أنا بنت عندي إكتئاب من ما يقرب ل 3 سنوات... الموضوع بدأ بصدمات عائلية في كل أفراد عائلتي حاليا عندي أرق وبتجيلي نوبات تشبه نوبات الفزع بتقعد لدقائق بكون في حاضنة نفسي في وضع الجنين، أول صدمة كانت إني كنت بلعب في هاتف والدي وشفت عنده بعض الأشياء السيئة بيشوفها عبر اليوتيوب وغيره... أنا وقتها كنت 15 سنة مفهمتش الوضع بس كل اللي اعرفه إن من يومها وأنا حياتي بقت جحيم؛ بقيت برفض إنه يخضني أو يكلمني أو يتواصل معايا بأي شكل وجوده بيضغط عليا بشكل مرعب.. بدأت أعاني من اضطرابات في النوم وكوابيس بتراودني كل ليلة زائد إني مبقتش أحس بالامان في البيت نومي كان عميق جدا دلوقتي حتي لو هو صحي بليل ودخل أوضتي يغطيني بقوم مفزوعة.. بحاول علي قدر ما أقدر إنه أكون بارة بس مش قادرة إني اسامحه علي وجود اضطرابات في النوم والاكل والثقة والمذاكرة والتركيز، زائد إن والدتي بتتعامل معايا بعنصرية لاني بنت وأخويا الاكبر مني بيعاملني بكل ازدراء وبيوصل الامر ساعات انه يمد ايده عليّ والاسباب بتكون تافهة جدا وأنا عادة شخص مطيع طالما الامر ملمسش كرامتي ومع ذلك أمي مش بتاخد موقف منه ودايما بكون أنا الغلطانة لاني البنت ولاني الصغيرة، الموضوع بدأ يتفاقم حاليا لاني بقيت معنديش طاقة نهائي ومكتئبة وحزينة وحاسة بتعاسة دائما ومش بقدر إني اذاكر او انظم وقتي بسبب اضطرابات النوم وده بدأ يأثر عليا جسديا وكمان بطلت أحفظ قرآن وذاكرتي بقت ضعيفة جدا مع العلم إني كنت بحفظ أي حاجة بمجرد ما أبص فيها ... الموضوع أكبر من كده بكتير بس ده اللي أقدر أعبر عنه حاليا •أنا الحمدلله بحاول أحافظ علي الجانب الديني دايما وده بيديني شعور أحسن بس الحالة العامة هي اللي مسيطرة أغلب الوقت•...... حاجة نسيت أقولها كل الناس اللي ذكرتهم واللي أنا منتمية ليهم ك عائلة بيظهروا للناس ك دعاة وأئمة ولكنهم في الحقيقة دمروني كليا.... أنا مش بكرهه عائلتي لأنها العائلة اللي ربنا اختبرني أكون فيها "أنا بس مش قادرة اسامحهم ولا قادرة اتخطي كل اللي وصلوني ليه من ضياع".
شكرًا يا ياسمين وشكرًا يا رود يسمين؛ شكرًا من قلبي حقيقي كلامكم فرق معايا كتير🩷🩷🩷🩷
تم النشر الأحد، ٢٢ أكتوبر ٢٠٢٣
انتى بنوته حساسه وده اللى خلاكى تتأثرى باللى اتعرضتى ليه بالشكل ده ولانك معبرتيش عن المواقف دى فضلت عامله الازمة دى جواكى اولا هندور على طريقة غير مباشرة تقولى بيها انك بتتأذى من المواقف اللى ليها علاقة بتعامل الراجل والست مع بعض ..زى المشاهد بتاعت االافلام مثلا افتحى مواضيع قدام ماما وبابا انك مثلا بتفكرى ازاى حد بيقرب من ولاده بشكل وحش ...هل ممكن االافلام االوحشة تكون هى السبب لما بيتفرجوا عليها . اهلنا دول بشر ليهم اخطاء ..مش معنى كده انهم بقوا شياطين ..سامحى بابا على خطأه ..انه فى الاساس مش عاوز يأذيكى ...الخطأ انك بصيتى فى حاجة تخصه فشوفتى اللى مقدرتيش تتحمليه ماما كذلك ....شوفى مميزاتها الكتير وتغافلى عن تقصيرها الغير مقصود اول حل لمشكلتك انتى عملتى جزء منه بانك تتكلمى هنا ...ولازم تتكلمى مع ماما وبابا ,....مباشر او غير مباشر ...ده هيعديكى من الموضوع كتير ان شاء الله
تم النشر الاثنين، ٢٣ أكتوبر ٢٠٢٣
نفس اللي بيحصل معايا بس الفرق اني ولد وعندي أختين بنات دايما بكون انا الغلطان بس لازم نستحمل هعمل ايه يعني بس حاولي التزمي بصلاه الفجر وقيام الليل واهم حاجه الخشوع لأنه هيشيل كل الطاقه السلبيه اللي عندك اشكي لربنا دائما فكك من البشر ربنا هو اللي بيحل اهم حاجه دلوقتي تكوني بخير وحاولي تتعايش انا حاسس بيك لأني مريت بيه
تم النشر الأربعاء، ٢٥ أكتوبر ٢٠٢٣
تقربي الي الله اكثر فاكثر وحاولي تتجنبي اي شيء بيزعجك حاولي تقعدى مع حالك اكثر او مع اصدقائك صلي اقرئي قرءان افعلي اشياء بتسعدك وتخليكي مبسوطة خليكي ايجابية وتاقلمى مع حالك انتى ولدتى في عائلة ما بتختاري هيك قدر ربنا الله يسهلك حالك ويفرحك عن قريب
تم النشر الاثنين، ٢٣ أكتوبر ٢٠٢٣
بصى يحبيبى الحاجات الل بتشوفيها دى ع فون باباكى دى بتبقا حورات يوتيوب وبتبقا ع اي تلفون كانت ع تلفونى وبحثت عن الحوار دا ولغيتوا يمكن باباكى معرفش يشيلهم وكدا ومش عارف يشيلهم وكدا باباكى اكيد مش وحش يعنى بتقولى بيعاملك كويس وبيغطيكى بس نتى دماغك بتوديكى لحاجات مش حقيقه ومش بتحصل اصلاا تمم وحاولى ترجعى لقرايه القران تانى دا هيهديكى شويه واخوكى لو بيضربك او نوع من انواع الهزار بالمس وكدا متخلهوش يتعود ع كدا لانك بتكبرى فاهمه قولى لباباكى مش شرط مامتك او تجنبيه وصلى وكبايه شاي بالنعناع ومكان ميكونش فيه دوشه وذاكرى واقرى قران قبل المذاكره ومتشغليش نفسك يجميل غير بمذاكرتك واحسن وقت تذكرى فيه بعد الفجر ونامي بدرى ونظمى وقتك وبراحه متضغطيش ع نفسك 🫶🏻❤
تم النشر الأحد، ٢٢ أكتوبر ٢٠٢٣
أعتقد أنك تتجربين الكثير من الألم والصعوبات في حياتك. أولاً وقبل كل شيء، أود أن أقدم لك الدعم والتشجيع. إدراك ما تعانين منه والبحث عن طرق للتغلب على الألم هو خطوة جيدة. من المهم أن تعلمي أنك لست وحدك في هذه المعاناة، وأن هناك العديد من الخيارات المتاحة لمساعدتك في التعامل مع الاكتئاب والقلق. قد يكون من المفيد أن تبحثي عن دعم محترف من خلال طبيب نفسي أو مستشار نفسي. يمكنهم تقديم الدعم اللازم وتوجيهك نحو العلاج المناسب لحالتك. بالنسبة للصعوبات في التواصل مع أفراد عائلتك، قد يكون من المفيد أن تجربي إيجاد بيئة آمنة ومفتوحة للحوار معهم. قد يكون من المساعد أيضًا أن تبحثي عن دعم في المجتمع، مثل الأصدقاء أو المنظمات المحلية التي تهتم بالصحة العقلية. لا تنسي أنه يمكنك أيضًا ممارسة بعض الأنشطة الراحة والاسترخاء للمساعدة في التخفيف من الضغط النفسي، مثل الاسترخاء التنفسي أو اليوغا. ابحثي عن الأنشطة التي تجلب لك السعادة والاسترخاء. وايضا لو انكي مش مستريحه انك تحكي مع اهلك او مايعطو لك المجال او يفرقو تقدري تحكي معهم نص ساعه اما في الساعات الباقيه اعملي اشياء تحبها تعلمي مواهب تعلمي اي شيء تحبيه ة تعلمي مواهب و طوري في نفسك كوني انتي احسن و انتي واثقه من نفسك اقري القرآن تحي لو عشره دقايق و صلي وادعي راح تفرق معك الأشياء ده أنا هنا للتحدث إليك ودعمك في أي وقت. إذا كنت تود ذلك.
تم النشر الأحد، ٢٢ أكتوبر ٢٠٢٣
صلى بالمسجد والصلاة ستنهاك
تم النشر السبت، ١١ نوفمبر ٢٠٢٣
لعرض السؤال في فدني اضغط هنا