بدأت دروس أولي ثانوي حاسه اني متلخبطه جدا بالذات اني داخله ومش راضيه ادخله ولكن كلام اللي حواليا اقنعني حاسه اني تايهه في حاجات كتير دماغي مش مستوعبها مش عارفه اعمل ايه عايزة حد يساعدني ويديني نصائح لاني مش ناويه اكمل فيه ناويه احضر سنه أولي بس وبعدها احول اروح اي حاجه بس اخلص سنه أولي ..
أولًا، حبيبتي، طبيعي جدًا تحسي بالتلخبط والضغط في المرحلة الجديدة، خصوصًا لما تكون أول سنة ثانوية. كل حاجة جديدة بتحتاج وقت عشان تعتادي عليها. فيه شوية نصائح ممكن تساعدك: خدي الأمور خطوة خطوة : مش لازم تحاولي تفهمي كل حاجة مرة واحدة. خدي كل مادة على حدى وركزي فيها. تحديد الأهداف : حددي أهداف صغيرة لنفسك خلال الأسبوع. مثلاً، قرري إنك تذاكري مادة معينة كل يوم. دراسة جماعية : جربي تذاكري مع الأصحاب. سهلوا عليك الفهم وبيعتبروك دعم لبعض. خدي استراحة : مهم إنك تنظمي وقتك وتاخدي فترات راحة، ده بيساعد دماغك إنها تستوعب المعلومات بشكل أحسن. ابحثي عن مساعدة : لو في مادة معينة مش فاهمها، ما تتردديش تسألي المدرسين أو حتى صحابك. كوني إيجابية : حاولي تشوفي الحاجة الإيجابية في كل يوم. حتى لو حسيت بصعوبة، الاحتفاظ بنظرة إيجابية هيخلي الأمور أسهل. استخدمي الموارد المتاحة : فيه كتير من المصادر على الإنترنت زي الفيديوهات التعليمية والدروس المجانية اللي ممكن تساعدك. بالمناسبة، التفكير في تغيير المجال أو الانتقال لدراسة شيء تاني ده قرار كبير، فكري فيه بشكل جيد وخدي وقتك قبل ما تقرري. المهم إنك تحسِّي بالراحة والسعادة في اللي بتعمليه. لو احتجتي أي مساعدة، أنا هنا!
تم النشر الخميس، ١ أغسطس ٢٠٢٤
ربنا يوفقك اعملى إلى عليكى والباقي علي ربنا سعات بنتصور أن المذاكره فيها حجات كتير والحقيقه ان المذاكره ابسط من كده تماما اهم حاجه تذاكرى بطريقه تفيدك لأن كل واحد بيذاكر بطريقه تريحو لسه ف بداية المشوار قدامك كتير متقلقيش كل حاجه هتكون سهله إن شاءالله الثانوى والتعليم مش اخر الدنيا في حجات كتير هتفيدنا حاولى تهدى وتهدى افكارك وعقلك لازم يفهم أن السنه هتعدى زى بقيت السنين قولى كلام ايجابي لنفسك اقنعى عقلك هتبطلي تفكير لسه ف بداية المشوار وإن شاءالله خير 🤍
تم النشر السبت، ٣ أغسطس ٢٠٢٤
السلام عليكم بصي هو طبيعي كلنا كنا متلغبطين اول مدخلنا ثانوي نظراً إن المنهج بيكون متغير تماماً عن اللي اتعودنا عليه و النظام و الشرح و الأسئله و كلو و لكن مع الوقت هتتعودي ع النظام جداً جداً و بردو حابه اقولك مش مضطره تذاكري المواد اللي مش عارفه تذاكريها يعني لو مش عارفه تذاكري مواد ادبي ف ركزي ف مواد علمي بس و ابقي احضري مراجعات ف الأخر لمواد أدبي او حتى شوفي فيديو تلمي في المنهج بتاعهم (دا اللي كنت بعملو انا و صحابي عشان مكناش بنفهم مواد ادبي ولا بنستوعبها ف بنأسس نفسنا ف اللي هنستفاد منو ف تانيه و تالته و بيكون غرضنا نعدي بس من مواد ادبي مش لازم درجه كويسه فيها) و نصيحه مني ليكي كتري من حل الأسئله عشان تتعودي ع المنهج بشكل اسرع لإن الأسئله مش بتيجي مباشره من الدرس ذي إعدادي لاء بتيجي ع حسب فهمك و استنتاجك للدرس و بردو حابه اقولك لو عايزه تنقلي ف ليكي فرصه تنقلي دلوقتي احسن متخلصي اولى بعدها تنقلي شوفي المدارس اللي مجموعك جايبها ف تالته إعدادي و انقلي من دلوقتي احسن عشان متلغبطيش نفسك ب كذا نظام عشان كل مدرسه و ليها نظام معين يعني ستيم غير ثانوي و وي و هكذا و اتمنى لكي التوفيق
تم النشر السبت، ٣ أغسطس ٢٠٢٤
نظمي دراستك وضعي مخطط
تم النشر السبت، ٣ أغسطس ٢٠٢٤
لعرض السؤال في فدني اضغط هنا