ينفع واحد يخطب وهو كل دخله ٣٠٠٠ جنية مع العلم أن الشقه موجودة الحمد لله بس طبعا عايز تتجهز
طبعا لا انت كده هتحس انك مضغوط ومش عارف تعمل حاجه غير ان الخطوبة بتحتاج مصاريف وهتزود اعباء عليك جهز نفسك الاول على الاقل
تم النشر الخميس، ١٠ أغسطس ٢٠٢٣
فى الظروف الحالية المبلغ صعب ...بس بردوا على حسب متطلبات الخطوبة والمستوى الاجتماعى للطرفين.
تم النشر الخميس، ١٠ أغسطس ٢٠٢٣
ينفع اذا كنت غير مدخن، وعلى حسب الشقه اللي انت عايش فيها، يعني مثلا لو مفيش مكيف، والتقليل من استهلاك الكهرباء على قدر الإمكان فممكن اقولك يدوب يكفي، مع العلم انك هتقلل من تكاليف الطعام
تم النشر الخميس، ١٠ أغسطس ٢٠٢٣
ما ظنك بالله رب العالمين؟ قال رسول الله ثلاثه حق ع الله عونهم وذكر والناكح يريد العفاف، استعين بالله واتقدم وربك بيفرجها مواضيع الجواز مش بالورقة والقلم ربك بيكرم وتنزل المؤنة علي قدر المعونة والله ولو بتقبض الفين ربك بيدبرها وبيفرجها هيا ليها رزقها واولادك مستقبلا ليهم رزقهم الله يقول نحن نرزكهم واياهم، فمتشلش هم ربك الرزاق اسعي بقدر الامكان ان حالتك المادية تتحسن، بس احيانا قي رزق مش بيجي غير باخد خطوة جدية يعني بعد ماتخطب وتجهز الشقة يري الله منك الصدق فيعينك. واسمع المقطع الصغير ده https://youtu.be/ViqlvD0DnNc
تم النشر السبت، ١٢ أغسطس ٢٠٢٣
هل المرتب ده هيزيد لو هيزيد في يوم من الايام اخطب ولو مش هيزيد متخطبش علشان متتعذبش معاك او جهز الشقه وروح اتقدملها بس جهز الشقه الاول علشان لما يسالوك عندك شقه تقولهم اه ومتجهزه ولو عايز المصاريف النص بالنص علي تجهيز الشقه روح اتقدم وشوف العروسه موافقه ولا لا ان شاء الله هتوافق
تم النشر الخميس، ١٠ أغسطس ٢٠٢٣
اظن لا لان في مسؤوليات كتيره وكبيره جدا بعد الجواز وكمان في طفل هيجي بعد سنه من جوازك هيحتاج مصاريف اكتر وفي حاجات كتيره جدا حاول تشوف شغل تاني معاه وتبني نفسك كويس الأول بعد كدا تاخد خطوه زي دي
تم النشر الخميس، ١٠ أغسطس ٢٠٢٣
لعرض السؤال في فدني اضغط هنا