السلام عليكم ورحمة الله وبركاته
اولا انا خالتي كانت محجوزه واحد من عشر سنين او اكتر وبعد فرحها بشهر حصلت مشاكل وأطلقت وبعدها متجوزتش تاني انا عمري وقتها كان خمس سنوات وكنت متعلقه بخالتي قوي لأنها هيا اللي مربياني وكمان هيا خالتي الوحيده المهم من تلت سنين اتقدملها واحد وهي وافقت بيه مع العلم ان اتقدملها كتير بس كانت بترفض ووقتها انا عمري كان ١٣ سنه يعني هيا اديلها معايا ١٣ سنه فأنا مكنتش مستوعبه انها ممكن تسيبني وتمشي ووقتها تعبت قوي ونفسيتي كانت زفت لأنها كانت دايما معايا لان بيت جدي في نفس الشارع اللي انا ساكنه فيه فطول الوقت وانا معاها ولما كنت ابقي تعبانه او عامله عمليه فهيا اللي كانت بتسهر معايا فأنا بحبها اوي ومتعلقه بيها قوي فلما اتجوزت جوزها ده كان متجوز قبل كده وعندو بنت في وقتها كان عندها سنتين وهوا وطليقتوا أطلقوا بعد سبوع البنت وهيا اللي طلبت الطلاق من غير سبب وهوا مشفش البنت من ساعتها تمش دا موضوعي فمش هتكلم عليه كتير والمهم ان بعد ما اتجوزت بعدها بتلت اربع شهور كانت حامل ووقتها كان في رمضان وجوزها كان مسافر فأنا وماما روحنا عندها وقعدنا شهر رمضان كله لكن انا اللي كنت قاعده لكن ماما كانت بتروح وتيجي وبعد ما ولدت وانا متعلقه اوي بالمولوده وانا اللي كنت بعملها كل حاجه بأكلها وبشربها وبلبسها والعب معاها وابات معاها وهيا كانت بتيجي تبات معايا الكلام ده لما كبرت يعني هيا في الوقت ده عندها سنتين ونص والمهم امها خلفت بنت تانيا عندها تقريبا ٦ شهور ومن ساعت ما ولدت وبنتها الاولي قاعد معايا ولسه مروحه من شهر وخالتي وجوزها ذي كل البيوت اكيد بيتخانقوا فهما اتخنقوا كتير بس كان علي الضيق والموضوع مش بيوسع وخناقات تافه يعني مثلا يتخانقوا هنسمي البنت ايه وكده واخر مره اتخنقوا كان قبل ما تولد بنتها التانيه وطلع ان مراتو الاوله عملالو عمل فكان بيعملها وحش بس هيا كانت عزراه لان مش بعيده وعدت الايام والنهارده رنت عليا وبتقولي تعالي معانا هنروح نتفسح وانا بسراحه من الامتحانات والمذاكرة فنفسي كانت تعابه فقولت خلاص هروح اغير جوه ولما روحنا روحنا انا واخي واختي وهيا ومعاها واحده جارتها المهم روحنا كافيه وقعدنا من العصر لحد بعد العشاء وبعدها جه جوزها وقلنا تعالو نروح الملاهي المهم روحنا فدخلنا اول حاجه لعب الأطفال لان جارتها كان معاها اربعه وكلهم أطفال وبنت خالتي المهم هما دخلة يلعبو واحنا قاعدين نتصور وبعد شويه جت بنت خالتي بتعيط لأنها عايزه تركب البطاطا بس خايفه وهي اصلا طفله عندها سنتين فأكيد بتخاف ومره واحده لقيت ابوها جه مسكها ضربها فاحنا بنحوشوا راح زاح خالتي وخلاها اتخبطت في باب حديد مكان العمليه فقعدت مقدرتش تقوم وجارتها راحت تشوف ملها وانا واختي بنحاول نحوش منه البنت يقول لا انتو ملكيش دعوه انتوا اللي علمتونا الخوف وخدها وراح شويا جوه البطاطا والبنت بتصرخ لأنها خايفه راح شدها من دراعها وفضل يضرب فيها والحمدلله لحقناها ومحصلهاش حاجه خالتي