انا بزاكر كتير قبل الامتحان ولما ادخل الامتحان مبفتكرش اى حاجه وبحس قبل ما يتسلم المرقه انى هرجع وهيغمى عليا كل مره
ده بيبقي بسبب التوتر والمعدة بتكون فاضية زائد ان مشروبات الكافيين الكتير بتعمل تقلصات والتهابات فى المعدة طبعا ليها دور فى اللى ممكن تحسيه كده. كمان لازم تاخدى ساعات نوم مناسبة لان قلة النوم سبب اساسي فى انك تحسي انك مش فاكرة حاجة. خدى بالاسباب كلها وتوكلى على الله.
تم النشر الجمعة، ٦ يناير ٢٠٢٣
احساس الترجيع والاغماء ده طبيعي وعادي وفي ناس بترجع فعلا مش مجرد احساس بس ولكن اتوقع انك بتتذكري بعض الاجابات او معظمها لما بيبدأ الامتحان اكيد مش بتسيبي الورقه فاضيه بالنسبه للترجيع والاغماء حاولي دايما تكرري على نفسك ان ده امتحان دنيوي درجته مش هتدخلنا الجنه وان الامر مش مستاهل كل الرعب والخوف والقلق وان الله لا يضيع اجر من احسن عملا وتحاولي تكوني هاديه جدا جدا ومتتوتريش بالنسبه للنسيان دايما ادعي بعد ما تخلصي مذاكرة ( اللهم اني استودعتك ما حفظته وما قرأته وما سمعته وما ذاكرته وما راجعته فرده الي وقت حاجتي اليه) وقبل الامتحان في اللجنه قبل ما تشوفي الاسئله تقولي ( اللهم لا سهل الا ما جعلته سهلا وانت تجعل الحزن اذا شئت سهلا ) بالتوفيق
تم النشر الخميس، ٥ يناير ٢٠٢٣
حاولي تقللي قبل الامتحان من مشروبات فيها كافيين او سكريات كتير وبدليها بنعناع يانسون او كركاديه تهدي القلق شويه كمان في تمرين استرخاء قبل متنزلي الامتحان اعمليه هيهديكي جدا كمان افضلي كرري فكره ف دماغك انك ذاكرتي وعملتي الي عليكي واي فكره تانيه هتزود القلق معاكي شتتيها بأنك تستغفري او ترددي اغنيه تهديكي وتشتتي فكره انك مش مذاكره وتأكديها بانك عملتي الي عليكي
تم النشر الخميس، ٥ يناير ٢٠٢٣
لعرض السؤال في فدني اضغط هنا