انا لسه داخل ثانويه عامه علمي علوم وعندي مشكله كبيره وهي اني كان عندي ناسور عصعصي وعملتله عمليه وللاسف رجع تاني قبل الدراسه بس المشكله الاكبر ان كل دروسي في سناتر والكراسي طبعا ناشفه وبيبقا صعب عليا جداً اني اقعد بال 4و5 ساعات واكون مركز فيهم عشان بيبقا في وجع مكان العمليه فا بيبقا ضغط كبير عليا اني ببقا محتاج بعد ماروح اذاكر الحاجات اللي مركزتش فيها وغالبا بتبقا حاجات كتير، فاانا ابتدى تجيلي افكار كتير اني اكمل اونلاين بس انا في الاونلاين بكون مركز وبفهم وكل حاجه تمام بس يعني اوقات بأجل الحصص واقول اهي كده كده موجوده وممكن اركن الحصه باليومين ويمكن اكتر كمان + ان الاونلاين مش تفاعلي ف حتة الامتحانات والواجب وكده ومش هيكون في حد متابع معايا زي ف السنتر يعني لما بنجيب درجه حلوه المستر بيعملنا مكافأه كتحفيز وبرضو الواجب اللي مش بيتصحح اونلاين ومش هبقا عارف انا غلطان ف ايه وكده، فا انا دلوقتي مش عارف اعمل ايه انا اقدر ادوس على نفسي لو هكمل اونلاين واخد الحصه ف يومها بس هل الاونلاين هيساعدني اجيب درجه حلوه خصوصا ان كذا مدرس بيقولنا الاونلاين مش مفيد عشان الطالب مبيبقاش بيتفاعل مع الحصه دا غير الامتحانات والواجب زي ماقولت، فاانا محتار دلوقتي وعايز حل عشان حاسس ان طاقتي بتقل كل يوم اكتر من اللي قبله
بسم الله الرحمن الرحيم والصلاه والسلام على أشرف المرسلين سيدنا محمد عليه افضل الصلاة والسلام هناك حلان الحل الاول انك تاخد في السناتر بس تاخد حاجه لينه او مش ناشفه تقعد عليها بحيث إنها تقلل ضرر الجلوس والحل التاني انك تاخد أونلاين ويكون حد من الاهل او الاقارب يساعدك في الانتظام ذا ويتابعك مع المدرس الأونلاين وفقك الله وربنا يشفيك يا رب😊🤍
تم النشر الثلاثاء، ١٢ سبتمبر ٢٠٢٣
الاونلاين مميزاته اكتر من عيوبه هو بس خلي حد من اهلك يتابع معاك وكن رقيب على نفسك انك متقومش غير لما تخلص المحاضرة اللي عليك
تم النشر الأربعاء، ١٣ سبتمبر ٢٠٢٣
لو اونلاين وانت شايف نفسك محتاج حد يتابعك .. يبقى خلي حد من البيت يتابع معاك ف كل حاجه، وفي كل الحصص والامتحانات .. والحاجات الغلط دور عليها، واعرف الصح، ولو معرفتش كلم المستر. حاجه تانيه، لو الموضوع ده مش هينفع معاك -يبقى مفيش حل غير انك تروح السنتر .. او مدرس يتابع معاك في البيت لو فيه مقدرة مالية لكده.
تم النشر الثلاثاء، ١٢ سبتمبر ٢٠٢٣
علفكره انا كمان في ثانوي عام و و مش باخد دروس خالص معا للعلم اني في أولي ثانوي و بدرس اونلاين و علفكره اونلاين احسن بكتير من الاسناتر و من زحمة المواصلات و غير كده بتفهم من الاونلاين احسن فا انا نصيحتي لك انك تبدأ اونلاين و رتب الاسبوع بتاعك و كل يوم زاكر مادتين علي الاقل و احفظ و رجع اول باول و إن شاء الله ربنا يوفقك
تم النشر الثلاثاء، ١٢ سبتمبر ٢٠٢٣
ممكن اقترح على حضرتك تجرب اونلابن بس تحاول تتابِع مع المُدرسين بحيث انك تكلم عند من المساعدين تبع المُدرسين تعرفهم المُشكِلةة وتعرفهم انك تعمل مُتالعةة مثلا انك تيجي تمتحِن او تشوف الواجِب وكده لو تقدر تعمل ده كويس وبالمرة تشوف مستواك مع الاونلاين إي،بس فِي مواد العلمية زي الكميا و الفزيا فِعلا المُدرسين بينبهونا نخدها اونلاين عشان لو عطلنا فِ حاجةة هنكرر الفديو وفِ الاخر طريقةة الشرح زي ما هِيَ فاهم بس كِده وربنـا معاك بالتوفِيق.
تم النشر الثلاثاء، ١٢ سبتمبر ٢٠٢٣
جرب الاونلاين واهو بالمرة الموبايل تمسكه لفائدة وتستغله صح
تم النشر الثلاثاء، ١٢ سبتمبر ٢٠٢٣
الأحسن اللي هيحافظ علي صحتك
تم النشر الثلاثاء، ١٢ سبتمبر ٢٠٢٣
مش مهم اونلاين ولا سناتر المهم لو انت عندك عزيمة وإصرار انك توصل للهدف هتوصل حتي لو بتذاكر علي ورق كرتون
تم النشر الثلاثاء، ١٢ سبتمبر ٢٠٢٣
فعلا الاونلاين مش مفيد زي الحصص و كده انت ممكن تحط حاجه فالشنطه بتاعتك تريحك انك تعرف تقعد عليها و تحط الشنطه بتاعتك تحتيك و تقعد عادي
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا