السلام عليكم ورحمة الله وبركاته
عايزة اغير من نفسي من طباعي، عايزه أبقى بنت مهضومه عند كل الناس محبوبه كدا، عايزه أبقى ناجحه، عايزه اسعد نفسي بنفسي، عايزه احاول اسيطر علي حزني وآخد الدنيا بسهوله كدا مش عايزه أخد اي حاجه على أعصابي عايزه اغير نفسي تماما.
الحمدالله علاقتي مع ربنا كويسه خالص الحمد الله
بس انا وحيدة، بمشي لوحدي وبقعد لوحدي وكل يوم يعتبر لوحدي وممكن لو قعدت مع حد من صحابي هما بيبقوا مش صحابي هما صحاب بس مش مقربين، يعني ناس عادي.
المهم انا لما بقعد معاهم بتكلم كتير خالص ومش بسكت والله انا كنت مش كدا خالص بس حرفيا انا مش بلاقي حد يسمعني ولا بلاقي حد اقعد معاه.
أنا السنه دي دمرتني وحزينه من شهر 5 اللي فات وكل يوم عياط وبنام دايما معيطه عايزه ارجع لطبيعتي، عايزه اغير من نفسي تماما، محتاجة أصلح نفسي اكتر، محتاجة احب نفسي اكتر، محتاجة احاول اهدي نفسي في وقت غضبي محتاجة اواسي نفسي واقول لها ان الدنيا مش مستاهله ولا حد يستاهل في الدنيا دي اني ازعل علشانه.
انا اتكسرت من اهلي ومن صحابي ومن أقرب الناس ليا انا كله كسر بخاطري وكلهم آذوني والله كلهم جايين عليا في اوقات صعبه بس انا بعدت عن كله بقيت مش عارفه انا مالي بقيت تايهه بطريقه غريبه بقيت بحب أبقى لوحدي دايما.
ومن اسباب إكتئابي ان انا زعلانه على نفسي وعلى اللي وصلت له، الدنيا اُجبرتني اسيب حاجات كانت روحي فيها بقيت مش عندي شغف لأي حاجه؟
والله انامش معترضه على حكمة ربنا بس دي الحقيقه عايزه اغير من نفسي فعلا لان كدا انا هموت.
عندي امتحانات كمان شهر بحاول اطلع من اللي انا فيه وحسيت بالفعل ان طلعت شويه وبدأت اذاكر وابدأ المناهج من الاول تاني بس حرفيا انا دي اكتر سنه انا عاجزة فيها.
انتي عندك كام سنة؟ وفي سنة كام في التعليم ؟ وايه اللى حصل في شهر 5 خلاكي يحصل تحول كبير كدا في نفسيتك وفي علاقتك باللي حواليكي؟ لو الاهل والصحاب واقرب الناس ليكي هما كانو سبب الازمة اللى مريتي بيها ، فبعدها قررتي تكوني وحيدة ، فالعزلة والازمة والوحدة ، كفاية انها تخليكي حاسة طول الوقت بالحزن والوحدة والالم والعياط المستمر. عشان تكوني محبوبة ومهضومة ، لازم تكوني بتحبي وبتقدري نفسك ، وعارفة مميزاتك ، وبتعرفي توازني مشاعرك، وتتعاملي مع الازمات والصعوبات اللى بتمري بيها بحكمة ومرونة كفاية. مش لازم تكوني محبوبة من كل الناس ، لان دا صعب تحقيقه في الواقع ، دايما هتلاقي ناس تحبك ، وناس تانية متحبكيش ، ودا عادي .. المهم تكوني انتي راضية عن نفسك وبترضي ربنا في تصرفاتك وسلوكك ، وبعدها اللي شبهك هيحبك وهيحب وجودك في حياته. احسن حاجة عملتيها انك بداتي تركزي في مذاكرتك ، لان تعليمك ونجاحك له دور مهم جدا في استرجاعك لاحساسك بالانجاز والثقة بنفسك وانك تقدري تتجاوزي اي صعوبات مريتي بيها انتي محتاجة تتعافي من الازمة اللى مريتي بيها السنة اللى فاتت من شهر 5 ، ويبقى ليكي اصحاب جداد ، ويبقى ليكي اهتمامات جنب الدراسة ، هواياتك ايه؟ ارجعيلها رسم ، قراءة ، كتابة، رياضة، اشغال يدوية ، طبخ ، حرفة معينة عايزة تتعلميها تتسلي بيها، او شوفي مجال دراستك ايه، واتعلمي حاجة اضافية على مناهج الدراسة تفيدك بعد كدا ، زي اللغة الانجليزية ، او استخدام الذكاء الاصطناعي ، دول حاجات اساسية هتنفعك في اي شغل بعد كدا ، وكمان هتنفعك في دراستك في الجامعة. كويس انك عارفة انتي محتاجة ايه ، ابدأي فكري على حاجات تحققي بيها احتياجاتك دي .. كمان حاولي يكون ليكي نشاط خيري تطوعي ، اي حاجة تقدري تساعدي بيها الناس،، دا هيحسن من نفسيتك اوي ، وهتتعاملي مع ناس جديدة ودايرة معارفك وصحابك هتبقى اكبر ومش هتبقي لوحدك لو مش قادرة تعدي الفترة الصعبة اللى مريتي بيها، اطلبي المساعدة من متخصص او داعم نفسي هيساعدك على ترتيب افكارك ومشاعرك وهيعلمك تتعافي ازاي من الفترة دي وتحققي اللى انتي محتاجاه لنفسك.
