شكرا جدا بجد ربنا يجازيك كل خير ♥️
تم النشر الأحد، ٣٠ أبريل ٢٠٢٣
خلاص تقدري تتكلمي هنا علي الابلكيشن دا ..عندك اوبشن انك تفضفضي براحتك ومنغير ما حد يعرفك بردو و هتلاقي ناس كتير بترد عليكي لكن الفكرة أن الكلام هيبقي عايم شوية عشان مش من حد مختص فعشان كدا كان يفضل تشوفي دكتور افضل أو متخصص صحة نفسية أو حتي حد بيدرس عشان يكلمك علي اساس علمي مش من تجربته الشخصية .. لكن هنا بديل كويس بردو وبإذن الله ربنا يكتبلك العافية و تخرجي من السجن دا .. بتمنالك كل خير .. ربنا معاكي و معانا جميعا يارب ❤️🙏
تم النشر الأحد، ٣٠ أبريل ٢٠٢٣
كنت ناوية بالفعل اشوف جلسات اونلاين بس كله غالى وكمان انا حاليا بحوش لكورس اخده ف الاجازة والاولوية ليه ، فقولت هأجله بقا، مضمنش افضفض مع حد يجى بعد فترة يفكرنى ويعايرنى بسر انا حكيته ف وقت ضعف او ضيق فبخاف ، ده من اسباب انى اتكلم مع حد معرفوش برضو بس ده مينكرش انى غلطانة برضو
تم النشر الأحد، ٣٠ أبريل ٢٠٢٣
صدقيني انتي محتاجه حد تتكلمي معاه و تفضفضي مش اكتر .. حد متخصص هو الانسب حتي لو اونلاين .. مفيش يبقي لازم تشوفي حد ثقة وابدأي الكلام بطريقة غير مباشرة عشان لو حسيتي أن مش دا الشخص المناسب يبقي تشوفي غيره .. انتي باين عليكي طيبة والله و علي نياتك و ربنا هيكرمك و ييسرلك أمورك بس لازم تعملي حاجه عشان دا يحصل .. ( إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ ) استعيني بالله و خدي قرار غيري بيه حياتك ، ربنا يقويكي 🤍
تم النشر الأحد، ٣٠ أبريل ٢٠٢٣
حرام طبعا و انك تكلمي ولد و أنا كدا مرتبطة بيه ف دا حرام بردو .. فلازم تاخدي بالك كويس لأن زي ما قولتلك الحرام مفيش اسهل منه دلوقتي .
تم النشر الأحد، ٣٠ أبريل ٢٠٢٣
هبعد عشان مش شبهى وانا مش كدة اللى هو اصلا ضد فكرة الارتباط وكدة، فكرة انى بتكلم مع ولد ممكن لمجرد انى اصيح بس وبعمل بلوك وكدة كدة مش بيبقى عارفنى، وكمان انى المفروض متكلمش مع ولاد اصلا وانا اتكلمت وكمان ف كلام مش كويس بيزود الشعور اللى هو انا كدة بخون ثقة بابا!
تم النشر الأحد، ٣٠ أبريل ٢٠٢٣
انا عارفة انها حرام طبعا واستغربت لما اكتر من حد قال نفس الكلام اللى هو طب لو مش حرام بتاخد حكم الجنابة وتفطر فى رمضان ليه، انا سألت هنا تانى على اساس تأكيد مش اكتر
تم النشر الأحد، ٣٠ أبريل ٢٠٢٣
ايوة لازم تبعدي .. الدنيا مبتقفش علي حد عادي صاحبي غيرهم و ابعدي عن أي حد شمال .. اصل طبيعي لما تلاقي واحده بتكلم واحد قدامك تحسي انك كمان محتاجه دا ف تتجهي للحاجه اللي بتهربي بيها اللي هي العادة أو انك تدخلي تكلمي ولد .. ف اختاري صحبتك كويس .. و متقوليش صعب .. انا اقرب ناس فطليا دلوقتي اعرفهم من 8 شهور بس و في ناس غيرهم أعرفهم من 10 سنين و مبقوش صحابي لأن كان لازم ابعد عنهم .
تم النشر الأحد، ٣٠ أبريل ٢٠٢٣
لاحول ولا قوة الا بالله .. احمدي ربنا و اعرفي أن انتي اغلي من أن حد يضحك عليكي بالطريقة دي + اللي عندهم دين قليلين دلوقتي مينفعش تاخدي دينك من اي حد كدا .. دا واحد بيطلب منك تصوري نفسك وتبعتيله صورك ازاي تاخدي منه حكم في الدين ! .. في حاجه مش عارفه حلال و لا حرام اسألي حد فاهم أو تقدري تبحثي بنفسك و تشوفي الشيوخ قايلين ايه .. عندك شيخ عثمان الخميس حد ثقة و ممكن تاخدي منه فتوة صح لكن مش اي حد يجي يقولك الحاجه دي حلال عادي تعمليها .. انتي اكيد اذكي من كدا .
تم النشر الأحد، ٣٠ أبريل ٢٠٢٣
يعتبر معنديش صحاب حاليا اللى اقدر احكيلهم لما اضايق او كدة اغلبهم زمايل، بس معايا اتنين ف السكن صاحبتهم واحدة منهم مرتبطة وكدة وطلعت بتجيب سيرتى ف حوارات كتير مع الولد ده ف خلاص لازم ابعد
تم النشر الأحد، ٣٠ أبريل ٢٠٢٣
البداية كنت بتكلم الاول لمجرد انى اتكلم مع حد بس والكلام يتحول بعدها وكفضول بكمل مكنتش اعرف حاجة وقتها اصلا وشغل عينيكى فيها حزن احكيلى ده وكنت بصدق بكل سذاجة للاسف ، هى بالفعل وصلت للنودز امبارح عشان كدة بقول ربنا ستر واستوعبت ف اخر لحظة انى دى مش انا ومينفعش ابقى كدة أبدا، انا عارفة انه حرام بس اكتر من حد من الناس دى قالولى لا فعشان كدة سألت تانى
تم النشر الأحد، ٣٠ أبريل ٢٠٢٣
مش لازم تعرضي مشكلتك بشكل مباشر .. تقدري تنزلي بوست انك بتضيعي وقت في حاجاتخمش كويسة و عاوزه ترجعي تذاكري و تحسي بقيمتك و .. و .. وهتلاقي كتير بإذن الله بيساعدك .. وزي ما قولتلك انتي واضح جدا أنك محتاجه حد في حياتك تفضفضي معاه ف حاول تختاري حد حكيم كدا و بيحبك و تفضفضي معاه وقت ما تحسي انك مضغوطة أو عندك افكار مش تمام .. الصحبة مهمة جدا والله + من الاخر غيري روتين حياتك و ابدأى دخلي نفسك في الحياة من تاني بدل ما تعيش مع إحساس انك عاوزه تخرجي منها دا ... ارجعي ذاكري أو شوفي حد تذاكري معاه أو شوفي تحفيز للمذاكرة .. اتحركي من مكانك بدل الوقفة اللي ملهاش معني دي .. انا قولتلك كلنا عندنا مشاكل في حياتنا و ادمانات و بلاوي كتير .. و كلنا بنعافر عشان ربنا يكرمنا فـ بالله عليكي بلاش تفضلي واقفه في مكانك كدا .
تم النشر الأحد، ٣٠ أبريل ٢٠٢٣
ممكن تكوني محتاجه لحد تتكلمي معاه مش اكتر + عندك شهوة .. ف بتكلمي ولد و الكلام يبدأ ياخدكم لحته مش تمام ويبقا ضربتي عصفورين بحجر .. و السكة دي بتبدأ ب شات عادي بعد كدا صور و نودز و بعد كدا فيديو و بعد كدا للأسف زنا و تبقي محتارة بعدها اعمل ايه يا جماعة انا دخلت في علاقة مع ولد !!! بعد الشر عنك يعني .. اصل الولد اللي بتكلميه دا مش داخل يكلمك عشان جمال عيونك هو كمان عنده شهوة سايقاه و داخل عشان يهرب زيك بالظبط .. ف يا بنتي اجمدي شوية و قومي نفسك بنفسك عشان الدنيا صعبة و الحلال صعب و الحرام مفيش اسهل منه .. ولو عفيتي نفسك ربنا يرزقك بواحد محترم وساعتها دا بقا اللي هيكلمك عشان جمال عيونك و هتحسي ساعتها فعلا أن اللي كنت بتعمليه دا قرف فعلا مش متعة ولا حاجه ... بالنسبة ل الآية فالمقصود بها أي حاجه غير الزواج الحلال (فمن أبتغي وراء ذلك ) يعني اي حاجه غير كدا .. ف هي تشمل الزنا و العادة السرية .. و تقدري تبحثي بنفسك عن دليل حرمانية العادة السرية شوفي اي موقع زي اسلام ويب مثلا هتلاقيه عارضلك كل الأدلة و الأقوال و تفاسير الآيات و الأحاديث .
تم النشر الأحد، ٣٠ أبريل ٢٠٢٣
للاسف مفيش اوبشن انى انزل بوست من مجهول وكمان معنديش محتوى انزله على الجروب اصلا وهما ماشاء الله، وكمان هصاحبهم ازاى او كدة معنديش القدرة انى اتعرف على حد ونبقى صحاب وكدة ف الاخر كله بيبعد ف ليه من الاول! وعندى امتحانات بعد شهر وحرفيا ضايعة وقسمى صعب حاجات كتير المفروض اعملها وانا بدون اى ريأكشن يطلعنى من كل ده
تم النشر الأحد، ٣٠ أبريل ٢٠٢٣
هى الاية دى مش يقصد بيها الزنا!!
تم النشر الأحد، ٣٠ أبريل ٢٠٢٣
ممكن اكون مدمناها بطريقة ما بس مش بدرجة كبيرة، او ممكن بتبقى وسيلة للهروب من الواقع والشعور بعدها بشع وانى بقيت بتكلم مع اى حد وامبارح وصلت لليفل عمرى ما توقعته وكنت هعمل حاجة اعيش ندمها كتير وكأنى مُغيبة بس ربنا سترها الحمد لله ف لوهلة كدة بقيت خايفة منى اللى هو انا وحشة للدرجة دى!!
