خطوات التوبه وتكون. مجربه من اشياء بسيطه ثم اكبر فاكبر بحيث ابعد عن الانتكاس نهائي ومحدش يقلي اني خطاء انا تعبت من الذنوب وحاسس اني مش انا وعليا حمل جبل
هذه خطوات عملية: مهما كانت ذنوبك ومهما كنت تعمل، إذا سمعت الأذان فاترك ما في يدك واذهب لتصلي في المسجد .. والصلاة في المسجد سوف تجذبك إلى التوبة إن شاء الله كل حاجة حرام تعملها ابحث عن بديل حلال لها وهو أكيد موجود أو على الأقل بديل أقل حرمة .. حتى تجد نفسك تركت الحرام بالتدريج كما يستعمل معك الشيطان التسويف في الطاعة استعمل أنت معه التسويف في المعصية .. كلما دعتك نفسك لمعصية قل لنفسك بعد شوية أو مش دلوقتي واشغلها بشيء آخر مثل الخروج من المنزل لقضاء مصلحة أو الصلاة على النبي مائة مرة أو غير ذلك
تم النشر الجمعة، ١٠ فبراير ٢٠٢٣
اهم حاجه تحافظ علي صلاتك كل شويه تزود عاده جديده تقربك من ربنا وصلاة الفجر بجد هي وقيام الليل وادعي في أوقات الاستجابة أن ربنا يكرمك وتوبة صدقه هيكرمك بجد بعد كل ذنب زود العبادات وعلي فكرة الشيطان هيدخلك من باب أن الاستغفار متاح اعمل ذنب واستغفر كل مرة هيعمل معاك كده بس الاهم ان انت متياسش ربنا هيكرمك بجد ربنا يوفقك
تم النشر الجمعة، ١٠ فبراير ٢٠٢٣
متستبعدش الانتكاس بالعكس خليك مستعد لو ده حصل انك تكون من الاوابين ( توبة دائمة مهما وقعت) اول خطوات التوبة ١. ابعد عن المحفزات تماما ...مقاطعة حقيقية ولو كانت اقرب الاقربين . ٢. الصلاة على وقتها ٣. ورد استغفار يومى ( عدد كبير على قد ما تقدر ) ٤. ردد الدعاء ده ...اللهم لا تكلنى الى نفسى طرفة عين .
تم النشر الجمعة، ١٠ فبراير ٢٠٢٣
ثق ان ربنا غفور وان باب التوبه مفتوح ليك كل مأذنبت توب لربنا توبه نصوحه صلي وحافظ ع صلاتك وورد قرأن وكل ذنب تعمله اعمل سلوك تكفيري بعده من قرأه سوره ف القرأن وصدقه وصلاه متعديش اي ذنب غير وانت مستغفر منه وانت عامل السلوك التكفيري لانك كده مخلي الباب بينك وبين ربنا مفتوح لكن انك تقول انا غلطت وعملت ذنوب كتير ربنا مش هيسامحني ف ربنا غفور رحيم متملش من التوبه وربنا هيتقبل منك توبتك ان شاءالله
تم النشر الجمعة، ١٠ فبراير ٢٠٢٣
لعرض السؤال في فدني اضغط هنا