السلام عليكم
انا طالبة في الجامعة عندي 20سنة مشكلتي اني عندي داء التسويف في كل حاجه في حياتي حرفيا و خصوصا الدراسة لما بأجل مذاكرة امتحان معين لقبل وقت الامتحان ده بساعة تقريبا او وقت قصير اوي ميكفيش القدر اللي محتاجة اذاكره للإمتحان ده رغم اني بكون طول اليوم مش بعمل اي حاجة مهمة، كل اللي بعمله يندرج تحت بند الرفاهيات فا طبيعي لما أبدأ اذاكر مش بلحق اخلص ولا 10% حتي من المذاكرة اللي المفروض اذاكرها، و لما امتحن و اخلص و اشوف النتيجة بلاقي درجاتي قليلة و ده منطقي. الموضوع ده بيخلي مستوايا ينخفض اكتر و انا طموحي اني احسن من مستوايا الدراسي لأنه هيترتب عليه تحسين مستوايا المهني و مستقبلي.
انا مش راضية عن نفسي و عندي تأنيب ضمير بشكل مستمر و محاولاتي في اني اسيطر علي حياتي و اسيطر علي المشتتات اللي حواليا، كلها فشلت. ياريت لو حد يقدر يساعدني
أولاً، مبروك عليكِ على إدراكك لمشكلة التسويف في حياتك. هذا الخطوة الأولى في طريق الحل. ثانيًا، من المهم أن تفهمي الأسباب التي تدفعك إلى التسويف. هل هي الخوف من الفشل؟ أم عدم الثقة في نفسك؟ أم عدم وضوح أهدافك؟ أم وجود عوامل مشتتة في حياتك؟ بمجرد أن تفهمي الأسباب، يمكنكِ البدء في وضع خطة للتعامل معها. فيما يلي بعض النصائح التي قد تساعدكِ في التخلص من التسويف: حددي أهدافك الدراسية بوضوح. ما هي المواد التي تحتاجين إلى مذاكرتها؟ ومتى يجب أن تنتهي من مذاكرتها؟ ضعي جدولًا زمنيًا للمذاكرة. اقسمي المهام الكبيرة إلى مهام أصغر وأكثر قابلية للإدارة. حددي وقتًا للمذاكرة كل يوم. واحرصي على الالتزام بهذا الوقت. ابحثي عن مكان هادئ ومريح للمذاكرة. تخلصي من عوامل التشتيت. أغلقي هاتفك وحاسبك الآلي، وافصلي الإنترنت، واحرصي على عدم وجود أي مشتتات في مكان المذاكرة. ابدأي بالمهام الأصعب أو الأقل إثارة للاهتمام. سيساعدك ذلك على التخلص من المهام الصعبة في وقت مبكر. خذي فترات راحة قصيرة كل 25-30 دقيقة. هذه الفترات ستساعدك على التركيز وزيادة الإنتاجية. قد يساعدكِ أيضًا أن تجدي شريكًا للمذاكرة. هذا سيساعدكِ على البقاء على المسار الصحيح وتحفيزك على المذاكرة. إذا كنتِ تشعرين أنكِ غير قادرة على التعامل مع مشكلة التسويف بمفردك، فيمكنكِ طلب المساعدة من معالج نفسي. أتمنى لكِ التوفيق في رحلة التخلص من التسويف.
تم النشر الأحد، ٢٤ ديسمبر ٢٠٢٣
في استراتيجية حلوة اووي بستخدمها لجل اتخلص من التسويف هي استراتيجية الـ 5 ثواني ودي مثلا في فكرة معينة جت في دماغك لازم بعد ما الفكرة بتيجي في دماغك قبل ما تكمل الـ 5 ثواني وتكون بدأت تعملي الفكرة دي وتطبقيها وبهذة الاستراتيجة تطبق علي كل الاقكار والمذاكرة وغيرها، انما التنظيم كلما قل الكم في البداية اصبح الامر فيما بعد عادة وعندما تتحول لعادة تكون قابلة للزيادة فمثلاً في القرآن الكريم اذا حفظت صفحة من السورة واستمررت في ذلك مدة شهرين حينها ستكون قد اعتدت الأمر قابلة للزيادة وهكذا
تم النشر الأحد، ٢٤ ديسمبر ٢٠٢٣
كتابة المشكلة وتحديدها اول خطوة لحلها اولا على حد ظني انك لسه مقتنعة او مدركة من فترة قريبة مش من زمان ان مستواكي المهني تابع لمستواكي الدراسي، ... مشاكل التسويف اسبابها كتير ، اولهم في رأيي هو ان الواحد وهو رايح يذاكر المادة الل لازم يذاكرها مثلا، بيحسب الاول كتير ويتخيل كتير .. يسيب الشيطان بقى يدخل، عدم تقدير قيمة العائد من مذاكرة المادة اياها في اليوم المحدد، عدم تقدير او استسهال واستخفاف، يعني مش مهم دلوقت، دانا هجيبها ف نص ساعة، ويروح يلعب ويضيع ويستهلك الطاقة الل كانت عنده والحماس والحيوية ويستبدل بيها الارهاق بقى والتعب والعزوف والاعراض، ... الحل الجذري بتاعي كوني كنت بحب اللعب من صغري وحاليا ف الجامعة وكلية عملية جدا وبيحتاج وقت، بدأت انظم نفسي جامد من ناحية المذاكرة وما بعدها، بكتب المطلوب تسليمه ف ورقة او على الفون (تطبيق جوجل تاسك) وأهتم بقى بالوقت، يعني هذاكرها النهارده على مراحل، نصف ساعة مذاكرة وراحة لازم راحة لازم ناخد فاصل مش طويل .. ١٠ دقايق ولا حاجة يعني، ونرجع تاني قبل ما الحماس ينهار، ننظم المكتب يعني ونرتب المظاهر .. وربنا يسهل .. استعينوا بالله بس على قضاء حوائجكم، واتوكلوا على الله هيوفقكم والله .. انه مجيب الدعاء ..
تم النشر الجمعة، ٢٢ ديسمبر ٢٠٢٣
التزام..تدريج ..نمط دى الحاجات اللى هتحتاجيها عشان تتخلصى من التسويف الالتزام ...اللى تقوليه او تفكرى فيه اعمليه فورا ..مفيش وعود ولا اقول لما كذا يحصل ابقى اعمل التدريج ...بتحطى لنفسك الكم بالتدريج ...هذاكر صفحة وبكره اتنين وبعده تلاته وهكذا النمط يكون بيتكرر نفس الترتيب كل يوم وانتى مينفعش تغيريه وده هيرجعنا للالتزام وهكذا
تم النشر الجمعة، ٢٢ ديسمبر ٢٠٢٣
وأنا بردوا
تم النشر الجمعة، ٢٢ ديسمبر ٢٠٢٣
هذا نفس حالى ارجوكم حد متخصص يساعدنى
تم النشر الخميس، ٢١ ديسمبر ٢٠٢٣
لعرض السؤال في فدني اضغط هنا