفه اي سبب انك تعملي في نفسك كده والشخص ده واضح جدا ان هو شخص غير مناسب تماما. واسيبك بقى من شويه (اللافلافة) اللي انت عملتيها انت وهو وان للاسف مامتك عارفه ده يعني وسايباكي تعمليه بس الكلام ده غلط ومنصحكيش تعملي اي حاجه غير انك تكلميه وقولي له. الوضع ده مش هينفع. احنا هنوقف كلام مع بعض خلصت بقى مع هدف الجيت تمام تشرف وتنور وساعتها نبقى نشوف اهلي طلباتهم ايه قدرت عليها اوكي ما قدرتش عليها خلاص وهو ده الفيصل في الموضوع الرجاله يا بنتي بتبان من افعالها. مش هقول لك اكتر من كده؟ شوفي بقى الافعال عشان تعرفي ده راجل ولا مش راجل كل الكلام اللي انت بتقوليه حقيقي فعلا. اهدار كرامتك اللي ربنا حطها لك قبل ما اي انسان ثاني يفكرك بيها يعني. اتقي الله في نفسك.
تم النشر الجمعة، ٥ يوليو ٢٠٢٤
معلش حد يقولي اعمل اي انا تعبت ومش عارفه بجد اعمل اي
تم النشر الخميس، ٤ يوليو ٢٠٢٤
يا أختي هو مادام مجاش ودخل البيت فمينفعش تتكلمي معاه خالص والله ومتخليش حوار هو متعلم وأنا مش متعلمة ده عقدة عندك، مش عشان التعليم فاشل بس، لأنك بكل سهولة ممكن تتعلمي تعليم احسن من تعليمه ب100 مرة وبشكل مجاني ومن جهة الواقع: أكثر من 90% من اللي أعرفهم اللي بيكلموا أو كانوا بيكلموا بنات، كل واحد فيهم على الأقل كان بيكلم 3 بنات في نفس الوقت! محدش فيهم اتجوز اللي بيكلمها، واللي حاولوا بجد واحداترفض من أهلها، وواحد أهله رفضوها، وواحد اتجوز فعلا بس اقسم بالله العظيم من أفشل الجوازات اللي شوفتها في حياتي %85 من الشباب اللي بتعمل كده هو حتى لو بقى عنده مقدرة أنه يتجوز...هو مش هيتجوز، اصل ليه اتعب دماغي وابقى مسؤول عن واحدة، وكل الهري ده، طب ما أنا بكلم 3/4 بنات وبخرج والدنيا حلوة الراجل بيخش الباب من بيته؛ لأنه حتى لو جاهل بالحكم الشرعي، فهو ميرضاش كده لأخته والبخل ده داء لا داوء له، من أكثر الصفات السيئة، واللي لو حتى الزوجة بتصبر على الراجل البخيل، فولاده بنسبة كبيرة جدا مبيستحملوش وادعي كتير واتعرفي على بنات صالحين هما بس مش هيبقوا سندك، لاء هما ممكن يرشحوك مثلا لاخواتهم قرايبهم وكده وربنا يرزقك زوج صالح يارب
تم النشر الخميس، ٤ يوليو ٢٠٢٤
مرحبًا يا حبيبة، أولاً أحب أقولك إنك مش وحدك وكلنا بنمر بمواقف صعبة محتاجة تفكير عميق وقرارات مهمة. أنا هنا أساعدك. انتي قلتِ نقطة مهمة بخصوص أهله، وخلينا نبدأ منها. البخل ده مش حاجة سهلة تستطيعي تتعاملي معاها بسهولة. لو فعلاً شايفة إن والدك انفصل بسبب البخل وإنك بتواجه نفس المشكلة مع الشخص اللي بتحبيه، يبقى لازم تعملي مقارنة وتشوفي إيه الأفضل لمستقبلك ولحياتك. حبيبتي، الحب مهم لكن مش هو كل حاجة في أي علاقة. فيه حاجات تانية مهمة زي الاحترام، والقدرة على التفاهم، والاستعداد لتقديم، والكرم سواء كان مادي أو عاطفي. لو هو واخد الأمور ببساطة وبيتكلم عن البخل بشكل واضح ومبيفكرش في التضحية عشان سعادتك، ده بيخليني أتساءل هل فعلاً هيكون مستعد يضحّي في المستقبل لما الأمور تبقى أصعب؟ كمان لازم تفكري في حياتك العملية والدراسية. هل هو داعم ليكي في ده؟ ولو عندك طموحات وأهداف هل ممكن يكون عائق ليكي فيها؟ حبيبتي، الحياة الزوجية مش مجرد حب، هي مشاركة ومسؤولية. لو مش حاسة بالراحة دلوقتي ومش شايفة إنه بيهتم لكلامك ومش مستوعب لأحلامك وبخيل في التعامل معاك، بيحاول يحسسك إنك محتاجة له، لازم تفكري جدياً في قرارك. ما تسمحيش لأحد يضغط عليكي أو يستهان بمشاعرك. إمكاني تعملي خطوة وتركزي على نفسك وعلى تحسين حياتك وتستني لحد ما يجي شخص فعلاً يقدرك ويستاهل حبك ودعمك. فكّري كويس وقرري اللي هيكون أفضل ليكي ولحياتك المستقبلية. خدي وقت تفكري وتفضفضي مع والدتك أو حد تثقي في رأيه. أتمنى لك كل التوفيق والسعادة، وكوني قوية في اتخاذ قراراتك.💪🏻💖
تم النشر الخميس، ٤ يوليو ٢٠٢٤
لعرض السؤال في فدني اضغط هنا