أختي في ثانوية عامة وجالها قفلة من المذاكرة ازاي اقدر ارجعلها شغفها للمذاكرة تاني أو اعمل ايه يساعدها
عزيزتي، من الجميل أنك تهتمين بمساعدة أختك في هذه المرحلة المهمة من حياتها. فقدان الشغف أو "قفلة" المذاكرة يمكن أن يكون تجربة شائعة بين الطلاب، خصوصًا في فترة الثانوية العامة. إليك بعض الأفكار لمساعدتها على استعادة حماسها: تحديد الأهداف : اجلسي معها وتحدثي عن أهدافها الدراسية. يمكنك مساعدتها في تحديد أهداف قصيرة المدى، مثل إكمال فصل معين، مما قد يجعل المذاكرة أقل ضغطًا وأكثر تحفيزًا. تنويع طرق الدراسة : قد تكون الطرق التقليدية للدراسة مملة. تشجيعها على استخدام أساليب مختلفة مثل مشاهدة مقاطع الفيديو التعليمية، أو الدراسة في مجموعات، أو استخدام التطبيقات التعليمية قد يعزز من شغفها. إنشاء بيئة دراسية مريحة : تأكدي من أن مكان دراستها مريح ومنظم، بعيدًا عن المشتتات. تشجيع الاستراحة : من المهم أن تأخذ فترات راحة خلال الدراسة. يمكن أن يساعدها ذلك على تجديد طاقتها وتركيزها. التحدث عن شعورها : قد يكون من المفيد أن تعبر عن مشاعرها وما يؤثر على تركيزها. فقضاء بعض الوقت في الحديث حول مخاوفها أو ضغوطها قد يسهل الأمر عليها ويجعلها تشعر بأنها ليست وحدها في هذه التجربة. تقديم الدعم العاطفي : كوني داعمة وشجعية، وأخبريها أنك تؤمنين بقدرتها على النجاح. كلما شعرت بالدعم من حولها، زادت ثقتها بنفسها. إذا استمرت الصعوبة في التركيز والشعور بالإحباط، قد يكون من المفيد أيضًا التفكير في استشارة مختص نفسي لمساعدتها بشكل أكثر تخصصًا. وفقك الله وسدد خطاكما.
تم النشر الأربعاء، ١٥ يناير ٢٠٢٥
السلام عليكم، ربنا يوفقك أختك في دراستها ويبارك فيك لاهتمامك بها. هي ممكن القفلة اللي حصلت لها بسبب شعورها بالضغط وخدي بالك إن ممكن مع اقتراب الامتحانات إحساسها ده يرجع أو يزيد. إذا هي كانت ملتزمة الفترة الماضية بمذاكرتها أو حسيتِ إنها كانت مجتهدة قوي فيها وضاغطة نفسها فممكن تكون بتمر بفترة احتراق. فالحل إنها تبعد كم يوم عن جو المذاكرة وبلاش في البيت تحسسوها بإن السنة مصيرية وحياتها كلها واقفة على نتيجتها في الثانوية العامة لأن ده بيعمل نتيجة عكسية. ادعموها وشجعوها بالكلام الإيجابي وإذا كل فترة مثلا تفرحوها بهدية أو خروجة تروح بها عن نفسها. أيوه الثانوية العامة سنة مهمة لكنها مش مصيرية بالطريقة اللي المجتمع متخيلها... فضروري توصلوا لها إحساس إنها بس تجتهد وتعمل اللي عليها وإن شاء الله ربنا هيوفقها ويكتب لها الخير مهما كانت الكلية اللي هتدخلها. ساعديها تنظم نومها لأن ده مهم جدًا وبينعكس على التركيز والنفسية. شوفي فيديوهات لتنظيم الوقت ووضع خطة المذاكرة وساعديها تعمل خطة مناسبة ومرنة يكون فيها انتظام وكمان فترات راحة. مهم تحسسوها بالاهتمام لكن من غير ما يكون مبالغ به فيحسسها إنكم بتعملوا ده عشان النتيجة مش أكثر. شوفي هي بتحب إيه أو إيه المواهب اللي عندها وشجعيها تمارسها خلال اليوم ولو عشر دقائق... يعني لو بتحب ترسم شجعيها تاخد بريك خلال اليوم ترسم فيه... ده هيساعدها تفرغ الضغط والمشاعر السلبية ويخليها ترجع للمذاكرة بتركيز أكبر. بالتوفيق إن شاء الله.
