حياتي بتضيع مني سايب شغلي وقاعد في البيت اشرب والشاهد اباحيه واخد ترامادول وكل يوم حرفيا اقول اخر مره تلقائي اروح اشتري تاني برضو مش عارف المشكله فين انا مشمئز من نفسي جدا ومشكلتي الأكبر اني عايش لوحدي يا ريت اي مساعده او نصيحه وانا موحد بالله وعارف اني بعمل ذنب كبير جدا فعاوز نصائح عمليه
أول خطوة أنك تعرف أنك في طريق غلط وتطلب مساعدة، لحد هنا كويس طلب مساعدة مختص "معالج نفسي". لازم تنزل الشغل وحتى لو مش قادر أو مش عايز. اتعرف على ناس كويسة، متبقاش لوحدك، متسيبش نفسك لنفسك. ابعد عن كل حاجة تسبب ضغط نفسي فتعمل إثارة ورغبة للمواد او المشاهد. مارس رياضة، مهمة جدا. اخرج اتمشى، اشغل نفسك بمهارات وأنشطة جديدة. تأكد أنك ما دمت محتاج تتحسن وعندك رغبة فانت تقدر تتغلب على كل دا.
تم النشر الأربعاء، ٥ فبراير ٢٠٢٥
حاول تستعين بالله وتبعد بعيد عن الحاجه دي اصلا على قد ما تقدر وما تعملش اي وتحاول مثلا ان انت تنزل تصلي في المسجد بلاش تصلي في البيت انزل تصلي في المسجد الصلاه واحاول على قد ما تقدر برده يشغل وقتك بحاجه مفيده تقابل الناس اصحاب كويسين اتفرج على حاجه مفيده ليك المهم حاول ابعد تفكيرك عن الحاجه دي على قد ما تقدر وربنا يعينك.
تم النشر الأحد، ٩ فبراير ٢٠٢٥
استعن بالله وارجع لطريق ربنا وإن شاء الله ربنا هيحللك كل المشاكل اللي انت واقع فيها ولازم ترجع لشغلك الشغل هيلهيك عن الحاجات دي او اشغل نفسك بحجات بسيطة العب رياضة أو اقرا كتب او اعمل اي حاجة تلهيك. ابعد عن الوحده والعزله وحاول تكون وسط ناس بتدعمك حتي لو صاحبك تتكلم معاه
تم النشر الجمعة، ٧ فبراير ٢٠٢٥
الحل انك تشغل نفسك في الوقت الي انت بتعمل في الحاجة دي وتحاول تلعب رياضة تسمع قرآن المهم تعقد النية وربنا هينجيك وإن شاء الله تكون في أفضل حال ربنا أن شاء الله مش هيسيبك لانك عايز فعلا تتغير بتمنالك التوفيق والنجاح في بعدك عن الزفت دا
تم النشر الجمعة، ٧ فبراير ٢٠٢٥
بص انت دلوقت شخص بيغرق تمام؟ اللي بيغرق لازم حد يجي ينقذه ،فعشان كدة هطلب منك الحاجة اللي ممكن تكون بتتجنبها،روح لحد ثقة من العيلة و احكيله و قوله يساعدك و صدقني هي دي مخرجك الوحيد ،قوله كل حاجة قوله بتجيب منين الترامادول و بتشوف الافلام الاباحية امتى و ازاي و فين برضك و قوله انت بتجيب فلوس ازاي عشان الترامادول و بص عاوزك تقوله كل التفاصيل عشان لما تيجي بعد كدة ترجع متقدرش تتحايل عليه و حتى لو جربت ترجع قوله انت بتبقى عامل ازاي وانت لسة واخد الترامادول و شكلك ازاي و تصرفاتك وقوله لما تكون مش واخده من فترة بتبقى عامل ازاي وبص اهم شئ عشان تنجح :اختار الشخص ده بعناااااية و يكون شخص يتمنالك الخير بدون مقابل و اللي في رأيي هو شخص من التلاتة (اختك-ابوك-امك) ممكن ابوك وامك لو ميعرفوش هيكون رد فعلهم جامد بس صدقني ده اخف بكتيييير من اللي هتدخل فيه قدام بسبب السكة دي وربنا يعلم اني قلتلك خطة انت لو اتبعتها مش هترجع تاني ابدآ ان شاء الله بس ابتدي على طول دلوقت بعد متقرا الجواب ده وربنا يشفيك ان شاء الله و يعافيك و يردك احسن من الاول
تم النشر الأربعاء، ٥ فبراير ٢٠٢٥
أخي العزيز، أشعر بعمق المعاناة التي تمر بها، وأقدر صراحتك في التعبير عن مشاعرك. من الواضح أنك تواجه تحديات صعبة تتعلق بالصحة النفسية والاعتماد على المواد المخدرة. هذا الأمر يحتاج إلى عناية واهتمام. أولاً، حاول أن تحدد مصادر مشكلتك بشكل أوضح. من الضروري أن تعترف بأن الشرب واستخدام المخدرات ليسا حلاً، بل هما قد يؤديان إلى تفاقم الوضع. بما أنك مؤمن وواثق من الله، استخدم إيمانك كدافع للتغيير. إليك بعض النصائح العملية التي قد تساعدك في بداية الطريق: البحث عن الدعم : حاول التواصل مع أشخاص يثق بهمك، سواء كانوا أصدقاء أو أفراد من العائلة. الحديث معهم عن مشاعرك يمكن أن يخفف عنك كثيراً. الابتعاد عن المحفزات : حاول تجنب الأماكن أو الأشخاص الذين تثيرهم الرغبة في الشرب أو استخدام الترامادول. كن حريصاً على إبقاء نفسك بعيداً عن المواقف التي قد تؤدي إلى الانتكاس. تحديد أهداف صغيرة : يمكن أن تساعدك الأهداف الصغيرة على متابعة تقدمك. مثلاً، حاول تقليل عدد المرات التي تشرب فيها أو تستخدم الترامادول، وابدأ في إجراء تغييرات بسيطة على نمط حياتك. الاستعانة بمختص : من المفيد أن تتحدث مع متخصص في الصحة النفسية أو مدرب حياة. هؤلاء المحترفون يمكنهم مساعدتك في تطوير استراتيجيات ملموسة للتعامل مع مشكلاتك. استثمر في هوايات جديدة : حاول العثور على أنشطة أو هوايات جديدة تشغل وقتك وتساعدك في تطوير نفسك بعيدًا عن العادات السيئة. تذكر أن الخطوة الأولى نحو التغيير هي الاعتراف بالمشكلة والوصول إلى نقطة حيث ترغب في التغيير. الله معك في كل خطوة تخطوها، واطلب العون منه وتوجه إلى الصلاة والاستغفار.
تم النشر الأربعاء، ٥ فبراير ٢٠٢٥
هقولك علي حاجه سمعتها من شيوخ كتير يمكن الحاجه دي محدش كان واخد باله منها وخصوص الشيخ مصطفي حسني قال حاجه حقيقي نفعت معي ناس كتيره المدخلات لازم تحول تحافظ علي المدخلات اللي بتدخل زي التلفون حاول انك تمنع اي حاجه غلط تشوفها تاني حاجه اسمع وتفرج علي مقاطع دينيه كتير جدا غصب عنك هتلاقي عقلك وحده وحده بيبعد عن الأفكار الغلط وبعد كده لازم تشغل نفسك بالصلاه وقرب من ربنا وتنزل متقعدش في البيت اقعد في المسجد اخرج معي صاحب جدع طيب غير من مودك المهم ابعد تمام عن انك تبقي لوحدك وفتكر ان ربنا جنبك ومعاك
تم النشر الجمعة، ٧ فبراير ٢٠٢٥
حاول حافظ على صلاتك ب المسجد اقرء ورد بعد كل صل أو اسمع بودكاستات يحفزك علي الاقتراب من الله سبح و استغفر روح الجم و تقرب من اصحاب صالحين
تم النشر الخميس، ٦ فبراير ٢٠٢٥
حاول تصاحب. صحبه صالحه. وحاول متبقاش لوحدك معظم الوقت. حاول تنزل تلعب رياضه. بصراحه. مفيش حد. هيغير. حاجه ال لو انت ال شديت نفسك. غير. كدا هيكون شويه صعب. ربنا يحفظك
تم النشر الخميس، ٦ فبراير ٢٠٢٥
بالسنبة لـ مُشكلة الإباحية شوف في مُحرك البحث هنا اكتب الإباحية وهتلاقي أسئلة و إجابات عليها كتير من الخُبرا... بما إنك ادركت ان في مشاكل في حياتك ابدأ غيرها لغاية ما تكون أحسن يعني لما تتعب دلوقت هترتاح لما تكبر بإذن الله على العكس لما تضيع وقتك دلوقت في حجات مش هتعود عليك غير بالأذى ده هيعتبك بعدين... شوف المخاطر او الاضرار اللي بتعود عليك من الحجات ممكن تدمرلك حياتك يعني ربنا يعافيك يا رب ويعافي شباب العالمين... ممكن تتابع قناة واعِي، وفقه النفس للدكتور عبد الرحمن ذاكر هتفيدك بإذن الله بس كده
تم النشر الأربعاء، ٥ فبراير ٢٠٢٥
🤲هدانا الله وباعد بيننا وبين الحرام كما باعد بين المشرق والمغرب حاول الانضمام إلى معسكر وفريق واعي : 🌐الموقع على شبكة الإنترنت https://uraware.org/ar قناتنا على التليجرام 📲 www.telegram.me/antiporngroup قناتنا على اليوتيوب📹 www.youtube.com/antiporngroup
تم النشر الجمعة، ٧ فبراير ٢٠٢٥
"بص يا صاحبي، أهم حاجة إنك واعي إن ده غلط وعايز تتغير، ودي أول خطوة. بس العهد مع نفسك لوحده مش كفاية، لازم تبعد عن أي حاجة بتوصلك للحالة دي وتشغل وقتك بحاجات مفيدة. جرب تخرج، تلعب رياضة، تشوف صحاب بيدعموك، أو حتى تبدأ حاجة جديدة تشغلك. ولو تقدر تتكلم مع حد تثق فيه أو مختص يساعدك، هيكون أحسن. متسبش نفسك للدوامة دي، وكل يوم فرصة جديدة تبدأ من الأول. شد حيلك، وربنا يعينك."
تم النشر الجمعة، ٧ فبراير ٢٠٢٥
لا قوة الا بالله.. استعن بربنا ودايما اذكره، صلاتك مع الجماعة في المسجد ،لازم تشوف شغل ضروري ازاي كده، الحالة دي لازم تخرج منها، فيها ناس بتموت على ذنب وتبعث عليه، انقل السكن او رتب للجواز
تم النشر الجمعة، ٧ فبراير ٢٠٢٥
لعرض السؤال في فدني اضغط هنا