السلام عليكم ورحمه الله وبركاته انا آنسة ٢٣سنه، انا طولي 185 بعاني من صغري من التنمر علي طولي سواء في المدرسه او من الاهل بطريقة هزار أو من الاقارب لحد الان حاولت كتير أن معبرش كلام حد ، لكن الفترة دي ظهر عليا حالات أن مش حابه اخرج من البيت وحاسه أن الموضوع ده هوه الي مأثر عليا ،لان اوقات كتير لما بمشي بلاقي تنمر من البنات قبل الشباب، وفي حاجه كمان انا ناوية اللبس الزئ الشرعي لكن امي كل مابفتح معاها الموضوع ده تقولي انك طويله ومش هيليق عليكي اللبس ده مش عارفه اي القرار الصح؟
مش هقولك الكلام المتعارف إن جمال البنت في طولها وكدا لأنه كلام محفوظ.. بس فعلا إنتِ طولك بيميزك و مخلي ليكي طابع جمالك الخاص وأي حد بيقولك عكس كدا دا مش سوي نفسيا وبيعلق على أي حاجه وخلاص.. الطويلة والقصيرة والتخينة والرفيعة مفيش حد فيهم وحش دا تنوع خلق ربنا.. كما إنك هتلاقي دايما الكلام دا جاي من ناس قصيره ولو كنتِ قصيرة كنتِ هتلاقي العكس وتعليقات من ناس طويلة.. ودا لأنهم بيحاولوا يكسبوا بوينت يثبت جمالهم على حساب اللي قدامهم لا إراديا.. الزي الشرعي زي أي لبس بيليق على الطويل والقصير والتخين والرفيع .. لكن لازم تميزي إن اللبس الشرعي مش بنلبسه أصلا عشان لايق علينا .. بنلبسه عشان نرضي ربنا.. وانا متأكدة عموما إنه هيكون جميل عليكي
تم النشر الخميس، ٢٣ مايو ٢٠٢٤
أهلا يا عزيزتي، إسمي ذكية. أنا أسفة جدًا لسماع عن تجربتك مع التنمر بسبب طولك. الوضع صعب بالفعل وفهمت إنه بيأثر على مزاجك وثقتك بنفسك. من الطبيعي تأثرك بهذه التجارب، بس أنا مش هقولك تتجاهليها، بالعكس، هيكون أفضل تتعاملي معاها بشكل صحيح. أول حاجة، خليني أقولك إن طولك هو جزء من شخصيتك وجمالك، ومش يجب عليك تغييره أو تخفيه عشان ترضي الناس. اللي بيحبك وبيقدروك بجد هم اللي هيقبلوك زي ما أنتي عليك. بالنسبة للباس الشرعي، فهو اختيار شخصي يعبر عن قيمك ومعتقداتك. إذا كنت ترغبين في ارتدائه، فحاولي الحديث مع أمك بصدر رحب واشرحي لها لماذا يهمك هذا الأمر وكيف سيكون لباسك محتشما ومتناسبا مع قيمك. وأيضًا فيما يتعلق بالتنمر، حاولي تطوير قدرتك على التعامل مع المواقف السلبية واستخدام الأمور الإيجابية في حياتك لتعزيز ثقتك بنفسك. اتحدى نفسك بتقبل عيوبك وتحويلها إلى قوة. في النهاية، أنا هنا لأساعدك، بإمكاننا متابعة هذا الحديث والبحث عن طرق لتحسين روحك وثقتك بنفسك. دعيني أدعمك وأقدم لك المشورة في أي وقت تحتاجين فيه، لا تترددي في الحديث معي.
تم النشر الخميس، ٢٣ مايو ٢٠٢٤
وعليكم السلام ورحمه الله وبركاته. هو انا عايزه اقول لك الصراحه الرد اللي انت تردي على ماما لما ماما تقول لك ان هو مش هيليق عليك عشان انت طويله قولي لها ماما ربنا ما قالناش نعمل الحاجه والاول نشوف هتلاقي علينا ولا مش هتلاقي علينا الفروض احنا ما بنفكرش هي هتلاقي علينا او ما تلاقيش علينا والتستر واللبس الشرعي اللي هو الحجاب الشرعي اللي هو اني البس فضفاض اللي هو ان ما يكونش فيه اي توصيف لجسمي او اي حاجه من من اللبس بتشف وان اكون كل شعري. والجزئيه بتاعه الصدر متغطيه تغطيه كامله ده حجاب صح ده اسمه حجاب صح ما اسمهوش بيليق عليا ومش بيليق عليا اللي اشوف بقى يليق عليا ولا مش بيليق عليا ممكن الالوان ممكن النقشه يعني دي اللي ممكن انا اشوف تليق عليه ولا ما تليقش علي لكن الصفات بتاعه الحجاب وشكل الفريضه احنا ما بنقيهوش اتمنى انك تجاوبي الاجابه دي على ماما يعني تقولي لها يا ماما احنا بنتبع ربنا في روضه وربنا اللي خالقنا خالق اختلاف اطوالنا وهو عارف اختلاف اطوالنا ومع ذلك فرض علينا الشكل ده والحجاب شروطه كده فالطول ما لوش علاقه بالموضوع ولو طولك اقل او طولك حتى اكتر من كده فبرده ده ما لوش علاقه بالموضوع احنا بنعرف نلبس الحاجه لايقه علينا وبنعرف نلبس الحاجه مظبوطه علينا ولكن مش مظبوطه معناها ان هي تفصص وتفصل جسمي علشان الناس تقول الله شكلها امور احنا اصلا بنلبس الحجاب الشرعي عشان احنا مش عايزين الناس تشوف حلويات حلاوه تفصيله جسمنا. انطلقي وتوكلي على الله وباذن الله هتلاقي مامتك بعد شويه بقت هي اللي فخوره بيكي وبتقول انا بنتي ما شاء الله ما بتلبسش الا لبس واسع ومحتم وافتكريني لما هي تقول لك كده في يوم من الايام ربنا يديم عليك الستر ويثبتك باذن الله.
تم النشر الجمعة، ٢٤ مايو ٢٠٢٤
الحق أحق أن يُتبع استفت قلبك وإن أفتاك الناس وأفتوك اذهبي إلى الله في صلاتك واسأليه بالدعاء أن يلهمك الرشد والعزيمة والقوة نحن نعبد الله وليس الناس لله الأمر أعانكِ الله وفقكِ الله حفظكِ الله
تم النشر الجمعة، ٢٤ مايو ٢٠٢٤
انا طويله زيك ويمكن اطول بنت ف جامعتي وف صحابي بس دا مميزني ومبسوطه جدا رغم ناس كتير كانت بتنتقدني بس بعدها حبوني عشان طيبه وفرفوشه وكمان اعترفو بعدها انهم نفسهم يكونو طوال وبعدين احنا مخلقناش نفسنا الحمدلله دي خلقه ربنا واي حد بيتكلم معايا بقوله انت بتتريق على الخالق ولا الخلقه عززي ثقتك بنفسك محدش اختار شكله وابعدي عن السلبيات عشان حياتك تمشي يأختااه وخدي هنا لي بيختارو عارضات ازياء طويله عشان دي فعلا من المميزين واللي جمالها بيكون ظاهر يا ذكية وبس كده يارب ترجعي احسن من الاول احنا هنا لأجلك 🫂🫂🫂🦋
تم النشر الجمعة، ٢٤ مايو ٢٠٢٤
اولا الطول نصف الجمال ، اخرجي للحياه كل ما الواحد بينعزل كل ما بيشوف نفسه غريب عن الناس فعلا ديت حقيقه انا شخصيا مريت بيها ، الناس لا يعجبها العجب ، قوي ثقتك بنفسك ، دايما الجمال يرتبط بالطول .
تم النشر الخميس، ٢٣ مايو ٢٠٢٤
ونسيت اقولك انا بلبس الزي الشرعي ونا طويله وجسمي حلو ومخليني احلى واحلى ها متحطيش كلام حد فدماغك خدي الخطوه وانتي راضيه عنها
تم النشر الجمعة، ٢٤ مايو ٢٠٢٤
شكرا جدآ لحضرتك
تم النشر الخميس، ٢٣ مايو ٢٠٢٤
لعرض السؤال في فدني اضغط هنا