انا اتعرفت على بنت فالدفعة تقريبا هي الوحيدة اللي شبهي شوية وبرتحلها فالكلام،بعدين اكتشفت انها مرتبطة بليدر الدفعة وانا طبعا اتحايلت عليها تسيبه وفهمتها انه حرام وهي بتقولي عندك حق بس برضو بتكلمه،المهم انا علاقتي بليدر الدفعة الأول كانت علاقة صحاب يعني لو عوزت حاجة بسأله وقبل ماقرب من صاحبتي كان بيحكيلي عاللي مدايقه من الدفعة ولو حد زعلني بيدخل برايفت ويقولي متزعليش وانت صح وانا كنت بكلمه بس ردا على كلامه وكذا مرة طلب مني اسجله عالواتس رفضت وزعل وقالي شكرا يصاحبي وبتاع وفهمته اني مش بسجل ولاد غريبة رغم ان بنات الدفع مسجلينه عشان هو الليدر بس انا مكنتش برتحله الصراحة وبحس انه مش محترم،المهم بعد ظاقربت من صاحبتي لقيتها بتقولي انه عاوزها تبعد عني عشان انا بقيت العائق فعلاقتهم،يعني لما بتيجي الكلية بتقعد معايا مش معاه،وبنروح مع بعض وطبيعي ماحنا صحاب،هو بقى مش موافق،وشايف كمان اني بشجعها انها تسيبه،وفعلا انا بعمل كده عشان مصلحتها بس هي مش بتقوله اصلا بس هو حاسس،المهم بدأت تقولي انه مبقاش طايقني وعلى طول بيجيب فسيرتي،لدرجة انه مرة قالها انت بتحبيها على اي وقالتله دي صاحبتي وبحبها عشان صاحبتي،انا الكلمة دي اذتني ولله يعني لي يقول عليا كده وانا عملتله اي ولي ولد يجيب فسيرتي! دي اول مرة فحياتي تحصلي حاجة زي دي انا عمري ماكنت بتعامل مع ولاد ولا عمري صاحبت البنات اللي بتكلم ولاد بس لما دخلت الكلية ودي اول سنة ليا بتضطر اتعامل معاهم للضرورة لو عاوزة حاجة فالدراسة بسألهم،لكن الحمدلله كله عارف اني محترمة،لي واحد زي ده يجي يتكلم عليا وبتاع بنات ومحدش اصلا بيطيقه فالدفعة وهو نفسه قالي قبل كده انا حاسس انه محدش بيحبني ومعنديش صحاب ومحدش من البنات بيطيقني وانا جبرت بخاطره وقولتله لا متقولش كده يروح متكلم من ورا ضهري!!المهم انا فكرت اني اسيب صاحبتي بس انا بحبها وهي من جوا غلبانة وطيبة ومش عاوزة اسيبها ليه لاحسن يضيعها،فالحل هنا اي؟ هل اسيبها زي ماهو عايز ولا افضل معاها،مع العلم اني طول مانا معاها هو بيجيب فسيرتي ومش طايقني وده بيتعبني وفنفس الوقت لو بعدت عنها هتعب برضو دي صاحبتي الوحيدة فالدفعة
اتمنى تكونوا فهمتوا قصدي واسفة لو طولت عليكم
فيه احتمال ويعتبر تخمين .. انه ارتبط بصاحبتك علشان بس يوقع بينك وبينها، علشان انتي رفضتيه بشكل ما. لان من طريقة كلامك عن الموضوع من الواضح انه بيتكلم ومهتم بيكي اكتر من كلامه مع صحابتك! حاولي تقولي لها وتبيني لها ان الشخص ده مش كويس، ولو هو كويس يجي يتقدم ليكي. وان هي متستاهلش ان حد يلعب بيها او يتسلى بيها. وجيبها ليها الموضوع من ناحية الدين. حاولي تقنعيها ... وتقفي جمبها.
تم النشر الأربعاء، ١ مايو ٢٠٢٤
لعرض السؤال في فدني اضغط هنا