فاضل اقل من شهر علي الامتحانات والدروس بتاخد وقت كبير بطريقه غبيه ومش بلاقي وقت اذاكر في اليوم غير وقت قليل مش بيكفي الكميات إللي باخدها وده بيخليني أراكم أو اكروت ودلوقتي متراكم عليا حاجات ومش لاقيه وقت برضو ارجع اذكرها ومش لاقيه وقت اذاكر الجديد اعمل ايه
بصى الاول الدروس اللى انتى عارفة انك محتاجة المراجعة فيها بجد انزليها، او خلى حد من صحابك يسجلك الحصص كلها، جربى تاخدى المراجعات اونلاين خطوة فيها توفير وقت وجهد، نامى بدرى واصحى الفجر داومى على قيام الليل حرفيا بركة رهيبة ، خليكى واثقة تماما انه الوقت كافى وتقدرى تخلصى، متوتريش نفسك وتفكرى بسلبية ثانوية مش نهاية العالم والمجموع فيها كله توفيق من ربنا وسعى منك، لو انتى ادبى واحتجتى حاجة انا دفعة السنة الفاتت ممكن اساعدك ، ولو عايزة مدرسين اونلاين سواء علمى او أدبى ممكن افيدك برضو ، وربنا يوفقك ويكتبلك الخير كله ويديكى على قد كرمه يارب♥️
تم النشر السبت، ١٣ مايو ٢٠٢٣
لو الدروس بره بضيع وقت منك كبير جدا .. وده اكيد يبقى بلاش وشوفي دروسك اونلاين افضل .. واقفلي السوشيال ميديا نهائي ...
تم النشر السبت، ١٣ مايو ٢٠٢٣
صلى الفجر وابدئى ذاكرة اصحى بدرى انتى بس محتاجه تنظمى وقتك تانى حاجه متخليش الدروس كلها فى وقت واحد لانه اغلب صحابنا كانوا بيعملوا كدا يخلوا الدروس ورا بعض معظمها وقت واحد ، انا الصراحه لا وبعدين كدا كدا قبل الامتحانات بفترة كويسه هتقدرى تراجع وتكونى تمام
تم النشر الاثنين، ١٥ مايو ٢٠٢٣
متوتريش نفسك بس عشان انتي مش ناقصة .. واحدة واحدة كدا نظمي وقتك و اكتبي كل دقيقة بتضيع في ايه .. + لازم تقفلي سوشيال ميديا تماما و الموبايل استخدميه في الحاجات المهمة و الضرورية فقط .. قللي اكل الفترة دي و نامي خفيفة دايما عشان تنامي كويس و تصحي مركزه لليوم اللي بعده .. لو فيه دروس تقدري تاخديها اونلاين من البيت عشان توفري المجهود و الوقت يبقي افضل .. شوفي فيديوهات تحفيزيه دايما عشان الملل في الفترة دي خطير جدا جدا جدا ... بلاش تقولي لنفسك جمل فيها يأس و احباط لانها بتثبت في عقلك الباطن .. بعد ما تعملي الكلام دا اقعدي بقا مع نفسك كدا قاعده رايقة و اكتبي كل اللي متراكم عليكي و اعملي جدول صارم جدا بحيث تراجعي بتركيز و الحاجه اللي تذاكريها لما تيجي ترجعلها قبل الامتحان متاخديش فيها وقت كتير .. الموضوع سهل ؟ اكيد لا لو سهل كان كله وصل للي هو عاوزه .. الموضوع محتاج شخص عنده عزيمة و إصرار علي حلمه .. محتاج قوة و إرادة و صبر غير عادي اعتبريه تحدي بينك و بين نفسك الشهر اللي فاضل دا .. عشان وانتي قاعده مستنيه النتيجة بتاعتك كمان كام شهر يبقي من جواكي عارفه انك عملتي اللي عليكي . ربنا يوفقك انتي و كل اللي في ثانوية عامة يارب ❤️
تم النشر السبت، ١٣ مايو ٢٠٢٣
متنزليش دروس تانى و تابعى على اليوتيوب في مدرسين كتير كويسين و اقعدي في البيت أفضلك .
تم النشر السبت، ١٣ مايو ٢٠٢٣
يارب بجد
تم النشر السبت، ١٣ مايو ٢٠٢٣
ابداي يومك صلي الفجر وقولي الاذكار وحددي حاجه وذاكريها وافطري وارجعي كملي ونامي بدري وظبطي نومك وقسمي المواد اللي عليكي ومتخافيش هتلحقي ان شاء الله
تم النشر السبت، ١٣ مايو ٢٠٢٣
لعرض السؤال في فدني اضغط هنا