أنا عندي 15 سنة ومش محجبة شهر بالظبط وهكمل ال 16 سنة ببايا عايزني اتحجب في أول رمضان هو صبر واستنى كتير لأن كنا متفقين اني اتحجب في أولى اعدادي بس كلمته وعرفته اني مش مستعدة ومش مقتنعة بالحجاب وهو رضي بس انا عارفة انه كل يوم بيبقى نفسه يشوفني بالحجاب مامتي مشجعاني ومش عيزاني اتحجب غير لما يبقى عندي اقتناع تام بس بابا رافض يستنى اكتر من كدا وعايزني اتحجب في رمضان ده انا بحب شكلي بالحجاب بس حاسة اني لسة مش مستعدة اني البسه حابة اكلمه واقوله يخليها بعد عيد ميلادي بس برضه هنبقى قربنا من الامتحانات ف يمكن اتردد برضه واركز في الامتحانات وانسى الموضوع ومش عارفة أقنعه ازاي ولا اعمل اي
المشكلة ان الموضوع مش موضوع اقتناع ولا بابا ولا ماما . مراحل الحياة والفروض والتكليفات اللى علينا هديهالك بمثل خفيف كده. (ولله المثل الاعلى طبعا ) دلوقتى بندخل المدرسة ونتدرج فى المراحل وفى صعوبة الدروس على حسب سننا . هل نقدر نيجى سنه ونقول ...احنا حاسيين اننا مش قادرين نطلع مرحلة اعدادى دلوقتى وخلينا نأجلها شوية . او لما بنلاقى حاجة فى المنهج مش مقتنعين بيها انها ليها لازمه ندرسها ...بنقول مش هنذاكرها...بالعكس بنذاكر عشان هتيجى فى الامتحان. مراحل الفروض والتكليفات على البنى ادم ربنا حطها كده .....لحد ٧ سنين الطفل غير مكلف باى فريضه ....بعد كده يتعلم الصلاة ويبدا يتعود ...عشان لما يوصل ١٠ خلاص مفيهاش كلام ومينفعش يفوت فرض ( عشان كده الدرجات دى هتتحسب فى المجموع ) اهو من التكليفات اللى داخله فى المجموع ....الحجاب وانه اصبح فرض على البنت بعد البلوغ انها تغطى كامل جسمها وشعرها عند الخروج. للاسف الموضوع مفيهوش ان بابا يتحايل ولا ماما متقتنعش ولا انتى تتقبلى . وصدقينى بقي لو على الاقتناع ...فهو هيجيلك بعد ما تتحجبي لانك هتحسى اد ايه ربنا حكمته كبيره فى اننا نكون متغطيين ومستورين وده اللى هيخليكى تركزى اكتر فى الامتحانات..ان شاء الله
تم النشر الأحد، ٥ مارس ٢٠٢٣
للأسف كتير من الناس بيفكروا بالطريقة دي لأنهم مش عارفين كويس معنى كلمة عبد! عارفة يعني إيه الواحد يكون عبد؟ يعني يكون مستسلم لسيده .. ومش منطقي أنه يكون عبد وفي نفس الوقت لما سيده يأمره بأمر يقول له مش مقتنع!! الحاجة الوحيدة اللي المفروض تقتنعي بيها هو أن ربنا هو سيدك .. وإذا اقتنعت بكدة فأي حاجة أمرك بها ربنا هتقولي عنها بالمنطق دة سمعا وطاعا! ومش من المنطقي أننا نعارض أمر ربنا برغبة في نفوسنا زي رغبة البنت أن الشباب يشوفوا جمالها ويعجبوا بيها لأن الرغبة دي بتعارضها رغبة تانية أصلية في الإنسان وهي أن جماله دة مش المفروض يكون متاح لكل من هب ودب ينظر إليه كما لو كانت مانيكان في محل أزياء .. أمر ربنا هو الذي يهدي الإنسان للوصول لحالة التوازن بين كل هذه الرغبات ودة هيحقق سعادته ويحميه في نفس الوقت أطيعي والدك وفرحيه بحجابك وقبل كدة البسيه علشان ربنا يفرح بك
تم النشر الأحد، ٥ مارس ٢٠٢٣
لازم تعرفين انك بنات كبيرة ولازم أن تتحجبين وحجب جمال ع المرأة ويعرف أنها متمسكة بالدين وسنة الاسلام
تم النشر الخميس، ٢٣ مارس ٢٠٢٣
لازم تفكرى انك كبيرة وهتتحاسبى كده انتى مش خايفه من ربنا ربنا يوفقك الى فيه الخير وتدوقى حلاوة الايمان
تم النشر الثلاثاء، ٧ مارس ٢٠٢٣
بلاش الشيوخ دول لأنهم للأسف مش مصدر ثقة و اتمنى قبل النصح تتأكد من صحة عقيدة شخص زي علي الجفري
تم النشر الاثنين، ٦ مارس ٢٠٢٣
اتفرجى على حلقات مصطفى حسني برنامج حائر وبقية برامجه ممتازه واتفرجى على الحبيب على الجفرى ايها المريد وادعى دائما اللهم ارنا الحق حقا وارزقنا اتباعه و ارنا الباطل باطلا واعنا على اجتنابه
تم النشر الاثنين، ٦ مارس ٢٠٢٣
يارب .. شكرا للدعوة الحلوة
تم النشر الثلاثاء، ٧ مارس ٢٠٢٣
شكرا للنصيحة
تم النشر الاثنين، ٦ مارس ٢٠٢٣
شكرا حبيبتي وهعمل كدا ان شاء الله ❤️❤️
تم النشر الاثنين، ٦ مارس ٢٠٢٣
لعرض السؤال في فدني اضغط هنا