بعد ما شافت الموقف راحت قالتلو انا رايحه بيت اهلي واتخانتقو في الشارع وهوا يقولها مش هتروح ولو روحتي هالحكي تندمي ولما سابته وراحت علشان توقف تاكسي راح راجع عاوز ياخد مني البنت انا مرضتش ادهالو وهيا اصلا مرعوبه منه وخايفه تروح عنده لقيته بيقولي لو سمحتي دي بنتي وانتي ما تدخليش وراح وخدها بالعافيه وخد اختها الصغيره وقال لخالتي مش عايزه تروحي عند بيت اهلك روحي بس مفيش عيال قالتلو لا هخدهم وشدو خناق تاني وفي الاخر علشان بناتها قالتلو خلاص هاجي معاك يقولها لا فروحت وقفت تاكسي وانا خت منه البنت الكبيره واختي خدت الصغيره وركبنا وخدنا خالتي واخويا ورحنا ساحبين و ماشيين ولما قربنا علي بتنا خالتي قالت لا انا هروح مش هاجي معاكو انا قولتلها ماشي بي انا من جوايا هموت واقلها لا وازاي هترجعيلو وانا خايفه عليها وعلي العيال بس علشان مبقاش خرابت بيوت قولتلها ماشي فهي وقفتها في الطريق يعني خطوتين ونوصل البيت وهيا راحت ماشه وانا من النوع اللي لما يبقي فيه حاجه زي كده بعيط عالطول فعشان خالتي والناس اللي في الشارع قعدت صابره لحد ما روحت واول ما وصلت البيت وشوفت ماما وانا اصلا الطريق كلها بفكر انا يدري هقولها ايه وماما من النوعيه اللي بتخاف وبتتخض فأنا اول ما شوفتها وقعت من طولي وفتحت في العياط وهيا مش فاهمه في اي فلحد ما هديت يمكن كان عده ساعه حكتلها كل اللي حصل وهيا خايفه تكلم حد من خلاني او جدي او حتا بابا لأنهم اكيد مش هيسكتوا وخالتي يعني الحمدلله جرانها ناس طيبين فهما قاعدين معاها من ساعتما روحوا علشان هوا ميكلمهاش وهوا بعد مروح ساب البيت وطلع ولما كلمنا خالتي قالت إن هوا لسه مرجعش وهما قالو ان احتمال يكون ده عمل معمله في عياله لانه اول مره يعمل حاجه زي دي ويمد ايده علي بنته وهيا اصلا طفله متعرفش دي سنتين مش كبيره وانا مش عارفه اعمل ايه ولا انصح خالتي بإيه خايفه لو قلتلها تسيبو ابقي خربت بيتها وكمان انا مش عايزاها تقعد مع واحد زي ده وانا من ساعت ما جيت وانا بعيط ونفسي وخداه بالعافيه لان ده ضغط غير الضغط اللي كان عليا وانا بسراحه مش عارفه اعمل ايه لاني خايفه علي خالتي وبنتها ومع العلم ان الكلام ده لسه حاصل النهارده وانا اسفه لاني طولت وياريت لو حد يفيدني بأسرع وقت وجزاكم الله خيرا
عاوزة حد يفيدك بايه ؟ انتى حكيتى القصة و فرغتى اللى جواكى و عبرتى عن قلقك على خالتك لكن انتى فى ايدك ايه تعمليه فى مشاكل بينها و بين جوزها أيا كان سببها اهى مشاكل موجودة فى كل البيوت و بتتحل مع الوقت و هو لو عارف ان طليقته بتعمل له حاجة زى سحر او عمل يبقى حد يقرالهم الرقية الشرعية على ازازة مية معدنية و يشربوا منها كلهم حتى الولاد و ترش منها اركان الشقة ع الحيطة و الرقية موجودة على النت و طريقتها بتفتح الازازة و تقربها من بوقها زى ما تكون هتشرب و تقرا الايات و تقفلها و يشربوا منها
تم النشر الثلاثاء، ٧ مايو ٢٠٢٤
شكرا ليك
تم النشر الثلاثاء، ٧ مايو ٢٠٢٤
لعرض السؤال في فدني اضغط هنا