مش بسهولة، لازم تبقي مدركة أن ده تأثير لوم كتير ومتكرر من الطفولة أتجاهك من أشخاص مسؤولين عنك، ف كبر معاكي أحساس بعد كل فعل تعمليه الندم وإنك مكنش ينفع تعملي كده، وتقريبا أو مؤكد بتبقي ف حالة مش طايقة نفسك فيه، وبتتخيلي كمان رد فعل الناس ال كانوا حاضرين الموقف، فعشان الموضوع ده يتحل عندك، لازم تبدأي بشخصيتك، وإزاي تقوي نفسيتك، لأن ف دول المشكلة، شخصيتك ال أتعودت علي اللوم، ونفسيتك ال بتتأثر علي طول، وبتعدميها أنتٍ بجلدك لذاتك، ف أبدأي وابحثي علي اليوتيوب علي بودكاست ودورات تطوير ذات ونضج،وأقرأي فيما يخص مشكلتك، أصدمي نفسك ب ضعفها علشان تقويها وتسعيلها أنها تكون أحسن، القرأن بيطمن خليلك ورد بنية أنه ورد يومي حتي لو صفحتين، أنا كنت من فترة زيك، لكن لما أدركت أن محدش مهتم حواليا، ف قرأت وقويت نفسيتي، ولو حصل فعل محبتوش وزعلت أن أنا عملته، مبندمش، لأ بتصالح مع نفسي و بتعلم من خطأي وبكل صراحة بقول لشيماء ال هي أنا مش هعمل ده تاني، مش هحاول أعيش الشعور ده تاني، أحنا مستحيل نعيش من غير ما نخطأ ونزعل علي بعض أفعالنا، هي الحياة تجارب أصلا، فلازم يكون العادي عندنا أننا منطولش فالزعل ونتعلم من غلطاتنا ونكمل عشان منتهدش من الحزن واللوم
تم النشر الأحد، ١١ يونيو ٢٠٢٣
قبول الماضي: قد يكون من الصعب قبول أفعالك أو قراراتك السابقة، ولكن عليك أن تدرك أن الماضي لا يمكن تغييره. قبول الأمور التي لا يمكن تغييرها هو خطوة مهمة للتقدم والنمو الشخصي. التركيز على الحاضر: حاول تحويل انتباهك من الماضي إلى الحاضر. قم بتطوير مهاراتك واستغل وقتك وطاقتك في الأشياء التي تستمتع بها في الوقت الحالي. تغيير النمط السلبي للتفكير: حاول أن تكتشف وتتحدَّى الأفكار السلبية التي تظهر في ذهنك وتثير شعور الذنب والندم. قم بتحويلها إلى أفكار إيجابية ومحفزة. استخدم تقنيات التفكير الإيجابي مثل تحويل الأفكار السلبية إلى إيجابية وتحدي المعتقدات السلبية.
تم النشر الأحد، ١١ يونيو ٢٠٢٣
بالاقناع العقلي .. وهدم الفكرة وطبعا السلوك يعني ايه الكلام ده؟ لو فيه فكرة ما بتسيطر على تفكيرك .. المفروض هنتعامل معاها ازاي؟ هنتعامل معاها ب اننا نهدمها ونحجمها وننقدها .. مثلا لو عملتي شئ غلط مثلا .. لكن بعد كده انتي استغفرتي ربنا وعرفتي الصح وخلاص الموضوع عدى .. ف ليه ارجع ليه تاني ..؟ هستفاد ايه؟ أي حاجه فاتت، الواحد لا يملك انه يسترجعها، بس نقدر نعرف الغلط ده حصل ازاي ونقدر نعدل منه بعد كده، وده هو المطلوب. تخيلي كده لو كلنا بدأنا نفكر بالطريقة ديه ونجلد نفسنا على اللي فات، صدقيني مش هنطلع ابدا لقدام، هنفضل في الماضي علطول .. والماضي خلاص خلص اللي احنا فيه ده هو اللي يهمنا. هو ده اللي انتي هتعمليه .. هتناقش الفكرة وهتوجهي لها النقد .. مرة في مرة الموضوع هيقل معاكي .. اما عن السلوك .. ابدأي اعملي حاجات مفيدة في حياتك تعويضية عن للي فات .. مثلا ذاكرتي في الامتحان الفلاني بس بنسبة قليلة .. تعالي في اللي جاي واعملي مجهود وعوضي فيه .. وهكذا خلي فيه مرونة في تعاملك مع نفسك.
تم النشر الأحد، ١١ يونيو ٢٠٢٣
متسيبيش لنفسك وقت فراغ دايما اشغلي نفسك ب حاجه واقري كتب او اسمعي بودكاست اتفرجي ع فيديوهات ع اليوتيوب مفيد (ميكونش تنمية بشرية )وطبعا الاهم هو الجانب الديني
تم النشر الأحد، ١١ يونيو ٢٠٢٣
تصالحي معاها يعني حاولي تقنعي نفسك إن ده حصل و أنا اتعلمت منو و مش هسمح للي حصل زمان يتكرر تاني و طبعاً هيكون الموضوع أسهل بالصلاة و الصوم و قراءة القرآن. (متسألنيش على تفاصيل أدق علشان أنا ذات نفسي مش عارف عملتها ازاي)
تم النشر الأحد، ١١ يونيو ٢٠٢٣
هقولك حاجه لو فكرتي موقف محرج ليكي قولي عدا وانتهى هل لما اجلد ذاتي ف التفكير فيه تاني هيتغير حاجه لا فخلاص انساه وانتهى كمان حاجه لو حسيت انك بتفكري زياده بسبب الناس فكري ديما أن كل واحد دماغه شغلاه بحاجات وافكاره وحياته زينا كدا ع انه يقعد يفكر الموقف ال حصلك وارمي الموقف مجرد وما يخلص كوني رحيمه بنفسك 💕
تم النشر السبت، ١٧ يونيو ٢٠٢٣
عيشي اللحظة وألزمي نفسك بتطبيق هذه الطريقة أنا لا أقول لكي إنسي تلك الأحداث لكن لا تجعلي لنفسك فراغ هذه الفترة أوجدي في حياتك روتينات تدفعكي للنظر في الجانب الجميل من نفسك
تم النشر الأربعاء، ١٤ يونيو ٢٠٢٣
اهيك بتقول ماضى واتنسى حط فى بالك أنه ماضى وخلص اتعلمت منه وخلاص وكما ال كنت بتعمله
تم النشر الأحد، ١١ يونيو ٢٠٢٣
انا كمان
تم النشر الأحد، ١١ يونيو ٢٠٢٣
لعرض السؤال في فدني اضغط هنا