رافع قضية تبديد اموال "ايصال امانة" روحت لمحاميين قالولي غلطت انك رفعت القضية من نفسك و ممكن اخسرها .. بس اخدت حكم غيابي من الجلسة الاولي ضد الشخص ده بحصر و حبس والحكم كان يوم 15 اكتوبر اللي فات و مش عارف اعمل ايه و الخطوات اللي جاية هتكون ايه؟
روح لمحام وخليه يكملك القضية عادي علشان الموضوع حاليا ف موقفك ده بيعتمد علي ان المتهم يتقبض عليه ويتاخد من المباحث التابعة لمركز شرطة اقامة المتهم فحضرتك مش هتعرف تتابع الاجراءات دي لانها صعبه حبة ومحتاجة محام واتعابه هياخدها مش منك انت هياخدها لما تاخد حقك انت الاول ويتصالح هو للمتهم وياخد اتعابه منه .دمت بخير
تم النشر الأربعاء، ٢٢ نوفمبر ٢٠٢٣
العفو .اي استفسار اكتبه ع الموقع وسنقوم بالرد فورا في اتاحة الوقت الذي نمتلكه
تم النشر الخميس، ٢٣ نوفمبر ٢٠٢٣
المبلغ كام؟
تم النشر الخميس، ٢٣ نوفمبر ٢٠٢٣
ربنا يخلي حضرتك ريحتني جدا والله
تم النشر الأربعاء، ٢٢ نوفمبر ٢٠٢٣
سوري نسيت اقولك انك مغلطتش بالعكس انت مشيت صح عادي وده حقك ووفرت للمحام ربع شغل القضية يعني مفيش اي خطا ارتكبته من رفعك بشخصك للقضية
تم النشر الأربعاء، ٢٢ نوفمبر ٢٠٢٣
بالظبط كدا وعشان كدا قلت لحضرتك ان دا اختصاص المحامي وهو الاكثر قدرة علي تقييم وضعك ووضع الدعوي والطريق المناسب. طبعا زي ما اتقالك بالظبط كدا العلاقه الثلاثيه الي بينكم دي معيوبة، والعيب دا بنترجمه ف المحكمه بحاجه اسمها الدفع بعدم المعقولية. فلو انا خصمك هاخد برائه من اول جلسه، وطبعا دا بعد سنين اكيد مش هتطوع من نفسي واختصرلك الطريق. انا اسف اذا كان كلامي غير مبشر او متفائل، بس دي الحقيقه والحقيقه مؤلمه زي ما هو معروف عنها. بس هقولك ع بشارة بردو متقلقش، حتي لو خصمك خد برائه تقدر تطالب بحقك مدني والبرائه ف معظم الاحوال لا تعفيه من المسؤولية المدنيه. ودا كان الطريق الافضل من البدايه وليس الطريق الجنائي
تم النشر الخميس، ٢٣ نوفمبر ٢٠٢٣
هو رأيهم في الاول ان الايصال الأطراف اللي فيه والدي و الشخص المتهم و انا المستفيد اتقالي غلط انك قدمته بنفسك علشان الاطراف مش صح مينفعش اكون طرف تالت مع والدي اللي احنا مقيمين نفس البيت و مكنتش عارف كلامهم ده صح ولا غلط بس الحمد لله اخدت حكم
تم النشر الخميس، ٢٣ نوفمبر ٢٠٢٣
هعلق الاول علي الجمله الي الاساتذة قالولك عليها " غلطت انك رفعتها من نفسك كدا ممكن تخسرها" قطعا وبلا شك ممكن تخسرها، وبردو الاستاذ المحامي ممكن يخسرها، ودا بيرجع لظروف الايصال نفسه اذا كان معيوب. واكيد فرصة انك تكسبها اكبر لو محامي هو الي تولي امر الدعوي لان دا المحامي مختص وحضرتك غير مختص، دا بالمنطق. وبردو لا حضرتك غلطان ولا الاساتذه غلطانين، لان دا ف الاول والاخر قرارك انت. تاني نقطه وهي افضل طريق كان ينبغي عليك تسلكه في استرداد مالك، هو الطريق المدني وليس الجنائي، تتفق او تختلف او استاذ محامي يتفق او يختلف، مش معناه ان حد صح وحد غلط، ولكن كل ما في الامر هو وكما يقال " كل شيخ وله طريقه" وبردو احنا بنسلك الطريق الجنائي، دا بيرجع لقرايتنا للموضوع واختيار الطريق القضائي الافضل لحالة الدعوى. خلاصة الكلام حضرتك لو تقدر تكمل اجراءاتك كمل بنفسك مش هتقدر وكل محامي.
تم النشر الخميس، ٢٣ نوفمبر ٢٠٢٣
شكرا لحضرتك
تم النشر الخميس، ٢٣ نوفمبر ٢٠٢٣
هو المبلغ كله 50 الف علي ايصالين 25 و 25
تم النشر الخميس، ٢٣ نوفمبر ٢٠٢٣
لعرض السؤال في فدني اضغط هنا