ازاي مخليش اي حد يأثر ع قراري او يخليني اشعر بالندم بعد اتخاذ قرار مثلا لونا بعدت عن شخص هو بيحبني بس مش موفقين واهلي رافضينوا ونا خدت قرار وبعدت عنوا عشان منتعلقش ببعض اكتر من كدا دلوقتي صحابي حسسوني بالندم واني عملت غلط كبير لما سبتوا وبعد لما كنت راضيه عن قراري حسيت بندم شديد اني سبتوا وكذلك لو رحت اشتريت طقم مع صحبتي وحاجه عجبت صحبتي اخد الي عاجبها واسيب الي عجبني ازاي بقا افضل ثابته ع قراري ومحدش يقدر ياثر عليا او يشعرني بالندم بعد كدا
اي قرار انتي بتاخديه .. اكيد بيبقى له اسباب ومبررات ليكي انتي لوحدك علشان كده لازم تعرفي انك انتي غير صحابك، يعني مش شرط اللي يعجبك انتي يعجب كمان صحابك، وان طبيعي تكون الاراء مختلفة .. ومحدش صح وغلط اللي انتي شيفاه واللي يريحك هو ده يبقى الصح بالنسبالك. اي حد يقولك على حاجة او يغلطك بعد كده .. ارجعي عيدي حساباتك من الاول .. يعني مثلا الطقم ده عجبك .. عجبك انتي ف مين اللي هيلبس انتي مش صاحبتك، ومين اللي المفروض يرتاح انتي مش صاحبتك، فهماني! نفس الكلام في العلاقة العاطفية .. مين اللي في العلاقة مع الشخص ده .. انتي ولا صحابك ؟ اكيد انتي، يبقى مين اللي يتخذ القرار اللي هو شايفه صح يبقى انتي. صحابك مش هيدفعوا تمن الطقم، ولا تمن راحتك، ولا تمن اي حاجة في حياتك .. انتي الوحيدة اللي مسؤولة عن حياتك وانتي الوحيدة اللي بتدفعي التمن. لما يبقى حد منهم يدفع التمن معاكي يبقى يتفضل يقول رأيه وتاخدي بيه. بس مينفعش حد يدفع التمن غيرك انتي وبس.
تم النشر الأربعاء، ١٥ مارس ٢٠٢٣
اوقات ضغط الاصدقاء وسيطرتهم بيحسسك انك قراراتك دايما خطأ وانهم بيفهموا احسن وقرارتهم افضل بس لو هي حطت نفسها مكانك كانت هتسمع كلام اهلها وكانت هتجيب نفس الطقم بتاعك افضلي شايفه نفسك ف شكلها زي مهي بطباعك زي مهي مش ف عيون صحابك ولا عيون الناس افضلي ف كل قرار قولي لنفسك انا هاخده بناء عليا انا مش عليهم وهم لو اتحطوا ف مكانو هيعملوا زي منا عملت ثقتك بنفسك هي الاساس كل مزةدت ثقتك بنفسك كل مكانت قراراتك من دماغك وقناعتك مش من ضغط شخص تاني ع افكارك
تم النشر الأربعاء، ١٥ مارس ٢٠٢٣
1. تأمل في القرار بشكل جيد قبل اتخاذه: ضع في اعتبارك كل الجوانب والتبعات الممكنة بشأن القرار المراد اتخاذه. 2. ضع حدًا للمناقشات: تحدث مع الآخرين إذا لزم الأمر واستمع إلى آرائهم، ولكن اتخذ القرار بناءً على ما تراه أفضل. 3. اعتمد على مصادر موثوقة: ابحث عن المعلومات والموارد الداعمة لقرارك من مصادر موثوقة وموثوق بها. 4. استمتع بأخذ القرار: إذا كنت تعتمد دائمًا على آراء الآخرين في اتخاذ القرارات، فقد تشعر بعدم الاستقلالية، لذلك حاول في كل مرة استمتع بأخذ القرار بنفسك. 5. تحدث مع الآخرين بعد اتخاذ القرار: بعد اتخاذ القرار، يمكنك التحدث مع الآخرين لإبلاغهم بقرارك وتوضيح الأسباب وراءه. 6. تذكر أن الندم طبيعي بعض الأحيان: قد يحدث الندم بعد اتخاذ القرار، ولكن علينا قبول هذا الشعور ونكون مستعدين للتحرك ومعرفة كيفية تحقيق ما نريد في المستقبل.
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا