بصي كلام الاهل بيأثر اوي اه عشان هما اهلك ومبتبقيش مصدقه ازاي يتنمروا عليكي وتقولي دول اهلي بس عادي في اهالي كتير بيعملو كده للاسف وانا واحده مريت بتنمر كتير ف حياتي عشان لابسه نضاره من اهلي ومن صحابي لدرجه انهم مكانوش بيصاحبوني اصلا عشان نضارتي بس انا هقولك انا عملت ايه وهديكي نصايح اكتر معملتهاش ممكن تعمليها بصي يستي خلينا في الاهل حد من اهلك اتنمر عليكي شوفي هيتنمر عليكي في ايه مثلا حد منهم قالك انتي قصيره واتنمر عليكي انا بديكي مثال يعني روحي قيلالو انا بحب طولي حت اتنمر ع شكلك اكسفيه وقوليلو انا بحب شكلي مش لازم انت تحب شكلي او ممكن تقولي محدش طلب رأيك لو هو حد من اخواتك يعني بس لو. مامتك او بباكي هنحترمهم لانهم اللي ربوكي وقوليلهم انا بحب شكلي مهما كان حتي لو انتي مش بتحبي نفسك برضو قولي كده مع مرور الوقت الكلمه هتبقي بتتردد علي لسانك وفي ودنك وزي ما اللي بيتنمرو عليكي اقنعوكي بكلامهم انك وحشه(وده مش حقيقه انتي حلوه اوي مهما كان) ف كلمه انا بحب نفسي الانتي بتقوليها هتبدا تتردد في ودنك وعلي لسانك لغايه ما تقتنعي بالكلمه دي وانك حلوه صحابك بقي سواء من قريب او من بعيد في المدرسه او برا حد من صحابك قل ادبو معاكي وحاول يدايق بكلمه زي تنمر قوليلو محدش طلب رايك ملكش دعوه ردود بارده ومستفزه وتكسفو في نفس الوقت ومتخافيش تخسريهم مثلا لا لو الكلام ده هيخليهم يبعدو عنك طز فيهم يبعدو اللي هتبعد هيجي بدالها 10 وربنا هيعوضك بالاحسن منها المهم ان ميكونش في حياتك شخصيه توكسيك (سامه) صحابك لما يلاقوكي بتردي عليهم وبتقوليلهم انك واثقه في نفسك وبتحبي نفسك هيحاولو يكرهوكي في نفسك اكتر يعني بدل ما يتريقو ع شكلك هيقولو احنا ندخلها من سكه تانيه مثلا لبسك كده يعني برضو مش تسمحيلهم وقوليلهم عاجبني انا مش لازم يعجبكو وانا واثقه في نفسي هيحاولو يهزو ثقتك بنفسك (انا عارفه انك بتقولي مش واثقه في نفسك بس تعالي كده نجيبها واحده واحده لو انتي فعلا مش جميله ربنا هيخلقك ليه؟؟؟ افتكري قول ربنا سبحانه وتعالي: ولقد خلقنا الانسان في احسن تقويم.. يعني ربنا خلقك في احسن شكل ممكن يكون في اكتر منك جمالا واللي اقل منك جمالا بس ربنا مبيديش كل حاجه ممكن ربنا اداكي جمال بس مداكيش اخلاق ولا دين مثلا والحاجتين دول مهمين جدا ممكن ربنا مداكيش جمال بس اداكي الاجمل منو اللي هو الدين والاخلاق مثلا الجمال مش جمال الشكل الجمال جمال الروح روحك جميله مش مهم الباقي ومش تتصنعي برضو خليكي ع طبيعتك واللي هيحبك هيحبك بروحك الحلوه وطبيعتك مش هيحبك وانتي متصنعه واكيد ده ابتلاء ليكي عشان ربنا يعرف مدي صبرك وبعدها يعوضك عوض مكنتيش تحلمي بيه مثلا وللصبر حدود ع فكره وانتي بتقولي انك زهقتي ف متيأسيش من رحمه ربنا ومتقوليش زهقت دي تاني ممكن يكون صبرك نفذ بس تعالي بقي نحلها) لما يحاولو يهزو ثقتك بنفسك متستسلميش وقوليلهم انك واثقه في نفسك حتي او مش واثقه في نفسك بس كتر الكلمه دي علي لسانك نتقتنعي بيها زي ما اقتنعي بكلامهم الوحش هتقتنعي بالحلو ومتتردديش ابدا تقطعي علاقتك باي حد يتنمر عليكي لانك شخصيات سامه زي العقارب بالنسبه لاهلك وعمامك ف انتي وقفيهم عند حدهم وقوليلهم يبطلو يتكلمو عنك كده وانهم مهما عملو انتي هتفضلي واثقه في نفسك الناس اللي في الشارع لو حد كلمك قوليلو وانت مالك وبصيلو بقرف حتي لو هتعملي معاهم خناقه😂بالنسبه للحب الصادق الكنتي بتديه للناس دول متديهوش لحد تاني اديه لنفسك وكل يوم قدام المرايه قولي انا بحب نفسي وبحب شكلي مهما كان لما حد يقولك انتي حلوه انهارده ردي عليه بكلمه كمان حلوه زي انتي احلي كلام برضو حلو ومتزقيش ولا تتخانقي حتي لو كنتي مقتنعه بكلام الناس التانيه واتمني اكون ساعدتك وحبي نفسك انتي قمر مفيش حاجه تستاهل تهز ثقتك بنفسك واخرجي من جو الاكتئاب ده واعنلي حاجه بتحبيها تبسطك وتساعدك تخرجي من المود وانزلي الشارع اتمشي اخرجي المهم انك تنزلي وتعيشي حياتك عادي جدا وانتي جميله واسفه لو طولت عليكي ❤❤
تم النشر الأربعاء، ٢٦ يوليو ٢٠٢٣
بصي الشكل محدش بيتفق عليه ف الاغلب الا ناس قليلة جدا يعنى هتقابلي ناس تقولك انك حلوة وناس تانيه هتبقى العكس ،طب لى بنتأثر عشان اهالينا مزرعوش فينا اننا نحب نفسنا زى ما هي وللاسف بيقيسوا شكلنا على معايير المجتمع ،دا غير أن البنت حطينها ف قالب اسموا الشكل فبقت كل حكمها على نفسها بشكلها ،دى مشكلة مجتمع مش مشكلتك انتى لوحدك وكتير بنات اتعرضوا لنفس الى انتى بتقوليه دا ،بس تعالى بقا نشوف ربنا بيشوفنا ازاى ❤️ قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى ) ربنا بيتعامل معانا بالى جوانا بقلوبنا والله دا يكفى أنك تبقى قلبك نضيف فربنا يحبك وطالما ربنا حبك هيحبب فيكى خلقه ،وخليكى مقتنعه أن الشكل رزق زى اى رزق وبيتفاوت من شخص للتانى لحكمة ما ،فيه ناس شكلها جميل جدا وفيه ناس شكلها عادى وهكذا بس مش لازم نبقى كلنا شكلنا حلو اوى ولا مثلا شرط عشان تتحبى انك تبقى ملكة جمال ،ولا كلوا الى اتحبوا كانوا حلوين اوى ، الواحد يرضى بشكلوا ويحمد ربنا عادى ،وانك توصلى لدرجة التصالح مع النفس وانك راضيه بيها دا اجمل شعور ساعتها مش هتهزك كلمة ،هتلاقى الى يحبك ويشوفك اجمل واحده بالنسباله ،لان الإنسان شكل وقلب وعقل وحاجات كتير بتبين ملامحه ،الانسان ارقى من انو نتعامل معاه كشكل خارجى بس والى بيفكر ف كدا ف هو انسان سطحى ،انا فاهمه شعورك اوى وانك متأذيه منهم وكلامهم جارحك ،بس خليكي مقتنعه انك جميلة ومش لازم تكونى جميلة بمعاييرهم هم يمكن انتى جميلة بمعايير ناس تانيه ،مش كل الناس ليهم نفس النظرة ،كمان دورى على حاجات تملى روحك زى انك تسمعى فيديوهات كويسة تفيدك تقرأي كتب مفيده تملى عقلك ،تقرأى قرآن وتقربى من ربنا وربنا هيغنيكي عنهم ،تتعلمى مهارات جديدة وبرامج مثلا كدا يعنى ساعتها هتشوفي اي حاجه تانيه تافهه ومش هيهمك التفكير السطحي
تم النشر الأربعاء، ٢٦ يوليو ٢٠٢٣
شايفه الكلام اللى هما شبعوكى بيه ده كلهمن صغرك ...عاوزاكى تعصريه كله اكتبي رساله فى ورقه لكل حد اتنمر عليكى وردى عليه بالشمل اللى تحبيه وفى اخر كل رسالة اكتبي الجملة دى كفاية كده اخدتم كتير من عمرى وده مش من حقكم ...عمرى من حقى انا ...وانا هبدا اعيشه ومش مستنيه رأيكم...ولو مش عاجباكم متبوصليش من فضلكم . دورى بقي على ناس تانيه بيحبوكى فعلا( وانا متأكده انهم موجودين ...اللى انتى فاكره انهم بيجاملوكى دول ) واكتبيلهم كل المواقف الحلوة اللى كلموكى فيها حلو وقوليلهم شعورك واعتذريلهم انك مصدقتيهومش هما وصدقتى التانيين وانهى الرسالة بالجملة دى انتوا بس اللى تستاهلوا تكونوا فى قصة حياتى اللى جايه عشان نظرتكم ليا هتكون سبب فى ابتسامتى من النهاردة ...وشكرا انكم حلوين كده . لو حبيتى تديلهم الرسايل دى روحى اديها لكل واحد فى ايده ولو مش حابه ...احتفظى بيها واقرأيها كل ما تفتكرى التنمر الوحش ده ....بس اقرأى الرسايل الحلوة بس . اللى انتى عصرتيه مترجعيش تشربيه ..خلاص خرج من جواكى . يستحضرنى مشهد حلو اوى هحطلك اللينك بتاعه ...( انا حلوه ..حلوه اهو 😁) اعملى زيها كده ع طول
تم النشر الأربعاء، ٢٦ يوليو ٢٠٢٣
هسألك سؤال .. هل تعتقدي ان المتنمر ده شخص سوي؟ يعني اللي بيقارنوا الاشخاص ببعض، واللي بيفضلوا يتريقوا على بعض ؟ هل هما اشخاص اسوياء واصحاء نفسيا؟ اكيد لأ .. مفيش حد سوي من جواه ويعمل التصرفات ديه كلها .. طيب وايه العمل؟ متصدقيش .. للاسف انتي اللي وقعتي فيه هنا انك صدقتي .. صدقتي كل حاجه بيقولها عليكي ولكن ملحوقة .. اقعدي من نفسك وفكري في كلامنا معاكي ده .. وفكري مين فيكم فعلا اللي غلطان؟ مين فعلا اللي سوي؟ وغير سوي؟ وانا متاكدة انك هتوصلي للحل الامثل وهتوصلي انك هترجعي لنفسك من تاني .. الموضوع فقط محتاج منك اقتناع وبعد كده شوية وقت وكل ده هيتغير. اما بقى عن المواقف اللي انتي تعرضتي ليها؟ من الاشخاص اللي انتي ارتبطتي بيهم؟ عايزة اقولك ان الخاين مش هيفرق ما بين الحلو والاحلى؟ الخاين هو خاين وفقط. يعني ايه؟ يعني الخاين ده جواه اساسا الخيانة مش هيفرق بقى مين احلى .. ملكات الجمال نفسهم بيتخانوا؟ ف هل تعتقدي ان ده السبب؟ الخاينة مش هتفرق ما بين اي حاجه .. الخاين ف دمه الخيانه سواء منه او من صاحبتك اللي قبلت ع نفسها كده. وخانتك برضه. اتمنى اكون افادتك بشئ
تم النشر الخميس، ٢٧ يوليو ٢٠٢٣
طبيب نفسي هيساعدك
تم النشر الأربعاء، ٢٦ يوليو ٢٠٢٣
حبي نفسك أنني حلوه لو حبيتي نفسك كل الناس هتحبك انزلي جيم واهتمي بنفسك ولو في دراسه ذاكري وهتلاقي الشخص المناسب جي لحد عندك وحاسه كتيره عليه كمان
تم النشر الأربعاء، ٢٦ يوليو ٢٠٢٣
لعرض السؤال في فدني اضغط هنا