انا ابويا اتجوز بعد وفاه امي من ٤ سنين ونص وجابها تعيش معايا انا عايشه في عذاب وبتقعد دايما تقولي ياعانس وكلامها لسه لحد دلوقتي مأثر فيا مع اني لسه صغيره ابويا جابلها شقه تانيه عشان المشاكل بس لما بشوفها صدفه اعصابي بتتوتر وبحس في رعشه في جسمي كله وانا نفسيتي مش عارفه اصلحها خالص اعمل ايه قولولي اعمل ايه انا تعبت جدا
عزيزتي سارة، أنا آسفة لسماع ما تمرين به. التعامل مع العلاقات الأسرية المعقدة يمكن أن يكون تحديًا كبيرًا، وتفهم مشاعرك وتأثيرها على نفسيتك هو خطوة مهمة في طريق الحل. تقبل المشاعر : من الطبيعي أن تشعري بالخوف والقلق نتيجة للتجربة المؤلمة التي تعيشيها. حاولي تقبل مشاعرك كجزء من رحلة الشفاء. التواصل : إذا كان ممكنًا، حاولي التحدث مع والدك عن مشاعرك وأفكارك. قد يكون من المفيد أن تعبري له عن تأثير كلام زوجته عليك، وكيف أن ذلك يؤثر على حالتك النفسية. تحديد الحدود : إذا كان هناك طريقة لتحديد حدود معينة في تعاملك مع زوجة والدك، قد يساعد ذلك في تقليل التوتر. فكرّي في كيفية التعامل معها بطريقة تحافظ على صحتك النفسية دون تعريض نفسك لمزيد من الألم. البحث عن الدعم : من الجيد أن تكون لديك شبكة دعم من الأصدقاء أو الأقارب الذين يمكنك التحدث إليهم. تأكدي من أنك لست وحدك في هذه المحنة. المساعدة الاحترافية : إذا كانت مشاعرك تؤثر بشكل كبير على حياتك اليومية، قد يكون من الجيد التفكير في زيارة معالج نفسي أو مستشار لمساعدتك في تجاوز هذه المشاعر ومعالجتها. العناية بالنفس : رغم أنه قد يبدو صعبًا، حاولي تخصيص بعض الوقت لنفسك، وما يسعدك. هذا قد يساعدك على الشعور بتحسن. تذكري أن التجارب السلبية لا تحدد من أنت، وأن الشفاء ممكن. أتمنى لك القوة والهدوء في هذه الفترة.
تم النشر الثلاثاء، ١٤ يناير ٢٠٢٥
طول ما انتى رابطة مشاعر تجاه زوجة والدك انها اخدت مكان امك او انك رافضه مكانها انك شايفاها قدرتها كبيره انها اتجوزت بابا انك شايفه نفسك اضعف منها وانها ليها حكم او سيطرة باى شكل هى دى الحاجات اللى انتى محتاجة تتخلصى منها عشان ميكونش ليها تأثير نفسى عليكى حتى لو شوفتيها
تم النشر الخميس، ١٦ يناير ٢٠٢٥
تعاملي مع وجودها إنه ابتلاء في حياتك ولازم الصبر عليه. طالما هي مش عايشة معك حاليًا فتجاهليها وإذا وجهت لك كلام جارح ممكن تقولي لوالدك يطلب منها توقف التعامل معك أو توجيه الكلام لك. بالنسبة لتوترك ونفسيتك فاعرفي إنك لما بتتركي نفسك للحالة دي وترفضي تخرجي منها باستمرارك في التفكير فيها ومعاملتها واللي عملته قبل كده فأنتِ بتسمحي لها إنها تنتصر عليكِ أصلا وتكمل تدمير حياتك للآخر. اعتبريها ابتلاء واستعيني بالله وادعي ربنا يهديها أو يجنب آذاها. استمري في بر والدك حتى لو انتِ حاسة إنه أخطأ في حقك لما تزوجها. خدي بالك إننا اللي بنسمح للناس تؤذينا بتصرفاتها المسمومة وكلامها الجارح وهم بيحسوا بنقاط الضعف اللي احنا حساسين ناحيتها وبيحسوا بقدرتهم على جرحنا فبيكملوا. لو بطلتِ تظهري لها ولو لاشعوريا إن كلامها بيجرحك وبدأت تظهري البرود قُدامها ولا تبين أي اهتزاز أو جرح هي مع الوقت هتحس إن كل محاولاتها ملهاش لازمة وهتبطل. ممكن تصرفاتها راجعة للغيرة من إنك بنت زوجها وأحيانا الناس بتغار من اللي شايفينهم مميزين عنهم فبيحاولوا يكسروهم بأي طريقة. استعيني بالله وادعي دايما واكسري الدائرة دي وانتصري لنفسك. بالتوفيق إن شاء الله.
تم النشر الأربعاء، ١٥ يناير ٢٠٢٥
طب مادام انت عارفة حل اهو ومقتنعة، بتشتكي من ايه دلوقتي؟
تم النشر الثلاثاء، ١٤ يناير ٢٠٢٥
تسلم على كلامك ريحتني كتير ربنا يوفقك
تم النشر الثلاثاء، ١٤ يناير ٢٠٢٥
حقيقى الوضع صعب ومؤلم جدا.. ربنا يقويكي على الى انتى فيه وللاسف جدا ان يكون فى اشخاص سامين كدا فى حياتنا.. دا ابتلاء ولازم تتعاملى معاه بالرضا والتوكل على الله.. سيبك من كلامها واتجنبيها قللى الاحتكاك معاها على قد ماتقدرى ، لو بتشوفيها صدفة خليكي هادية وحاولي تخرجي نفسك من الموقف بأسرع وقت، ولو فيه مجال تتجنبيها تمامًا، ده هيكون أفضل لصحتك النفسية ومشاعرك... ولو اضطريتى تتعاملى معاها حطى حدود واضحة ليها المهم تكونى هادية واوعى تبينلها انك ضعيفة قدامها او تخليها تفرح فيكى.. اتلكمى مع حد بتحبيه وتثقى فيه من عيلتك او صحابتك احيانا بيكون الدعم بالكلام اقل حاجة ممكن تساعدنا وتخفف عنا.. ملقتيش حد تحكيله لازم تطلعى مشاعرك السلبية متكتمهاش جواكى اكتبيها ف ورقة واحرقيها دا ممكن يخفف عنك شوية... والاهم من كل دول انك تهتمى بنفسك وتزودى ثقتك فى نفسك مش اى حد يهزك ويزعلك.. ركزى على هواياتك وطورى نفسك وارضى عن نفسك اهتمى بصحتك البدنية الى هيظبط صحتك النفسية وهيساعدك تقللى التوتر والرعشة الى بتحسيها.. اهتمى بدينك وقربى من ربنا وعبادتك دا هيديكى قوة نفسية رهيبة قصاد اى حد.. واخر حاجة افتكرى دايما انك تستحقى تعيشى مرتاحة وسعيدة وتكونى عارفة يقينا ان كلامها السام دا مش بيعبر عنك ولا عن شخصيتك ولا عن قيمتك - انا آسف يعنى لكن فى بعض الناس لازم نعاملهم انهم مرضى - عامليها كدا وربنا يعوضك خير ويسعدك يارب..
تم النشر الثلاثاء، ١٤ يناير ٢٠٢٥
لا مش بعرف اعمل كده ماليش في الكلام السئ ربنا هياخد حقي منها
تم النشر الثلاثاء، ١٤ يناير ٢٠٢٥
هنيها واكسري كرمتها ذي ما حاولت تعمل معاكى
تم النشر الثلاثاء، ١٤ يناير ٢٠٢٥
لعرض السؤال في فدني اضغط هنا