انا بطبيعتى حد هادى ومش بتكلم كتير كنت زمان بتكلم كتير واكتر من حد اتريق عليا فبقيت اهدى واعقل، لكن مازلت لما بكون مع صحابى او اهلى او حد بحبه عموما بتكلم كتير اوى وبحماس، بحس انه اللى قدامى مش مهتم فبضايق زيادة، يعنى مثلا انا مسافرة من بعد رمضان الكلية ورجعت النهاردة وبتكلم مع اختى وكدة ف اللى هو مش مهتمة وبتقولى انتى رغاية كلامك ملوش لازمه فبيبقى شعور وحش اوي، طب هو المفروض متكلمش !؟ او المفروض اتكلم مع مين اصلا!
فن اختيار الوقت المناسب والشخص المناسب هذه مهارة تحتاجين إلى تعلمها، لا لشيء سوى للحفاظ على روحك الجميلة كما هي، وعدم تدميرها بسبب الآراء السلبية من قبل بعض الأشخاص ونصيحة من مجرب فضفضي للورق، هما خير جليس ومنصت برأيي رزقك الله الحكمة والصحبة الصالحة التي تسمعك بلا كلل أو ملل
تم النشر الجمعة، ١٢ مايو ٢٠٢٣
انتي طيبة و جميلة اوي من جوا عشان كدا بيبقي عندك عشم ان اللي قدامك هيسمعلك و هيكون مبسوط أنه بيسمعك و مهتم ب اللي بتقوليه لكن للأسف دا مش دايما بيحصل .. أنك تتكلمي كتير أو تحكي أو تفضفضي ايا كان بقا دي نعمة كبيرة جدا في ناس بيبقي نفسها بس حد ييجي يتكلم معاها و يفضفض و يحس أن في حد مهتم يشاركه حياته و هو كمان يشارك و يتكلم .. ف اللي انتي بتعمليه دا حاجه جميلة جدا و اي حد يتمناها و خصوصا من الشخص اللي بيحبه .. لكن هقولك حاجه ، اختاري الوقت المناسب و كمان الشخص المناسب بمعني ان الموقف اللي ممكن تحكيه ل اختك و ممكن متكونش مهتمه تسمعه .. ممكن مامتك تكون مهتمه أو صاحبتك .. فهماني ؟ كمان ممكن المود بتاع الشخص اللي جايه تحكيله حاجه لا يتناسب مع الموقف ، يعني مثلا جايه تحكي احداث ورا بعض و هو مشغول ف بلاش تحكي دلوقتي ، حاجه تتكلمي عن موقف بيضحك و هو مضايق دلوقتي أو شكله لسه مش في المود ف بلاش . يعني حاولي تختاري صح الوقت و الشخص قبل ما تحكي ، انا بعمل كدا لما باجي احكي حاجه ل أختي مثلا حسيت انها مشغولة أو حاجه مضيقاها بوقف كلام و بقولها بعدين ، ساعات الاقيها هي جايه تسألني كنت عاوز تقول ايه ، أو انا الاقيها في مود كويس ف اقعد احكيلها و هي كذلك بردو . يارب اكون فيدتك بأي حاجه ❤️
تم النشر الخميس، ١١ مايو ٢٠٢٣
طبيعتك اى كانت جميلة كونى اكثر تقبلا لطبيعتك ...ممكن تكون حماستك فى الكلام مش زى اللى حواليكى واللى بيسمعك فى نفس الوقت ....متخليش الاختلاف ده يشكك فى نفسك . متغيريش حاجة فى نفسك من ردود فعل اللى قدامك ...ممكن تعرفى مين بتحبى تتكلمى معاه ومين بيضايقك رد فعله وتنقى بس اللى تحبى تتكلمى معاه وميزعلكيش رد فعله. فى الشخصيات اختلافات لكن مفيش مفروض كده ولا بلاش. اتكلمى مع الشخصيات اللى بترتاحى معاهم ...ممكن يخونهم الكلام زى اختك كده ومش بيبقى قصدها . مش كل الناس عندها مهارة الاستماع....ومش كل الناس بتعرف تعبر بالكلام زيك
تم النشر الجمعة، ١٢ مايو ٢٠٢٣
انتي طيبه وبتتعشمي في الناس وده غلط
تم النشر السبت، ١٣ مايو ٢٠٢٣
لعرض السؤال في فدني اضغط هنا