تم النشر الأحد، ٣٠ أبريل ٢٠٢٣
بما انك في الجروب ف يلا خدي خطوة حقيقية و غيري حياتك بنفسك .. صدقيني احنا نستاهل نعيش حياة أفضل من كدا و نخرج من سجن اي حاجه بتقيد راحة بالنا و صحتنا النفسية .
تم النشر الأحد، ٣٠ أبريل ٢٠٢٣
أما بنسبة لموضوع مش لاقيه دليل انها حرام .. ف ربنا في سورة المؤمنون بيقول في صفات المؤمنين (وَالَّذِينَ هُمْ لِفُرُوجِهِمْ حَافِظُونَ (٥) إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (٦) فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ (٧) ) فمن أبتغي وراء ذلك .. اي حاجة غير كدا .. فأولئك هم العادون .. المتجاوزين لحدود الله .. الكلام واضح جدا .. احنا كبشر ربنا خلقنا بفطرة الشهوة و الانجذاب لبعض و أحل لينا أن احنا نفرغ الشهوة دي بالحلال الطيب اللي كله مودة و حب و مشاعر .. وغير كدا تجاوز لحدود الله .. وسبحان الله الواحد بعد العادة السرية بيحس بكمية ندم و حسرة و ضيق في الصدر مش طبيعية ودا لأنها تجاوز لحدود الله .. بنحس أن احنا صغيرين اوي و ملناش قيمة بعدها لأنها ببساطة تجاوز لحدود اللي خلقك و فطرك علي فطرة سليمة واحنا فقط بنشوهه.. فـ نسأل الله السلامة و العافية و ربنا يعافينا جميعا يارب .. ف اول خطوة لازم تاخديها انك تعترفي انها حرام و غلط و انك مش بتعمليها فضول ولا حاجه .. لأ دا إدمان ولازم تجاهدي نفسك عشان تبعدي عنه ..
تم النشر الأحد، ٣٠ أبريل ٢٠٢٣
مش مدمناها دي كلمة مش صح .. لفظ الإدمان مش بالضرورة يكون الصورة النمطية اللي احنا واخدينها عن ادمان المخدرات مثلا اللي هو هيبقي اسود تحت عنيكي و هتقعدي تهرشي في جسمك عاوزه المخدر .. الإدمان عبارة عن عادة انتي بتعمليها و بتكرريها و بتسببلك متعة ، ف مخك رصد عنده الفعل دا .. فبقيتي كل ما تبقي مضيقة أو في ضغط عليكي المخ تلقائيا يوجهك للحاجه اللي بتبسطك .. يعني مثال صغير انا كنت مضايق جدا عشان زوري واجعني وقولت هقوم اعمل ينسون لقيت نفسي دخلت المطبخ ومنغير ما احس عملت قهوة .. انا هنا مدمن قهوة وانا عارف دا كويس فلما كنت مضايق عملتها تلقائي .. نفس الكلام بيحصل معانا كلنا مع الموبايل .. ماسكة الموبايل إدمان .. السوشيال ميديا إدمان و الجيمز ادمان ف لازم تحطي في دماغك أنك عادي تكوني ادمنتي الفعل دا لأنه بيبسطك .. والأسباب التانية دي زي انك بتعمليها فضول أو زهق و الكلام دا بتكون من الشيطان عشان يحسسك انك بتعملي الموضوع دا بمزاجك وانك تقدري تسيبيه بمزاجك و الحقيقة لأ والدليل انك جايه تسألي ازاي تتخلصي من المشاكل دي كلها .. والادمان كدا كدا متفاوت بين الناس ف مش عيب علفكرا انك تقولي دا .. و يا ستي انا كمان مدرك إني مدمن العادة بنسبة ما و فعلا إدراكي دا بيساعدني جدا اني أستمر في التعافي .. وعشان كدا أكدت عليكي فوق في حته الإدراك . لان دا بيخليكي عندك رؤية كاملة للموضوع وأنه مش من يوم و ليلة هيختفي ..
تم النشر الأحد، ٣٠ أبريل ٢٠٢٣
انى اشوف مختص او كدة مش هقدر للاسف، الفكرة انى مش مدمناها انا بتكلم بدافع الفضول اللى هو انا مش فاهمة اصلا بعدها الكلام بياخد منحنى تانى حتى لما بسمع شيوخ وكدة ف مش ببقى عارفة ليه حرام مثلا، وكمان امبارح اكتر من حد قالى انه مفيش نص من السنة أو القرآن بيقول انها حرام حتى لو مكروهة ف ده من وجهة نظر العلماء ف اللى بيعملها ده مش وحش ، انا ف الجروب ده بالفعل وكل الناس اللى هناك جميلة فعلا
تم النشر الأحد، ٣٠ أبريل ٢٠٢٣
لعرض الإجابة في فدني اضغط هنا