انا بحب واحده ومش عارف هي بتحبني ولا لا
انا خايف أسألها يحصل مشاكل وهي محترمه
وانا الحمدلله من المتفوقين خايف يبقى شكلي وحش قدامها انا في تانيه اعدادي وهي في اولي اعدادي
انا مكنش في دماغي الحب والكلام دا بس دي مشاعر
انا مستني منكم الافاده🙂
حابب احييك على صراحتك،، وبقولك برافوا انك سألت عشان ما تلغبطش الدنيا.... بص من الاخر اللي انت فيه مجرد اعجاب ونزوة بس يعني اوعى تفتكر انه حب... الحب علميا بيكون بالمواقف والمساندة وان كل واحد يؤدي دوره ولو بتحب حد فهتتمنى يكون غالي فمتنزلش من قيمتها وتكلمها.... بص يا جميل اي حد عدى بالمرحلة بتاعتك دي والله بيفتكر وبيعرف انه اي الهبل ده وقتها 😂... إعجاب وبنسميه حب وهو مالوش علاقة بالجواز.... من الأخر حابب اقولك ان مواصفاتك هتتغير مع الزمن واوعى تكلمها لانك حرفيا هتدمرها وهتضيعوا علاقتكم بربنا وكدا كدا ده محرم في الاسلام الخطوبة بس ومن باب البيت... فخليك عارف انك كدا كدا هتعجب بيها او بغيرها ومع الوقت هتعرف انه مجرد هبل المهم ما تكلمها اياااك ايااااك اللي بيبتدي بالحرام بيخسر ولو اختك ما ترضى عليها كدا فازاي ترضى على بنت الناس كدا انت نزلتها لاقل من قيمة اختك اصلا وبينت لنفسك انك مش راجل فازاي ترضى بواحده اقل من اختك
تم النشر الاثنين، ١٧ مارس ٢٠٢٥
انت لسه صغير جدا بلاش بلاش في الكلام ده ركز في مستقبلك ركز انك تبقى حاجه كبيره عشان تتجوز اللي بتحبها ركز انك تدخل الكليه كويسه ركز انك يبقى ليك مستقبل في الحياه ركز في دراستك ذاكر وجيب درجات كويسه لحد ما توصل ثالثه ثانوي وجيب فيها مجموع كويس ادخل كلها كويسه ابدا بقى فكر في الخطوبه وان انت بتفكر فيه ده مش حب المشاعر بتاعتك هتتغير جدا وممكن يكون حب بس ما ينفعش تتكلم في الحاجات دي دلوقتي نصيحه من اختك تانيه ثانوي بس بجد والله لو هي رفضتك انت هتزعل جدا ومش هتعرف تفكر في دراسه ولا حاجه فبلاش دلوقتي خالص ولو انت بتحبها خليك زي متابعها كده لحد ما توصل له كليه لو تعرف وبس لكن دلوقتي بفكر في مستقبلك وخليك مع ربنا وان شاء الله خير
تم النشر الاثنين، ١٧ مارس ٢٠٢٥
وأبحث عن أحكام غض البصر وطبقها
تم النشر الخميس، ٢٠ مارس ٢٠٢٥
غض بصرك ولا تنظر لها وابعد عن الأماكن قدر المستطاع الي هي فيها لحد ما تنساها مع الوقت وممكن يكون مجرد إعجاب بسبب عدم غض البصر فالواجب عليك أن تغض بصرك عن النساء عشان متعجبش ببنت زي كده او يحصل فيه مفاسد تانية
تم النشر الخميس، ٢٠ مارس ٢٠٢٥
لعرض السؤال في فدني اضغط هنا