تم النشر الأحد، ١٩ يناير ٢٠٢٥
طب وانا اللي مذكرتش حاجه من اول السنه حد عنده نصيحه ازاي ألم المواد بسرعه
تم النشر الخميس، ١٦ يناير ٢٠٢٥
احسن حاجه تقدري تعمليها او شوية حجات كدة اولا حاولي تقعدي معاها وتتكلمي معاها اعرفي اي اللي في نفسيتها ممكن تكون مكتائبة من حاجة او في موضوع مأثر عليها نفسيا فا ممكن يكون دا سبب او عمل كدة بطريقة تانية ممكن تاخديها دتخرجيها في مكان هادي كدة خضار وزرع وورد وكدة المهم يكون مكان هادي ومريح للنقاش والكلام يعني ومنها خروجة وترفيه ومنها كمان بتحاولي اذا كان في موضوع او مشكلة شخصية مأثرة عليها نفسيا فكرة انها تحكيلك عليه وتحاولي تلاقي حل معاها دا هيساعدك وهيشيل حمل من عليها هيا
تم النشر الخميس، ١٦ يناير ٢٠٢٥
حاضر ان شاء الله هعمل كده ربنا يكرمكوا
تم النشر الأربعاء، ١٥ يناير ٢٠٢٥
بصي ياحبيبتي حتي انا ثانوية عامة ف هقولك ع شوية نصايح خلى اختك تعملها اولا هى فى اهم سنة ف حياتها معندهاش فرصة غيرها فا خليها تلعبها صح ثانيا خليها تبدأ تانى عادى لسة فى وقت اوى تقدر انها تراجع القديم والجديد كمان وتعمل معسكرات مع نفسها وياريت انتى توقفي جمبها وتشجعيها وتنصحيها وان شاء الله ربنا يكرمنا بمجموع عالى
تم النشر الأربعاء، ١٥ يناير ٢٠٢٥
خليها تفصل اسبوع من المذاكرة وتعمل اي حاجه تانيه مع الدعاء والذكر هتقدر تواصل تاني
تم النشر الأربعاء، ١٥ يناير ٢٠٢٥
السلام عليكم.. استخدمي معها اسلوب المكافأه
تم النشر الأربعاء، ٢٢ يناير ٢٠٢٥
حاولي تخلي المذاكرة معاها بطريقة حلوة مرحة شويه زي طريقة البطاقات ممكن تذاكري انت معاها وتعملوا مسابقة او تكافئيها لما تجيب دراجات حلوة كدا اي حاجة
تم النشر الثلاثاء، ٢١ يناير ٢٠٢٥
احساسها. بالضغط. والتوتر. الزائد. ممكن يكون عملها. لا مبالاه وفتور. الحل. ممكن يكون مساعدتها. ف المذكره بعد ما تفصل. شويه منها. في مكان مفضل أو. حاجه مفضلها. ليها.
تم النشر الجمعة، ١٧ يناير ٢٠٢٥
مفيش احسن من انك تقرأي المادة اللي انتي عايزة تذاكريها اكنك بتقرأي بوست ع الفيس ومش مهم تفهمي الكلام اقراي وشوفي الكلام لحد الآخر وبعدين هاتي من الاول وابدأي ركزي جدآ وانتي بتقرأي واعملي عناصر وارسمي مفاتيح اساسيه تخليكي تفتكري السؤال وذاكري بصوت عالي الكلام بيثبت اكتر ومتخوفيش نفسك تقولي مفيش وقت دول كتير بلاش طاقة سلبية كنت بذاكر بالطريقة دي وكنت بجيب تقدير ف وقت صغير جداً
تم النشر الجمعة، ١٧ يناير ٢٠٢٥
لعرض السؤال في فدني اضغط هنا