صباح الخير
انا عندي بنوتي الكبيره 6 سنين والصغيره 4
المهم بنتي الكبيره دي بتتصرف بكريقه غريبه جداااااااا غير طبيعتها اول كانت بتخاف مني جداااااا وكانت بتسمع الكلام وبتعمل كل حاجه لنفسها من ساعة منزلت شغل وهي حلاتها في الاسواء مش بتسمع كلام خالص بتضرب اختها علي طول مش بتخليها تلعب معاها بتتعصب وتتشنك من اقل كلمه مابقتش تردا تذاكر خالص معانها شاطره جدااااا وذكيه الحمدالله ومتفوقه في الدراسه بس هي عصبيه اوي وبقيت تقل ادابها عليا وعلي اي حد زي مامتي وجدها مابقتش تخاف مني خالص وبتخلي اختها تعمل زيها رغم ان اختها بتخاف مني جداااا هي بتعود مع اهلي فترت الشغل بتاعي ومحدش بيزعلها خالص بس هي دايما شايفه ان الكل بيحب اختها وهي لا عوزاني اعود معاها ومشتغلش وانا مينفعش اسيب الشغل واعود معاهم عشان اقدر اصرف عليهم انا مش عارفه اعمل معاها اي وتعبت معاها لدرجة اني بقيت اضربها عشان تطبل تضرب اختها وتسمع الكلام وكمان بتكدب عليا
السؤال هنا انتى متأكده اوى انها كانت بتخاف منك اووى كده ازاى ؟ اتمنى تكونى بس اخطأتى التعبير لو كنتى معتمده فى تربيتها على الخوف فده كده كده بيجيله وقت وبيحصل عليه تمرد لكن لو تقصدى انها بتعملك حساب وبيفرق معاها زعلك او مجرد انك تبصيلها تفهمك ..فده موضوع تانى ...ويبقى تغيرها ده هو تعبير عن غضبها لانها مش عارفه تقولك شعورها لما انتى نزلتى اشتغلتى ممكن اترجم شغلك عندها انك تخليتى عنهم فهى شافت انى ردا على ده مش هسمعلك ولا اعمل اى حاجة انتى عاوزاها كان ضرورى توصلهم الفكرة بالتدريج ومش فجأه هسجلك الخطوات اللى تعمليها معاها حاليا وباذن الله الامور تتحسن
تم النشر الأربعاء، ٢٤ يناير ٢٠٢٤
علمائها كااخت لكي بالحسني ولاتزيدتي عليها القسوة حتي التخرج عن المألوف وتتجه اتجه اخر اولا ثانيا ربما هي شايفه انكي تعاملي إخوتها زيادة عنها فلربما الغيرة موجودة وهذا شيء غريزي علي كل حاولي معها بهدوء دون عصبية زلئدة لئلا تنفلت الأمور وسيهدي الله من يشاء
تم النشر الثلاثاء، ٢ أبريل ٢٠٢٤
السن دا صعب معلش استحملي وربنا ييسرلك امورك ان شاء الله
تم النشر الثلاثاء، ٢ أبريل ٢٠٢٤
معذرة في السؤال بس هو الطفل الطبيعي عند حضرتك هو اللي بيخاف من أمه جدًا؟ يعني بنتك كانت طبيعية لما كانت تخاف منك جدًا والبنت الصغيرة بتقلدها رغم إنها بتخاف منك جدًا ده غريب بصراحة.. المشكلة هنا مش في الأطفال حضرتك عندك إشكالية في طريقة التعامل معاهم وده اللي وصل بنتك لكده لما انتي بعدتي عنها آسفة لو كلامي شديد بس اللي لاحظته إن بنتك الكبيرة لما انتي انشغلتي عنها حست بالأمان لأن مصدر خوفها بعد فبقت تعمل اللي هي عايزاه + بالإضافة إن العاطفة اللي هي محتاجاها منك قلت برده بسبب شغلك فشوفي هتعوضيها ازاي وهتحلي مشكلة الخوف منك ازاي برده.
تم النشر الأربعاء، ٢٤ يناير ٢٠٢٤
حسسيها بامان يمكن ف حاجه نقصاها دايما لم ترجعي من شغل اقعدي معها اسأليها عملتي اي ف مدرستك وانتي راجعه من شغل هاتلها سناكس هي بتحبو واساليها ضربتي اختك ولا لا ولو ضربتها بلاش تديها الاسناكس مره ف مره هتحب اختها وهتعملها حلو بالنسبه لاسلوبها مبدايا كدا مفيش حاجه بتتحل بضرب خليها تحس بالمان معاكي وهي هتعدل اسلوبها وهتهتم بدارستها
تم النشر الأربعاء، ٢٤ يناير ٢٠٢٤
واضح ان بنوتك مفتقداكي ومحتاجة حنانك ووجودك جنبها .. وواضح ان الاهل وانتي بتدلعوا البنت الصغيرة وواخدة اهتمام زيادة عن الكبيرة ودا سبب لعنف البنت الكبيرة بتحاول تشد انتباهكم ولو حتى بالتصرفات الغريبة او العنف او رفض الاوامر.. حاولي تبدأي تبني علاقة كويسة معاها حاولي تحضنيها وتقوليلها كلام حلو وتجيبلها حاجة حلوة معاكي وانتي راجعة من الشغل هيا لسه طفلة على فكرة ..ابعدي عن التهديد والتخويف والعقاب عشان هيخلي الأمور تسوء اكتر .. حسسيها انها بنوتة كبيرة وتقدر تخلي بالها من اختها الصغيرة .. تجنبي تمدحي الصغيرة قدامها وتدلعيها ولو حد من الأهل دلع الصغيرة ونسي الكبيرة انتي احضنيها وقوليلها انتي كلام حلو ..
تم النشر الخميس، ٢٥ يناير ٢٠٢٤
• ما الداعي لذهاب حضرتك إلى عمل عند وجود طفلتين في مثل هذا العُمر ، هل حضرتك المسئولة عن الإنفاق عليهم ، وأين زوجك ؟
تم النشر الخميس، ٢٥ يناير ٢٠٢٤
متخليش اولادك تخاف منك خليهم يخافوا عليكي وع زعلك ،،،وحاولي تقربي من بنتك هي شيفاكي مشغوله عنها والاطفال فالسن دا محتاجين لينا اكتر من اي حاجه تانيه
تم النشر الخميس، ٢٥ يناير ٢٠٢٤
الحل باختصار بانك تصاحبيها والاهم انك ةعملي معاها حاجاة مش بتعمليها مع حد تاني خالص حاجات بالنسبة لينا احنا الكبار تافهه وصغيرة لكن بالنسبة ليها هتكون كبيرة ومميزة
تم النشر الثلاثاء، ٢ أبريل ٢٠٢٤
معلش انا شايف اجابة سؤالك في مسلسل بابا جية
تم النشر الثلاثاء، ٢ أبريل ٢٠٢٤
نصيحة مني بجد اوعي تيجي على الصغيرة عشان الكبيرة ترتاح انا من واقع التجربة وبقولك كده هتخسري واحدة منهم،فحتى لو هي شايفة انك بتحبي اختها اكتر منها قوليلها انا بحبكم كلكم زي بعض حتى لو مصدقتش انت مش غلطانة فحاجة لكن اهم حاجة المساواة
تم النشر الثلاثاء، ٢ أبريل ٢٠٢٤
علميها ان محدش هيحبها اكتر من اختها لا صاحبتها ولا غيره،فحاولي تصحبيهم على بعض ومثلا تقعدي تحببييها فيها عن طريق الكلام عن صلة الرحم وقوة علاقة الاخوة هي صغيرة عارفة بس لما تتربى عالكلام ده من صغرها احسن مايحصل مشاكل بينهم لما يكبروا
تم النشر الثلاثاء، ٢ أبريل ٢٠٢٤
والحل انك تربيها عالقرآن والصلاة هي واختها وتعلميها ان اختها دي اكتر مت صاحبتها وتقوليلها لو عامليتيها حلو هجبلك شكولاتة وحببيها فاختها،وبرضو اعمليلها تعزيز اجابي من حيث المذاكرة قوليلهالو ذاكرتي هجبلك كذا وشوفي هي بتحب اي واعمليهولها
تم النشر الثلاثاء، ٢ أبريل ٢٠٢٤
مش عارفة اقول لحضرتك اي بس انت ملكيش ذنب الحل الوحيد انك تقعدي من الشغل الفترة دي لو في مقدرتك وتحاولي تدافعي عن بنتك الصغيرة عشان متتعقدش بسببها،انا اخت صغيرة وعندي اخت كبيرة وحرفيا عمري ما قصرت معاها وسبحان الله نفس الصفات عصبية وبتغل وبابا وماما بطلوا يمدحوني قدامها فعلا وبقوا يمدحوها هي قدامي ويقللوا مني قدامها عشان تفرح وده بقى يسببلي مشاكل نفسية فالحل انك تحمي الأخت الصغيرة عشان متعيشش فاللي انا بعيشه ملهاش ذنب
تم النشر الثلاثاء، ٢ أبريل ٢٠٢٤
والله بعمل كل ده بس هيا شايفه ان كلنا بنحب اختها وهي لا
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا