سلام عليكم
السنة الجاية ان شاء الله هكون تالتة ثانوى لكن معنديش هدف معين و مش عارفة أنا عايزة كلية اى بالظبط ، لكن الحمد لله بجتهد ، و مؤمنة أن السعى فرض علينا حتى لو مفيش هدف و ان المجموع مهم جدا و مهم أجيب مجموع عالى علشان أنا اللى أختار الكلية مش هى اللى تختارنى و لكن هل ده شئ منطقة و طبيعى أنى م أكونش عارفة أنا عايزة إيه
+أنا مش عايزة أشتغل بعد الكلية لانى مش حابة حوار الحياة المهنية ده و نقدر نقول ان الحاجات اللى بعرف أعملها جنب الدراسة مش ممكن تكون مصدر دخل ليا زى القراءة و التدوين و دراسة العلوم الشرعية و علوم القرآن
ف أنا من ناحية مش عايزة كلية بعينها و من ناحية تانية مش عايزة أشتغل بشهادة الكلية أو أوفلاين عامة و ف نفس الوقت مش عايزة أكون ضيعت سنين الكلية و م استفدتش بالشهادة
وعليكم السلام ورحمه الله وبركاته بصي خلينا نحط موضوع الشغف ده او الاهتمام دي كلها معينه مش دايما بتكون حاجه صح ومش بتزبط مع الناس كلها يعني في ناس بعد ما بيكون كان عندهم شغف وحابين كليه معينه بيخشوا ويجوا وقت الاختيار او حتى بعد ما يدخلوا الكليه يلاقوها طلعت حاجه غير اللي هم كانوا قاعدين عمالين بيتخيلوا. فالواقع بيحدد كتير جدا من الموضوع فعشان كده خلينا بنتعامل بالواقع في الفتره بتاعه الثانوي انت مش محتاجه غير انك تركزي مع نوعيه المواد اللي انت بتحبيه انك تذاكريها افضل واسهل من نوعيه المواد التانيه بس مش اكتر من كده مش علشان كلهم محدده يعني مثلا اللي بيحب الحاجات اللي لها علاقه بالجزء العلمي فبتدخل عملوا ليه بيدخل العلوم عشان هو بيحب نوعيه مواد العلميه يعني دي بالنسبه له الطف واحلى هو بيحب يذاكر علوم واحياء وفيزياء والكيمياء الكلام ده بالنسبه له اخف ان هو يذاكره ويقدر ان هو يستوعب فيه ويحصل فيه اكثر مثلا من رياضه او اكثر كمان من الادويه فهميني بس في ثانوي لكن مش محتاجه تختاري كليه بعينها لكن عموما تختاري حاجه لها علاقه بالمجال او نوعيه المحتوى اللي انت بتكوني حابهبعيده عن الحياه المهنيه خالص فان شاء الله ربنا يوفقك والمساله مش مساله شخص كليه معينه ولكن نقي الطريق اللي بالنسبه لك الطف باها ده ومريح اكتر في مساله المذاكره الاكاديميه.
تم النشر الأربعاء، ٨ مايو ٢٠٢٤
اعملي اللي عليكي ي حبيبتي ف تالته واجتهدي وإن شاء الله لما تجيبي مجموع كويس فيها ابقي حددي الكليه ال تدخليها
تم النشر الثلاثاء، ٧ مايو ٢٠٢٤
قصة سيبي الكليه لوقتها ده كلام مش مظبوط ،من غير هدف يبقى مفيش مجموع كويس ، لازم يكون في دافع عشان يكون في مجموع ، أما قصه انك مش عايزه تشتغلي ده ميمنعش من أنه يكون فيه هدف . طالما مش حابه الشغل يبقى ادخلي كليه شرعية لو ازهري مش ازهري يبقى فكري في دراسات عربيه وإسلامية مثلا المهم كليه تستفادي منها في دينك وخلي هدفك تعلم العلوم الشرعية شئ تفيدي بيه دينك واهلك ومنطقتك تكوني بارزه في فن معين من العلوم الشرعية.
تم النشر الثلاثاء، ٧ مايو ٢٠٢٤
اجتهدى دلوقت و سيبى الكلية لما ييجى وقتها حسب مجموعك و اللى سايد وقتها و اللى ربنا كاتبهولك فى مسيرة حياتك هييسره ليكى ومفيش حد و هو بينه و بين البحر 20 كيلو بيقعد يفكر هو هيعدى للشط التانى ازاى لكن هيستنى لما يوصل للبحر و يبص يمكن يلاقى كوبرى او يلاقى مركب تعديه فتوكلى على الله و اجتهدى على قد ما تقدرى و ادعى و قلى اللهم اقدرلى الخير اينما كنت و اكفنى شر الدنيا وما فيها
تم النشر الثلاثاء، ٧ مايو ٢٠٢٤
وعليكم السلام ورحمه الله ، مفيش مشكله في كونك لسه موصلتيش لهدفك ، الجميل في الموضوع انك بنسعي وبتجهدي قدر المستطاع ودا في حد ذاته هيوصلك ، استمري في السعي واستثمري الاجازه في كورسات تطور اكتشفي نفسك ومهاراتك وقدراتك أكتر ووقت مايكون قدامك كليات متاحه ساعتها بعد توفيق ربنا وعيك وشغفك هيحركك ناحيه الاختيار المناسب ، بالتوفيق ان شاء الله
تم النشر الثلاثاء، ٧ مايو ٢٠٢٤
خطوة بخطوة سيبي الكلية لوقتها و ركزي في دراستك حاليا بجد انتي بتعيشي اجمل ايامك استمتعي بكل لحظة فيها صدقيني انا نفسي ارجع يوم واحد ايام الدراسة لكن الحياة العملية واخدة كل وقتي ، الحمد لله على كل حال المهم اتبسطي دي ايامك
تم النشر الثلاثاء، ٧ مايو ٢٠٢٤
ركزي علي هذه السنه رما تشغلي بالك بلكليه ركزي بس علي مجموع كويس وعالي ووقت الكليه انتي تختاري برحتك ما تخلي هذا يعطلك عن حياتك الدراسيه و االي ربنا شايف فيه خير ليكي هتاخديه
تم النشر الأربعاء، ٨ مايو ٢٠٢٤
لعرض السؤال في فدني اضغط هنا