بصي كلام الاهل بيأثر اوي اه عشان هما اهلك ومبتبقيش مصدقه ازاي يتنمروا عليكي وتقولي دول اهلي بس عادي في اهالي كتير بيعملو كده للاسف وانا واحده مريت بتنمر كتير ف حياتي عشان لابسه نضاره من اهلي ومن صحابي لدرجه انهم مكانوش بيصاحبوني اصلا عشان نضارتي بس انا هقولك انا عملت ايه وهديكي نصايح اكتر معملتهاش ممكن تعمليها بصي يستي خلينا في الاهل حد من اهلك اتنمر عليكي شوفي هيتنمر عليكي في ايه مثلا حد منهم قالك انتي قصيره واتنمر عليكي انا بديكي مثال يعني روحي قيلالو انا بحب طولي حت اتنمر ع شكلك اكسفيه وقوليلو انا بحب شكلي مش لازم انت تحب شكلي او ممكن تقولي محدش طلب رأيك لو هو حد من اخواتك يعني بس لو. مامتك او بباكي هنحترمهم لانهم اللي ربوكي وقوليلهم انا بحب شكلي مهما كان حتي لو انتي مش بتحبي نفسك برضو قولي كده مع مرور الوقت الكلمه هتبقي بتتردد علي لسانك وفي ودنك وزي ما اللي بيتنمرو عليكي اقنعوكي بكلامهم انك وحشه(وده مش حقيقه انتي حلوه اوي مهما كان) ف كلمه انا بحب نفسي الانتي بتقوليها هتبدا تتردد في ودنك وعلي لسانك لغايه ما تقتنعي بالكلمه دي وانك حلوه صحابك بقي سواء من قريب او من بعيد في المدرسه او برا حد من صحابك قل ادبو معاكي وحاول يدايق بكلمه زي تنمر قوليلو محدش طلب رايك ملكش دعوه ردود بارده ومستفزه وتكسفو في نفس الوقت ومتخافيش تخسريهم مثلا لا لو الكلام ده هيخليهم يبعدو عنك طز فيهم يبعدو اللي هتبعد هيجي بدالها 10 وربنا هيعوضك بالاحسن منها المهم ان ميكونش في حياتك شخصيه توكسيك (سامه) صحابك لما يلاقوكي بتردي عليهم وبتقوليلهم انك واثقه في نفسك وبتحبي نفسك هيحاولو يكرهوكي في نفسك اكتر يعني بدل ما يتريقو ع شكلك هيقولو احنا ندخلها من سكه تانيه مثلا لبسك كده يعني برضو مش تسمحيلهم وقوليلهم عاجبني انا مش لازم يعجبكو وانا واثقه في نفسي هيحاولو يهزو ثقتك بنفسك (انا عارفه انك بتقولي مش واثقه في نفسك بس تعالي كده نجيبها واحده واحده لو انتي فعلا مش جميله ربنا هيخلقك ليه؟؟؟ افتكري قول ربنا سبحانه وتعالي: ولقد خلقنا الانسان في احسن تقويم.. يعني ربنا خلقك في احسن شكل ممكن يكون في اكتر منك جمالا واللي اقل منك جمالا بس ربنا مبيديش كل حاجه ممكن ربنا اداكي جمال بس مداكيش اخلاق ولا دين مثلا والحاجتين دول مهمين جدا ممكن ربنا مداكيش جمال بس اداكي الاجمل منو اللي هو الدين والاخلاق مثلا الجمال مش جمال الشكل الجمال جمال الروح روحك جميله مش مهم الباقي ومش تتصنعي برضو خليكي ع طبيعتك واللي هيحبك هيحبك بروحك الحلوه وطبيعتك مش هيحبك وانتي متصنعه واكيد ده ابتلاء ليكي عشان ربنا يعرف مدي صبرك وبعدها يعوضك عوض مكنتيش تحلمي بيه مثلا وللصبر حدود ع فكره وانتي بتقولي انك زهقتي ف متيأسيش من رحمه ربنا ومتقوليش زهقت دي تاني ممكن يكون صبرك نفذ بس تعالي بقي نحلها) لما يحاولو يهزو ثقتك بنفسك متستسلميش وقوليلهم انك واثقه في نفسك حتي او مش واثقه في نفسك بس كتر الكلمه دي علي لسانك نتقتنعي بيها زي ما اقتنعي بكلامهم الوحش هتقتنعي بالحلو ومتتردديش ابدا تقطعي علاقتك باي حد يتنمر عليكي لانك شخصيات سامه زي العقارب بالنسبه لاهلك وعمامك ف انتي وقفيهم عند حدهم وقوليلهم يبطلو يتكلمو عنك كده وانهم مهما عملو انتي هتفضلي واثقه في نفسك الناس اللي في الشارع لو حد كلمك قوليلو وانت مالك وبصيلو بقرف حتي لو هتعملي معاهم خناقه😂بالنسبه للحب الصادق الكنتي بتديه للناس دول متديهوش لحد تاني اديه لنفسك وكل يوم قدام المرايه قولي انا بحب نفسي وبحب شكلي مهما كان لما حد يقولك انتي حلوه انهارده ردي عليه بكلمه كمان حلوه زي انتي احلي كلام برضو حلو ومتزقيش ولا تتخانقي حتي لو كنتي مقتنعه بكلام الناس التانيه واتمني اكون ساعدتك وحبي نفسك انتي قمر مفيش حاجه تستاهل تهز ثقتك بنفسك واخرجي من جو الاكتئاب ده واعنلي حاجه بتحبيها تبسطك وتساعدك تخرجي من المود وانزلي الشارع اتمشي اخرجي المهم انك تنزلي وتعيشي حياتك عادي جدا وانتي جميله واسفه لو طولت عليكي ❤❤
تم النشر الأربعاء، ٢٦ يوليو ٢٠٢٣
3 تعليق
بحد مبسوطه اوي اني قدرت افرحك ربنا يجبر بخاطرك علي طول يارب❤❤❤❤❤
تم النشر الأربعاء، ٢٦ يوليو ٢٠٢٣
شكرا بجد ربنا يبعتلك الي يجبر بخاطرك زى ما جبرتى بخاطرى رسالتك حطيتها عندى كل يوم هشوفها وهدعيلك شكرا انتى شجعتينى جدا وعندك حق ف كل حرف قولتيه وربنا يسعدك يارب ♥️♥️♥️♥️♥️♥️♥️♥️
تم النشر الأربعاء، ٢٦ يوليو ٢٠٢٣
انا مش عارفه ارد من كتر مانا مبسوطه وفرحانه أن لسه فى حد طيب وجميل زيك انتى قولتيلي كلام حببنى ف نفسي خلانى اشوف حجات مكونتش شيفاها زى الاخلاق والدين كنت حاسه أنهم مش اهم من الشكل بس انا فعلا كنت صدقت كل الناس الي اتنمرت عليا بالنسبه لموضوع مثلا الخناقه أو الدفاع عن النفس عمتا دى مشكله لوحدها بقيت بخاف ادخل اى خناقه عشان ممكن يتجاب اى عيب فيا فيها ملحوظه التنمر عليا بسبب انى قصيره وقمحاويه حرفيا قمحاويه امال لو كنت سمرا بس الفكره أن انا بالنسبه لاخواتى كلهم لونهم ابيض ف عشان كده محدش شايفنى احسن بس شكرا ليكى وانشاء الله ربنا يسعدك ع كل كلمه قولتيهالي❤️🩹❤️🩹❤️🩹❤️🩹❤️🩹
تم النشر الأربعاء، ٢٦ يوليو ٢٠٢٣
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك