ابني 13 سنه هو مؤدب وكل ال بره بيشهد بدا ومش بيرد عليا حتي لو انفعلت ولكن بحس ان فيه مصيبه ف عدم رده انه بيكتم كتير
هو بيكره الزعيق جدا لانه اعتاد عليه مني من هو وصغير لاني مريت بظروف كتير صعبه الحمد لله .. انا عايشه انا وهو بس انا كل دنيته .. هو ليه اصحاب وتمرين وكل حاجه بس يعتبر انا ملجأه الوحيد .. نفسي ابطل ازعق لانه اما بيكون مضطرب قدامي بيفضل يتهته ف الكلام
نفسي ميطلعش حد مكبوت وطاقته سلبيه .. نفسي يطلع انسان سوي
هل فيه حلول وشكرا جدا
السلام عليكم ورحمه الله وبركاته. اولا يعني الحمد لله. اللي خلاك تبداي تتنبهي. عن الموضوع ده من دلوقتي. يعني 13 سنه ان شاء الله الموضوع يكون اخف. ههه. بالنسبه للولد. احنا محتاجين نعمل كده. مع بعض وقت. الوقت ده هنستغله في ان احنا نفضفض بمشاعرنا. فهنستغل اي وقت مش لازم نجيبه بالعافيه عشان هو ما يحسش بنوع من انواع الضغط. هنعتبر ان دي لعبه. وهنبدا نجيب ورق نعمله زي الكروت زي الكروت بتاع الكوتشينه وكل واحد فينا. يكتب موقف حلو موقف وحش موقف حلو موقف وحش حصل من الطرف الاخر يعني هو يبدا يكتب موقف حلو ماما عملته وموقف وحش ماما عملته زعلت وانت برده هتكتبي موقف حلو هو عمله معاكي موقف وحش هو عمله وزعلك وبعدين هنجيب الكروت دي كلها ونفنطها كده ونفنط الكوتشينه. نحطهم كده ايه في بعض بشكل عشوائي؟ ونقعد نحط قواعد اللعبه دي. انت تقدري على فكره يعني تحطي قواعد زي ما انت عايزه في اللعبه لكن انا يعني هديكي شويه. امثله هنقول مثلا ان احنا هنحط كل الورق ده كده في النص قدامنا وكل شويه حد فينا بتدور كده هيسحب ورقه. وهنقرا الموقف. لو الموقف. حلو. ويبسط فعلا اييي هنقوم نحضر مع بعض. ولو الموقف. موقف وحش ويزعل اللي غلط في حق الثاني هيعتذر وهيقول له انا اسف جدا ان انا عملت معاك الموقف ده وان انا كنت سبب في شعور وحش وسامحني عليه وبعديها. نحط الولد في الاول هيكون صعب عليه ان هو يعمل ده ولكن انت هتقولي له ان اللعبه دي مهمه وانك انت اللي محتاجاها اكثر منه لانك بتحاولي تصلحي من نفسك وتبطلي زعيق لانك عرفتي ان دي حاجه سيئه جدا وانك بتطلبي مساعدتك. اعملي الموضوع ده باي شكل من الاشكال لو هو عنده مساحه بيتكلم معك فيها وده ما اعتقدش بما انه سؤالك بتقولي ان هو بقى كتوين جدا فهيكون صعب لو محدش يجي يلعب اللعبه بالشكل ده ممكن تقولي له ان احنا هنعمل صندوق الصندوق ده كل واحد فينا هيكتب فيه الحاجات اللي مضايقاه. وكل واحد هيبقى له صندوق ويا سيدي لو انا الحاجات اللي بتضايقك مني يعني لو انا الصندوق بتاعي انت حطيت فيه 10 ورقات فانت كده لك عندي تعويض بدل العشر مواقف اللي انا عملتهم دول والعكس انا كمان هبدا احط في الصندوق بتاعك ورق الورق ده هبقى ايه هكتب فيه كل مره الموقف اللي انا عملته اللي انت عملته معايا ودقيق ولو انا بدا الصندوق بتاعك بقى فيه 10 موقف انت عملتهم معايا وحشين وزعلوني برده انت كمان لازم تعوضني تعويض ده برده نتفق عليه وابعدي عن التعويض المادي الافضل نبعد عن التعويض المادي يعني مثلا لو انا لو انا وصل الصندوق بتاع ال 10 مواقف. خلاص يبقى لك عندي خروجه حلوه اعوضك بها على المواقف الوحشه. وممكن بقى لما نبقى نخرج الخروجه دي ايه ناخذ معنا الصندوق ونبدا نشوف بقى ايه احنا متغرمين في الخروجه دي بسبب مواقف اللي هي ايه وايه وايه وايه ونقعد نتكلم فيها ونصالح بعض عليهم الموضوع ده مهم يتعمل باي شكل من الاشكال علشان الولد يبدا يخرج ويعبر. نقطه مهمه احب ان حضرتك تركزي فيها قوي وهو ان الولد حاليا بيبدا مرحله استقلاليه وسكوت هو جزء من الاستقلاليه لانه مش هيبقى زي الاول كل حاجه بيجي يحكي لك عليها لانه هو بدا في مرحله اللي هو بيبني فيها استقلاليته وده شيء طبيعي جدا وبلاش تحاولي تبعديه عن انه ينمي النقطه دي لان هي مهمه في المرحله دي من من عمره من تكوين شخصي. ته فا. ا بالعكس انت تدعميه في انه انا واثقه فيك انا متاكده انك لو احترت في حاجه هتيجي تسالني لكن انت. تعرف تفكر الاول لوحدك مفيش مشكله ان انت تفكر وتقرر لكن لو احتجت حتى انك تستشيرني دي حاجه هتبسطني وهكذا وهتحسي طبعا اللي بقوله ده كلام صعب قوي اللي هو ولد اللي 13 سنه اللي هقول له يعني ياريت لو حبيت ابقى تعالى استشاري انا اصلا عايزاه يجي يقول لي كل حاجه هو بيعملها لكن صدقيني هي المرحله دي محتاجه لما الاهالي بتقاوم المرحله دي الولاد بيتمردوا اكتر وبيبدا صمتهم وبعدهم عن الاهل بيبقى اكتر ويتبني حاجز ما بنعرفش بعد كده نفكه بسهوله. ايش يعني نعمل اخطاء ممكن تزود معانا المشاكل خلينا نتعامل مع مع المرحله صح طبعا ده مش معناه انك هتسيبي له الدنيا كده خالص عامل يعمله لا لكن منتظريش ان هو يجي يحكي لك كل حاجه. واذا يعني اذا شفتي انه انت مش قادره تعملي ده لوحدك مفيش مشكله لو انت عرضتي على الولد ان هو يروح يتكلم مع حد يمكن اا يقدر يسمع منه الحاجات اللي هو ممكن تكون مش قادر يقولهالك ودي هتبقى خطوه يعني كويسه لو انت مش هتقدري تعملي الدور ده معاك وانت شخصيا لو مش قادره تسيطري على عصبيتك والضغوطات اللي عندك بتخليك تتصرفي بعصبيه زياده فبرضه تقدري انت تلجاي لحد يساعدك في انك تتخلصي من الموضوع ده التخلص من العصبيه دائما بيبقى باننا نشوف هي ايه اسبابها ونشوف انه احنا مش ضعاف على فكره ونقدر نتحكم.
تم النشر الأحد، ١٣ أكتوبر ٢٠٢٤
كويس أن حضرتك حابة تحسني من نفسك وحريصة انك تطلعي حد سوي،حاولي تقعدي معاه في مرة تكوني هادئة واتكلمي معاه انك زعلانة من اسلوبك معاه وانك محتاجة علاقتكم تبقي احسن من كده،واتكلمي معاه عن الحاجات اللي بتضايقك منه وحددوا مع بعض ازاي تصلحوا الحاجات دي فيه ،وسيبيله مساحة برضه يعبر عن اللي بيضايقه منك زي زعيقك وعصبيتك عليه مثلا وحاولي لما تتعصبي مثلا قبل م تتكلمي اتوضي مثلا وارجعي اتكلمي معاه بهدوء
تم النشر الجمعة، ١١ أكتوبر ٢٠٢٤
أختي العزيزة، أتفهم تمامًا قلقك بشأن وضع ابنك ومشاعرك نحوه. إن مرحلة المراهقة تعتبر فترة انتقالية حساسة وتكون التغيرات النفسية والهرمونية طاغية فيها. إليك بعض النصائح التي قد تساعدك في التعامل مع ابنك الكتوم: تعزيز الثقة : اجعلي ابنك يشعر بأنكِ صديقته المقربة، من خلال إنشاء بيئة مليئة بالراحة والأمان. حاولي أن تتحدثي معه في أوقات هادئة وتعبر له عن مشاعرك وأهمية التواصل بينكما. تجنب الصراخ : كما ذكرتِ، هو يكره الزعيق. من المهم أن تتجنبي الانفعال الغير مبرر، إذ أن الألفاظ الهادئة والاستماع الجيد ستعزز من رغبته في التحدث معك. طرح الأسئلة المفتوحة : بدلاً من الأسئلة التي تتطلب إجابات قصيرة، حاولي طرح أسئلة تشجع على النقاش، مثل "كيف كان يومك في المدرسة؟" أو "ما هي الأمور التي تشغل بالك هذه الأيام؟"، مما يتيح له فرصة التعبير عن نفسه. تشجيع الأنشطة المشتركة : ابحثي عن أنشطة تستطيعان القيام بها معًا، مثل ممارسة الرياضة، أو القراءة، أو مشاهدة الأفلام. هذه الأنشطة تعزز الروابط وتتيح له فرص التعبير عن مشاعره بشكل غير مباشر. الدعم النفسي : إذا استمرت لديكِ مشاعر القلق، يمكنك التفكير في استشارة مختص نفسي للحصول على نصائح إضافية وتوجيهات حول كيفية التعامل مع ابنيكم خلال هذه المرحلة. تذكري أن كل طفل فريد من نوعه، وما يناسب أحدهم قد لا يناسب الآخر. لذا كوني صبورة واتبعي ما يناسب طبيعة ابنك لتساعديه على الخروج من حالته. وفقك الله وبارك في جهودك.
تم النشر الجمعة، ١١ أكتوبر ٢٠٢٤
يعني انا مستغرب شويه انك عاوزه حلول غير الحل بتاع انك تعلجي المشكله العندك والهي الزعيق والهي اصلا مصدر المشكله !!!!؟؟
تم النشر الجمعة، ١١ أكتوبر ٢٠٢٤
لعرض السؤال في فدني اضغط هنا