انا دلوقتي بحب حد اكتر من تلات سنين و دايما كان يبقى في ساعات مشاكل و كده بس دلوقتي بقينا كويسين بعد كل ده بقى اكتشف ان الشخص ده يقول لي انه مشاعره اتغيرت من ناحيتي وبيقول انه اكثر من شهرين او ثلاثه قاعد بيفكر ويحاول ويضغط على نفسه بس مش عارف وعايز يسيبني ليه كده انا قصرت معاه في ايه هو عادي ان شخصية حد تتغير والحب يتغير بعد ثلاث سنين ويقولوا لي الشخص الثاني انت مش جاي معايا ومش شايفك زي الاول وشخصيتي الجديده دي مش عايزاك هل ده طبيعي ؟
بسي ياقمر ده شخص محبكيش سيبك منه لأن اللي بيحب عمره ما هيتخلى عن اللي بيحبه حتى لو حصل ايه حصل سيبك منه وربنا يعوضك بالأحسن إن شاء الله. حاولي تغيري من نفسك خليكي ديما متقدمة وسيبي وشوفي حياتك وإن شاء الله ربنا هيفرحك ويبعتلك العوض❤️🤲
تم النشر الأحد، ١٥ سبتمبر ٢٠٢٤
لو محتاجة اجابة لسؤالك ؟؟ هل عادي وممكن؟ ايوة عادي وممكن يحصل ، ان حد يرتبط بشخص ويكون شايفه مناسب ، وبعد فترة ، يكتشف انهم مبقوش مناسبين لبعض ومبقاش نافع يكلمو حياتهم سوا .. دا وارد في كل العلاقات ..خصوصا لو كان الارتباط في سن لسه الانسان بيكون شخصيته ، زي مثلا الارتباط في سن صغير زي 15 ولا 16 ، فمتوقع جدا ان على ما يوصل الشخص 19 او 20 سنة يكون شخصيته وتفكيره واهدافه في الدنيا اتغيرت ، وبالتالي الصفات اللى عايزها في شريك حياته كمان تتغير وحتى مشاعره تتغير ناحية الطرف التاني كمان حاجة ، مشكلة الارتباط بدون شكل رسمي ، بدون خطوبة وخطة زواج ، هي فيها مخاطرة كبيرة بالمشاعر والعمر ... لان مافيش دليل حقيقي ان الشخص اللى بيقول انه عنده مشاعر ليك انها مشاعر حقيقية تترجم لافعال ، مقدمش اي خطوة جادة للارتباط الصحيح قصاد اهلك واهله .. وبالتالي فمش مضمون اي مشاعر او كلام بيقوله .. ولو الارتباط دا كان في سن صغير ، وبدون تفكير في هيحصل ايه بعد سنة او اتنين؟ ، مصير الارتباط دا ايه؟ ... في امكانيات لتحويل الارتباط دا لزواج حلال ولا لا ؟ .... فنسبة فشل العلاقة بتكون اكبر من نسبة انها تكمل طبيعة البشر انها متقلبة .. اي علاقة عاطفية وارد متكملش لان في فترة بتعرفو بعض وبتعرفو نفسكم جوة العلاقة دي ، وبتكتشف حاجات كتير عن نفسك وعن الطرف التاني ، وبتعرف وقتها اذا هتقدر تكمل او لا .... فعشان ميحصلش ندم بعد كدا او احساس بالذنب او احساس بالظلم ، مينفعش الارتباط يكون برة اطار الخطوبة والزواج المعلن الرسمي ، اولا عشان ربنا يبارك في العلاقة وييسر الحلال ، وعشان محدش يتعرض للاستغلال من حد كل اللى عايزه سد فراغ عاطفي بدون ما يكون عنده نية حقيقية سليمة انه يكمل مع الطرف التاني.
تم النشر الجمعة، ١٣ سبتمبر ٢٠٢٤
طبيعي دا يحصل ي قلبي لان ب اختصار من تعلق بڜى غير الله عُذب يعني بتتكلموا ونتو مفيش بينكو حاجة رسمية وباين من الاول انه مش ناويها جد لانه لو ناوي جد كان هيدخل بيتك من بابه ويعززك بس عادي اديكي اتعلمتي ي قلبي وبلاش تكرري دا تاني وادعي ربنا يعوضك بالحلال
تم النشر الجمعة، ١٣ سبتمبر ٢٠٢٤
أفهم مشاعرك تمامًا، ومن الطبيعي أن تواجه بعض التحديات في العلاقات طويلة الأمد. الحب والمشاعر يمكن أن تتغير مع مرور الوقت، وهذا يعتمد على العديد من العوامل مثل التغيرات الشخصية، الظروف الحياتية، والضغوط النفسية. قد يعاني بعض الأشخاص من مشاعر مربكة، وقد يكون هناك شعور بالضغط أو الإحباط عندما لا تسير الأمور كما كانوا يتوقعون. يُشير ما ذكره شريكك عن ضغوط التفكير إلى أنه ربما يحتاج وقتًا لتقييم مشاعره ورغباته. من المهم التحدث معه بصراحة حول مشاعركما، من خلال تعبيرك عن مخاوفك ورغباتك، وأيضًا الاستماع له وفهم وجهة نظره. هذه النقاشات قد تساعد على تحديد ما إذا كان هناك احتمال للعمل على العلاقة أو إذا كان من الأفضل التفكير في مسارات جديدة لكليكما. تذكّر أن العلاقات تتطلب عملًا وجهدًا من كلا الطرفين، والتنمية الشخصية لكل فرد. إذا كان هناك توجه نحو الانفصال، حاول أن تؤمن بلطف أنك تستحق الحب الذي يجعلك سعيدًا ومكتفيًا.
تم النشر الجمعة، ١٣ سبتمبر ٢٠٢٤
لعرض السؤال في فدني اضغط هنا