تم النشر الأحد، ١٠ نوفمبر ٢٠٢٤
اسمعي بودكاست ل الشيخ ياسر الحزيمي الشيخ ده مريح وكلامه كويس والعبي رياضة حاولي تخرجي لوحدك عادي واتبسطي وانتي لوحدك كلي أكلة بتحبيها مثلا وارجعي أو مكان بتحبيه وحاولي تعملي صحاب صحبة صالحة وان شاء الله تبقي كويسة وان شاء الله انا اعمل زيك وابقي كويسة برضه 🤦
تم النشر الاثنين، ١١ نوفمبر ٢٠٢٤
وعليكم السلام ورحمة الله وبركاته. أختي العزيزة، أود أن أبدأ بالتعبير عن تعاطفي مع مشاعرك الصعبة التي تمرين بها. الإكتئاب والتحديات النفسية قد تكون ثقيلة على القلب والعقل، وطلبك للتغيير يدل على قوتك ورغبتك في تحسين حياتك. للتحول إلى شخصية أكثر إيجابية وإلهامًا، إليك بعض الخطوات العملية التي قد تساعدك: حدد الأهداف : ابدأي بتحديد أهداف صغيرة وقابلة للتحقيق. يمكنك أن تكتبي ثلاثة أهداف تريدين تحقيقها في الأسابيع المقبلة، مثل تحسين علاقاتك الاجتماعية أو تعزيز ثقتك بنفسك. امنحي نفسك وقتًا للشفاء : يجب أن تتذكري أن الشفاء لا يحدث بين عشية وضحاها. خذي الأمور خطوة بخطوة ولا تستخدمي معايير غير واقعية في تقييم تقدمك. احصلي على دعم : حاولي التواصل مع أشخاص مقربين منك، سواء كانوا أصدقاء أو عائلة، وشاركيهم مشاعرك وأفكارك. قد يكون وجود شخص يستمع إليك مفيدًا. اكتشفي اهتمامات جديدة : جربي أنشطة جديدة أو اهتمامات قد تثير شغفك. سواء كان ذلك في الرياضة، الفنون، أو حتى تعلم مهارات جديدة. مارسي الرعاية الذاتية : تأكدي من تخصيص وقت لنفسك والقيام بشيء يعجبك كل يوم، حتى لو كان بسيطًا. كوني لطيفة مع نفسك في أوقات الضغط. استشارة مختص : إذا استمرت مشاعر الاكتئاب، فمن المهم طلب المساعدة من طبيب نفسي أو مستشار يمكنه تقديم الدعم المهني. صلاتك بالله : أكملي تعزيز علاقتك مع الله، فالدعاء والاستغفار لهما تأثير عظيم على النفس. تذكري، عزيزتي، أنك لست وحدك في هذه الرحلة، وأن لديك القدرة على تجاوز هذه الأوقات الصعبة. إن الخطوة الأولى نحو التغيير هي الرغبة في تحسين نفسك، وقد اتخذتِ هذه الخطوة بالفعل. أسأل الله أن يمنحك القوة والهدوء لتجاوز هذه المحنة.
تم النشر الأحد، ١٠ نوفمبر ٢٠٢٤
اهلآ وسهلآ عزيزتي اقدر ماذا تشعرين وأشعر به وكم هو صعبآ ولكن مبدئيا تلك خطوة اجابية ان تشعري بتلك الأشياء تقولين انكي تبكين لا بأس فالحل بمواجهة مشاعرك وليس كبتها لا ينصح احد في الهروب من واقعه ومشاكله الا بالتقرب من الله عزيزتي وتذكري ان كل الناس ارضائهأ لا يعني شيء سواء ارضاء ربك ونفسك وراحة بالك ..يمكنك كتب ما تشعري على ورقة وايضا الأشياء التي تريدينان تقومين بها وهكذا يمكنك أن تحفزي نفسك وتذكري دائمآ انك انت طبيبة نفسكي اولآ دمتي بخير وانا هنا من أجلك
تم النشر الاثنين، ١١ نوفمبر ٢٠٢٤
لعرض السؤال في فدني اضغط هنا